Wewidangan jagat Bali nenten jimbar pisan, makatah pisan swagina swakarya parajanane ring Bali. Wisatawan makeh naler rauh ring jagat bali, ngrereh kaliangan manah, sinambi nguratiang kebudayaan baline. Bali puniki jagat sane kaloktah ka dura negara. Jagat bali dahat asri tur luih pisan. Sakemaon kantun akeh alit-alite ring bali nenten masekolah kantos tamat SMA SMK. Napi mawinan asapunika santukan reraman ipun tan madue biaya jaga nyakolahang pianakne. Sapatutnyane pamerintah ring bali nguratiang pikobete puniki, tur mangda sida alit-alite punika ngranjing masekolah. Tios ring punika mangda biaya pendidikan ring jagat bali samian gratis tan naur prabeya malih. Wenten naler wewidangan jagat Bali sane meweh molihang toya, utawi wewidangan kering. Puniki naler patut kauratiang ring pemerintah, mangda sida parajanane ring bali kerta lan raharja. Ngiring sareng nguratiang kasukertan krama baline, punika naler yening wenten krama bali sungkan mngda prasida tan naur prabeya ri kala matamba ring rumah sakit.
Aktifkan pemuatan ulang komentar otomatis