Budaya Baline sampun kasub kantos ring dura negara, silih tunggilnyane inggih punika ngenenin indik seni lan budaya sane wenten risajerong pulo Baline. Ring gumi Baline ketah kauningin indik budaya sane prasida memargi kaseringin antuk kesenian Bali, sakadi seni tabuh, seni tari, miwah sane lianan. Kesenian tabuh ring Bali sampun akeh wenten paobahan-paobahan sakadi tetabuhan baleganjur sane kakreasiang olih para seniman tabuh ring Bali. Kesenian igel-igelan Bali taler sampun kalimbakang dados tetarian inovatif tur sampun mrasidayang kasaksiang olih para kramane ring Bali miwah ring dura Bali. Ring Bali utamanyane krama hindune ritatkala ngalaksanayang upacara yadnya pastika sampun ngangge seni tabuh lan seni tari puniki. Punika nyihnayang pinih mabuat pisan kasenian punika ring wewidangan krama Baline. Iraga dados yowana Bali sampun sapatutnyane ngajegang lan ngalestariang seni lan budaya Baline, sumangdane seni lan budaya Bali sayan ajeg tur lestari kantos kawekas.
Enable comment auto-refresher