Tusing karasa suba telung bulan gumine gonjang-ganjing ulian corona. Telung bulan suba tusing nawang sekolah, tusing melali, tusing magae, buina tusing cara ane suba-suba. Mekejang mawatesin gegaene. Ane ngae sanget sebet atine, tiang ningalin meme bapane keweh ngadep isin abian. Ngelah salak, biu, kesela, muah ane lenan tusing ada anak meli. Dugas tonden ada corona, liu saudagar-saudagar uli dura desa mablanja ka peken. Sakewala ane jani, ane mablanja tuah saudagar lokal dogen. Buka patapan rokone, sayan nguredang, sayan keweh alih-alihan idupe. Yen sing adep, sing ngelah pipis. Yen suba adep, paco-pacona tagiha mudah-mudah.
Ane jani suba new normal. Pemerintahe suba ngawit ngembakin ane ladne kawatesin. Sakabedik suba ada saudagar uli dura desa ane meli isin abian reraman tiange. Dumadak ane jani coronane buka patapan rokone, sayan nguredang, sayan ilang uli gumine. Apang sapih, tiang taen mapatapan roko keto masih i corona apang taen mapatapan roko.
Enable comment auto-refresher