Ipidan sabilang wai madaran ane jaen-jaen. Jani be guling, bin mani be tutu, idupe karasa mewah ulian liu maan gajih. Nanging ane jani nadak malenan sasukat I Corona teka ka Bali, ngaruruh ngantos ka Desa. Tuah akijapan mata onyang dadi malenan, buka madingan lima, aluh pesan tiang kena PHK, makejang nyangsan ngareres, pipis suba ngured-nguredang buka api siamin bensin, alih keweh telah aluh. Jani tiang tuah ngidang madaar nasi mimbuh jukut jepang. Jagate makenyem ulian tusing uyak polusi, nanging tiang dini nyem ulian uyak jukut jepang anggen nyambung idup nongos di Desa.
Enable comment auto-refresher