Ketekan ka ping nem welas maret
Warsa kalih tali kalih dasa
Nadak sara uyang kerasa
Tejan sanghyang surya tan kacingak
Langite peteng dedet kasaputin gulem
Masemu ayem sekadi ngedesem
Manahe ngangsan remrem
Kerasa gumine serem
Batise ngetor
Tangkahe nurdar
Saget wenten gatra ngesengin kuping
Corona....corona.....corona
Mawetu saking wuhan cina
Ngangsan nglimbak ke Bali
Sekancan gaginan ketawengin
Pamerintah ngangsan meweh nepasin
Johin ..... i covid 19
Nganggen masker
Basuh tangan
Semprot maserana disinfektan
Akeh kramane pungkat pajelempang
Rumah sakit ngantos kosekan
Dokter lan perawat pade lampus
Sedih kingking tan sinipi
Gering i covid tanpa wates
I krama pajerit nangis
Paketeltel ngembahin pertiwi
Minab hyang ibu menggah
Kawentenan jatma kaliwat dwapara
Sangkaning ngrubeda pralinan due
Uduh,,,,,hyang maha tiling
Usanang mapiduken
Ikrama serahina
Nyakupang tangan kara
Mejalaran
Nang...........
Ning .........
Nong........
Tenang....hening....ngemargiang pituduh pamerintah.
Enable comment auto-refresher