Kawentenan Basa Bali ring wewidangan Bali ngancan kedik penuturnyane. Silihtunggil sane ngawinang inggih punika kawentenan paobahan demografi lan migrasi sane prasida ngawianang para yowana lan krama saking dura Bali sane akehan nganggen basa Indonesia pinaka basa saharina. Tios punika kawentenan budaya asing lan modernisasi taler prasida ngawinang kirangnyane kayun yowanane mabasa Bali. Para yowanane ngarasayang basa Bali pinaka basa sane kuno pisan nenten nganutin aab jagate mangkin. Punika mawianan akeh para yowanane nenten purun mabasa Bali. Para yowanane mangkin akehan setata mabasa Indonesia lan mabasa Inggris. Yening kawentenane sakadi punika, pastika basa Baline ngancan lami pacang rered tur ical kawentenane. Punika mawinan ngiring sareng sami pamekas yowana Baline, ngiring ajegang Baline antuk setata mabasa Bali ring kahuripane.
Aktifkan pemuatan ulang komentar otomatis