Om Swastyastu Pengenjuh titiange ring kawentenan PEMILU 2024 inggih punika: 1. Mangda Pemerintah tetep iling ring kawentenan penyandang disabilitas,sida ngicen genah makarya sane manut ring keterampilan sane sampun kagambel, lan upah sane manut, gumantine mangda Sida para penyandang disabilitas mangguhin kesejahteraan ring Kuripan. 2. Ring Kabupaten Kota mangda kawangun Asrama lan Sekolah genah alit-alit penyandang disabilitas ditampung lan melajah. 3. Inklusi sane sampun sering kawedar saking Pejabat Pemerintah mangda Sida kauningin sareng sami saking beduwur kantos kewargi sane beten, saking luanan kantos katebenan. 4. Pemerintah mangda ngawentenan acara nyambung rasa sareng wakil-wakil disabilitas nyabran awarsa, mangda aspirasi penyandang Sida kauningin oleh Pejabat, turmaning penyandang disabilitas taler sida uning perkembangan pinih anyar ring Pemerintahan. 5. Pemerintah mangda ngicen biasiswa ring penyandang disabilitas, taler ring alit-alit saking okan kulewarga penyandang disabilitas saking Sekolah Dasar kantos perguruan tinggi. 6. Sosialisasi indik kawentenan undang-undang perlindungan dan pemenuhan hak bagi penyandang disabilitas, taler peraturan pemerintah lan peraturan daerah sane mapaiketan ring penyandang disabilitas lebih gencar kemargiang.
Om Santih, Santih, Santih, Om.
Enable comment auto-refresher