Property:Place information text ban
From BASAbaliWiki
P
Pura Rambut Siwi magenah ring Kabupaten Jembrana, ring sisi kangin Desa Yeh Embang, kecamatan Mendoyo, sawatara 10 km saking Negara. Rambut Siwi mateges tetamian marupa rambut sane kasinggihang utawi kasiwiang. Pura Rambut Siwi inggih punika silih tunggil pura Dang Kahyangan Jagat ring Kabupaten Jembrana. Ring wewidangan Pura Rambut Siwi madaging antuk 8 pura, sakadi Pura Pesanggrahan miwah pura sane magenah ring abing pasisi. Genah pamuspan sane kapertama inggih punika Pura Pesanggrahan, kalanturang antuk Pura Taman, Penataran, Goa Tirta, Melanting, Pura Gading Wani, pura Ratu Gede Dalem Ped, miwah sane kaping untat ring pura Luhur. Pura Luhur inggih punika Pura Rambut Siwi. +
Pura Resi utawi Pura Kawitan Geria Resi magenah ring desa Mundeh Kaba-Kaba Tabanan. Sane riin, Mundeh inggih punika genah pinih wreda ring Desa Nyambu. Sadurung wenten keraton Kaba-Kaba, Mundeh dados wewidangan bebencahan saking Tanah Lot. +
Pura Purusada Kapal madue tetamian arkeologi sane kocap akeh, silih tunggilnyane inggih punika Prasada (1 buah) sane tegehnyane sawatara 17,20 meter malakar aji batu bata. Prasada puniki kaanggen genah pamuspan miwah nyimpen sakancan pratima. Lianan ring prasada, wenten taler Arca Perwujudan, Arca Beburon, Arca Pawayangan, Candi Bentar, Tugu Bala Satya miwah Mekel Satya. +
Pura Sakenan madue Pura Beji sane magenah ring Tunggak Tiing, Serangan. Pura punika kantun magenah ring wewengkon Pura Sakenan. Sakewanten, genahnyane ilid santukan doh ka tengah wana konservasi. Sakadi Pura Beji lianan, ring pura puniki wenten genah panglukatan (nyuciang angga ring sajeroning mala). Sane ngangobin kayun, genah panglukatan ring pura puniki nganggen toyan segara. +
Pura Sakti sane magenah ring Desa Pejarakan, Kecamatan Gerokgak, Kabupaten Buleleng. Pura puniki magenah ring tengahing alas sane ngrimbun. Dohnyane sawatara 200 meter ring sisi kaler jalan raya Singaraja-Gilimanuk. Pura puniki magenah 20 menit ssking Pura Pulaki utawi sawatara 1.5 jam saking utamaning Kota Singaraja. Yening nembe tangkil ring pura puniki patut makta pajati miwah bunga. +
Pura Selukat magenah ring Desa Keramas, Blahbatuh, Gianyar, sawatara 15 kilometer saking Denpasar. Pura puniki inggih punika genah krama Bali nunas toya suci anggen pabersihan miwah toya suci anggen anak sane sampun seda. +
Pura Taman Beji Griya Gede Manuaba Punggul madue sia klebutan miwah kalih gerobogan. Pura Taman Beji Griya Gede Manuaba Punggul sane magenah ring Jalan Pekandelan, Banjar Trinadi, Desa Punggul, Abiansemal, Badung puniki, kaempon olih Griya Gede Manuaba Punggul. Kaaptiaang ring oara pamedek sane jagi tangkil malukat, mangda makta kalih pajati miwah makudang-kudang canang. +
Pura Taman Beji Penyampuhan inggih punika genah suci sane kaiterin antuk taman utawi patoyan miwah tukad sae macampuh. Pura puniki magenah ring sisin Tukad badung, ring genah campuhan Tukad Badung tur Tukad Oongan ring wewidangan Banjar Suci. Sane ngangobin kayun, campuhan puniki sapisanan dados wates tetiga banjar, luire Banjar Pekambingan, Banjar Suci miwah Banjar Alangkajeng. +
Pura Taman Beji Penyampuhan sane magenah ring sisi pinih kelod Banjar Suci, Denpasar puniki kaprecaya olih para kramane pinaka stanan Buaya Kuning.
Pura Taman Beji Penyampuhan mateges genah suci sane kaiterin antuk taman utawi tetoyan kalih tukad sane matemu,
Dadosnyane, sampun yukti pura puniki magenah ring sisin Tukad Badung ring wewidangan Banjar Suci.
Unikne, campuhan puniki taler wates saking tetiga banjar, luire Banjar Pekambungan, Banjar Suci, miwah Banjar Alangkajeng.
