ring rahina mangkin, pinanggal 19 Pebruari 2023, ring bale Banjar Kemulan, Desa Jagapati ngemargiang parikrama Bulan Bahasa Bali sane mebantang Segara Kerthi : Campuhan Urip Sarwa Prani. Ring galahe puniki kamargiang tigang wimbakara inggih punika wimbakara Masatua olih ibu PKK desa Jagapati, wimbakara Pidarta Bahasa Bali olih bapak kelian adat desa Jagapati miwah wimbakara Nyurat Aksara Bali olih alit desa Jagapati. Akeh pemilet ring wimbakara Masatua Bali petang diri paten taler sareng Wimbakara Pidarta Bahasa Bali akeh pamilet nyane petang diri. Ngangganin saking soang soang Banjar inggih punika siki pamilet saking Banjar Sibang, siki pamilet saking Banjar Kemulan, siki pamilet saking Banjar Pasek, miwah siki pamilet saking Banjar Jabejero. Pamilet Wimbakara Nyurat Aksara Bali akeh nyane 6 diri saking SD N 1 Jagapati taler SD N 2 Jagapati. Parikramane puniki taler kerauhin olih, Perbekel Desa Jagapati, Kelian Desa Adat Jagapati miwah uleman sane tiosan. Parikramane punika kapungkah olih Bapak Perbekel Desa Jagapati. Pikolih parikramane puniki inggian Jayanti 1, Jayanti 2, taler Jayanti 3 Wimbakara Masatua Bali. Jayanti 1, Jayanti 2, Jayanti 3 Wimbakara Pidarta Bahasa Bali. Jayanti 1, Jayanti 2, taler Jayanti 3 Wimbakara Nyurat Aksara Bali.
Aktifkan pemuatan ulang komentar otomatis