Bali utawi ketah sane kabaos pulau Dewata inggih punika silih sinunggil pulau utawi provinsi sane wenten ring Indonesia, sane sampun kaloktah ke dura negara santukan kaindahan wisata, tradisi, kesenian, adat lan budaya, miwah sane lianan sane wenten ring Bali. Kearifan lokal sane wenten ring Bali dados sasuluh majeng ring masyarakatnyane. Perkembangan globalisasi lan zaman sane ngancan modern, ngranayang masyarakat Bali harus mampu nerima taler memilah budaya sane becik lan budaya sane nenten becik.
Silih sinunggil kawentenan modernisasi ring Bali inggih punika sane kabaos beach club. Dampak positif ring kawentenan beach club inggih punika kawentenan dampak ekonomi majeng ring masyarakat sane makarya ring pariwisata, sawireh akeh turis dalam negara miwah turis dura negara ring beach club punika. Akehnyane beach club ring Bali taler makta dampak positif sakadi menyerap tenaga kerja mangda pengangguran ring Bali nenten akeh jumlahnyane.
Modernisasi ring Bali patut seimbang. Krama Bali patut nglestariang budaya, adat lan tradisi mangda warisan leluhur tetep lestari lan lestari. Modernisasi, akulturasi, pluralitas budaya prasida kasuksmayang majalaran antuk pendidikan miwah paiketan.Yening budaya lan adat istiadat iraga tetep kalestariang, iraga pinaka krama Bali nenten perlu takut modernisasi.
Enable comment auto-refresher