Isin keneh titiang majeng ring Bali ring era sane mangkin.Utamannyane ring kalangan alit-alit inggih punika mangda alit-alit sane wenten ring Bali ngajegang budaya Bali khusus ne indik basa Bali lan aksara Bali. Yening uratiang ring kalangan masyarakat, basa Bali sampun sayan punah sawireh alit-alit sane wenten ring kota sampun akeh nganggen bahasa Indonesia ritatkala mebaos sedina-dina . Punika taler aksara Bali, akeh alit-alit sane nenten hapal ritatkala Bapak utawi Ibu Guru ngicenin pelajaran aksara Bali. Ipian miwah pangaptin titiang mangda alit-alit sinamian melajah mebasa Bali taler aksara Bali mangda budaya Bali ne nenten punah. Taler lege manah titiang santukan ring kampus STKIP Agama Hindu Amlapura sampun wenten program pendidikan Bahasa Bali. Duaning sampun janten wenten generasi muda pinaka calon guru sane jagi ngajahin utawi ngewantu alit-alit e melajah basa Bali miwah aksara Bali. Mangda presida ngajegang tur ngelestariang basa Bali miwah aksara Bali mangda setate lestari ring era mangkin utawi ring era sane jagi rauh.
Aktifkan pemuatan ulang komentar otomatis