Kali Citta Pralaya puniki ogoh-ogoh saking banjar titiang, stt. Tunas Muda, Sidakarya. Suksman ogoh-ogoh puniki ring aab jagat kali mangkin, akeh sampun wenten bikas anake sane nenten becik. parilaksana sane nenten patut punika medal saking pikenoh jadma sane nenten patut maparilaksana. pinaka simbol ring ogoh-ogoh puniki raksana sane nenten madue lima lan batis. wantah madue awak lan tenggek.
pateh sakadi ring aab jagate mangkin, akeh manusane sane malaksana nenten patut tur seneng ngusak-asik anak tiosan. sane ngawinang punika pastike pikenoh sane medal saking sirah iragane. pateh sakadi mangkin ring pemerintah, pinaka guru wisesa, patut maparilaksana ane becik, ngametuang kebijakan-kebjakan sane patut. mangda sami manusane nenten keni sangsara. malih-malih ring jagat Baline. Dumogi para pemimpin sane wenten ring sajabag jagat Bali prasida ngutamayang kesejahteraan rakyat, nenten ngutamayang kepentingan raganne.
Enable comment auto-refresher