Kadi bedake suginin, kadirasa joh pacang ngamolihang ne aptiang. Punika silih tunggil sane karaseyang ring aab jagate sakadi mangkin. Sampun akeh sane kapanggih, mawit saking ngalestariang tetamian anak lingsir ngantos ngajegang tradisi iraga. Sampunang doh ngambil contoh, ring pakubon iraga sampun maciri yening genah ibu pertiwi sane mangkin sayan nyupitang. Akeh sampun kawangun beton, mata air sampun kapegatang, kasuwen-suwen minab pacang ngametuang air mata ring penerus iraga. Ngaruruh pangupajiwa sayan meweh, genahe sayan cupit, asing matolihan pragat beton. Nenten wenten sane pacang sungsungang malih. Kasuwen-suwen pacang nguredang, pada aas tas-tas ngetuh tan wenten sane nguratiang. Sajabaning pangupajiwa mata air sane ngicalang air mata iraga, minab punika pamargi sane becik mangda jagat Bali kantun ajeg asri tan kirang sandang pangan papan.
Aktifkan pemuatan ulang komentar otomatis