Sakadi sane sampun kauningin indik jagat Bali sampun kaloktah antuk seni lan budayanyane ngantos ka dura negara. Sajeroning nitenin linggihe pinaka daerah tatujon wisata, Bali ngemanggehang Pariwisata Budaya pinaka daya tarik wisatawane sane pinih utama. Bali skadi magnet, ngarad manah para wisatawane mangda prasida polih galah ngenjekin, ngantenang miwah ngarya kenangan ring tanah Bali. Duaning asapunika, budaya Baline patut kaupapira mangda prasida ajeg, kukuh miwah lestari. Yening budaya Bali ne sampun rered utawi runtuh, pariwisata Baline pacang taler sayan rered tur padem,mawinan pawangunan ring Bali nenten pacang prasida mamargi antar. Mangda budaya Baline ajeg ngantos kapungkur wekas. Ngiring para jana Baline gotong royong, nginggilang rasa sagilik-saguluk salunglung sabayantaka sarpanaya utawi ngelarang kesatuan miwah persatuan mangda prasida ngemolihang kasukertan.
Aktifkan pemuatan ulang komentar otomatis