Halo, titiang Krisna, semeton saking Karangasem. Titiang mahasiswa ring STKIP Agama Hindu Amlapura ring prodi Pendidikan Bahasa Inggris. Yadiastun titiang ring Prodi Pendidikan Bahasa Inggris, tiang nenten engsap sareng bahasa Bali duaning saking alit tiang sampun muruk bahasa Bali. Ring warsa sane mangkin, 2023, sampun makeh pisan pembangunan ring Bali. Pembangunan lingkungan, fasilitas, miwah perkembangan masyarakat. Sami masyarakat ring sajebag Bali sampun pada keni modernisasi, makeh aspek kehidupan ring masyarakat sampun sayan aluh. Nanging, wenten sane dados dampak negatif modernisasi punika. Saluire : handphone, handphone utawi HP puniki pinaka sarana maakang sane ejoh sareng iraga. Nanging, HP puniki taler mersidayang ngejohang sane paak teken iraga. Kawentenan puniki sane patut iraga setata elingang, mangda nenten ulian modern, iraga engsap teken nyama, teken semeton iraga sane wenten paak iraga. Masyarakat Bali sane madue oka utawi alit-alit patut setata ngingetang alit-alit duwene mangda nenten larut ring modernisasi. Iraga ring Bali maurip ulian menyama beraya, nenten mersidayang hidup pedidi. Ngiring sareng-sareng elingang kawentenan modernisasi puniki, mangda iraga setata rumaket menyama dados asiki, dados nyama Bali sareng sami
Aktifkan pemuatan ulang komentar otomatis