Pikobet ngenenin indik budaya Bali, sane nyansan rered kewentenannyane ring era pembangunan modern sekadi mangkin. Krama Bali nenten niwakin budaya saking dura Bali sane ngeranjing ka Bali, saha krama Baline ngangen tetuladan budaya saking dura Bali sane becik kekantenang, pinaka conto inggih punika jinah kepeng saking Cina utawi ring Bali kawastanin Pis Bolong sane ketah kaanggen sarana upakara agama. Taler wangunan suci wiadin peumahan sane mangkin, sampun akeh sane nganggen pepayasan mawit budaya saking dura Bali. Nanging sane dados pikobet krama Bali mangkin inggih punika akehnyane kewangun sarana pariwisata minakadi Hotel, Restoran, lan sane tiosan. Punika sane akeh nelasang genah ring Bali, dadosnyane genah sekadi carik, tegalan, lan saluirnyane nyansan akidik kawentenannyane ring Bali, saha subak sane sampun kacumpuin olih UNESCO pinaka warisan dunia sane mangkin sampun sayan rered kawentenannyane.
Enable comment auto-refresher