"Ajian Ki Cambra Berag"

Title: "Ajian Ki Cambra Berag"
Photo Credit/Source: https://instagram.com/brasika.1?igshid=YmMyMTA2M2Y=
Artist / contributor: I Dewa Ayu Made Manis Suarningsih
Genre: -
Related Place

Enable comment auto-refresher

Sidew24

13 months ago

Votes 1

Om Swastyastu Ampura sadurungnyane tiang nyelang galah, wastan tiang Sintia. Tiang jagi nampenin indik sasuratan saking Dewa Ayu Manis. Tiang cumpu sareng napi sane sampun kasobiahang sareng Dewa Ayu. Yen rung teken palemahan iragane di gumi ene, utamanyane di gumi Bali enu liu sajan mula ada beburon cara kuluk liar di jalane luntang lantung sing ada ngarawat. Mawak berag ulian tusing ada anak maang mamaan. Disamping ento buin, liunan kramane milih meli kuluk ane malen-lenan lan makelas-kelasan. Jelek baan nuturang, kuluk Bali bedik ada ane nganggoang nyak ngubuh. Nah jani, ningalin unduk buka kene dini suba sapatutnyane pemerintah nyemak keputusan luwih. Ngaenang tongos penangkaran utawi napi ja nika saputnyane apang kuluk-kuluk liar ene tusing sengsara. Keto masih pemerintah ngawentuk petugas ane bisa nanggung jawabin tugase ene. Len satuane buin, antuk krama lenan ane mula tusing taen ngubuh kuluk. Yen mula tusing bisa utawi tusing nyak ngubuh kuluk bisa sajan tetep ngawantu pemerintah uling pakaryan saderana, yen nepukin kuluk liar ane enu cenik bisa langsung aba ke tongos penangkarane ento. Yen suba ngelaksanang kene, tusing suba buin ada kuluk liar napimalih kuluk rabies krana di penangkaran ento makejang kuluke suba karawat. Inggih wantah amunika panampen saking tiang, ampurayang yening wenten iwang.

Suksma

Permalink | Reply

I Dewa Ayu Made Manis Suarningsih

13 months ago

Votes 0

Matur Suksma Mbk Sintia antuk panampen nyane.

Permalink

In English

—

In Balinese

Nyama yen nepukin kuluk gudig merasa biting resem? di Bali ade kone ajian cambra berag, ento ajian pangleakan ane wayah, ngidang ngubah dewekne dadi kuluk berag awakne telah metatu misi berek di baongne. Ogoh- ogoh ene ngingetang irage apang tusing ngusik idup anak len nyiksa beburon khususne kuluk Bali. Pemerintah sepatutne pati rungu nyaga lan teges teken anak ane ngematiang,ngeracunin kuluk, basangne layah, gelem, lan siksa e. di tengah kuangne pemahaman, lan hukum teken laksana ane sing patut teken beburon. apang kuluk ento tusing punah lan nangiang hubungan harmonis manusa ajak palemahan, patuh teken konsep Tri Hita Karanane.

In Indonesian

—