Sane mangkin, makesami sisia pacang ngelaksanayang melajah saking jero soang-soang kenten guru titiange ngenikain titiang daweg nike. Kawentenan gumine kadi mangkin, ngeranayang samian jatma keni imbas santukan wenten Virus Covid-19 puniki. Eling titiang daweg nike, titiang kantun seneng meplalian, mecande lan mekedekan sareng timpal-timpal titiange. Raris kesiarang wecana ring media sosial indik kawentenan virus sane sampun merebah ring Gumi Cina ne. Nenten wenten ring pikeneh titiange, viruse puniki pacang rauh ke Gumi Baline. Irike raris wenten surat edaran saking pamerintah mangda irage sareng sami meneng ring jero soang-soang. Akeh pisan sampun jatma sane keni PHK lan ngambil pekaryan sekadi meadolan ring media sosial, ojek online lan akeh malih sane lianan. Sane mangkin titiang dados sisia wantah prasida ngastiti bakti saking jero soang-soang, dumogi virus corona puniki gelis ical saking gumine puniki.
Enable comment auto-refresher