Pura puniki akeh kaanggen olih kramane ngamargiang panglukatan miwah matamba. Nenten arang akeh kramane sane sungkan tangkil tur nunas pamargi ring pura mangda mawali kenak. Lumrahnyane, ipun jagi kalukat miwah kicen tirta sane kaambil saking tukade. Srananyane taler nenten ja pasti, sakewanten lumrahnyane ngangge banten pajati. +
Magenah ring Banjar Gitgit, Desa Bakbakan, Gianyar. I riki wenten asiki Pura Taman Manik Mas miwah kalih tukad sane kawastanin Cangkrik Lanang miwah Cangkrik Wadon. Kakalih tukad sane matemu ring campuhan puniki sane kaanggen gena pabersihan sadurung mawiwaha. Toyan tukad puniki kaprecaya pinaka cihna patemon anak lanang miwah anak istri. +
Pura puniki mapaiketan ring pamargin Rsi Danghyang Dwijendra ring Siyut Tulikup. +
Pura Telaga Waja magenah ring Banjar Kapitu, Desa Kendran, Kecamatan Tegalalang, Kabupaten Gianyar. Pura puniki munggah ring makudang-kudang kitab makadi Negarakertagama, Prasasti Bulian, miwah Lontar Dharma Yoga Samadhi. Ring pura puniki wenten patirtan Telaga Waja miwah ring lontar Dharma Yoga Samadhi wenten pawarah mangda malukat ping pitu ring patirtan Telaga Waja puniki. Malukat ring genahe puniki matetujon mangda nglebur sakanca mala. +
Pura Telaga Waja magenah ring Banjar Kapitu, Desa Kendran, Kecamatan Tegalalang, Kabupaten Gianyar. Pura puniki munggah ring makudang-kudang sesuratan tetamian sakadi Negarakertagama, Prasasti Bulian miwah Lontar Dharma Yoga Samadhi. Ring pura puniki wenten patirtan Telaga Waja miwah ring lontar Dharma Yoga Samadhi wenten pawarah mangda malukat kantos kaping pitu ring patirtan Telaga Waja puniki. Malukat ring genah puniki matetujon ngicalang sakancan mala miwah ngawinang kayune degdeg. +
Pura Teratai Bang magenah ring Desa Candi Kuning, Baturiti, Tabanan. Genah pura puniki pateh sakadi wewidangan Kebun Raya Eka Karya ring Bedugul. Cihnan ri kala ngranjing ring wewidangan pura ring Bukit Tapak, wenten ambu urirang, santukan ring pura puniki wenten klebutan sane nagmedalang andus miwah urirang. Indike puniki kocap kaprecaya santukan Dewa Agni ledanv tedun ka mercapada raris malinggih ring pura puniki. Nenten ja api sane kasembah, sakemaon ida sane maprabawa geni puniki. +
Klebutan ring tengahing Pura Tirta Ujung kaprecaya dados kaanggen nambanin sakancan sungkan miwah nglebur sajroning desti. Makudang-kudang tata titi sane nenten dados kalaksanayang luire: nenten dados malaksana kaon, anak istri sane cuntaka nenten dados masiram iriki, nenten dados ngraos jaruh, nenten dados masiram nampeki genah suci ring kolam punika. +
Wastan Desa Tegal Tugu mapaiketan ring Pura ztugu ring huluning desa. Pura Tugu magenah ring sisi kangin lapangan Tegal Tugu. Wastan Desa Tegal Tugu mawit saaking kruna Tegal miwah Tugu. Tegal mateges wana utawi alas, Tugu mateges Candi. +
Pura Tuluk Biyu sane sering kabaos Pura Batur Kanginan utawi sane dumun mawasta Kulit Biyu. +
Kapurwan Pura Ulun Danu Bratan puniki sida kauningin santukan data arkeologi miwah data kapurwan sane wenten ring lontar Babad Mengwi. Manut ring data arkeologi sane wenten ring natah ajeng Pura Ulun Danu Bedugul puniki, wenten tetamian marupa barang-barang nguni sakadi Sarkofagus batu miwah papan batu sane minab sampun wenten duk jaman megalitik. Manut ring Babad Mengwi, I Gusti Agung Putu pinaka sang sane ngadegang keraton Mengwi sampun ngadegang pura sane magenah ring muncuk danu Beratan sadurung ngadegang Pura Taman Ayun. Pura Ulun Danu Beratan magenah ring muncuk danu Beratan, magenah ring wewidangan wisata Bedugul, Desa Candikuning, Kecamatan Baturiti, Kabupaten Tabanan, Bali. Genah puniki 56 km saking kota Denpasar, nglangkungin margi ageng Denpasar-Singaraja. +
Manut ring agama, Gunung Batur inggih punika gunung sane pinih penting ri sampune Gunung Agung. Punika ngawinang Pura Batur dados pura sane pingit, arsitekturnyae becik tur wenten kuil Tao. +
Manut geografis, Pura Yeh Gangga magenah ring palebahan tukad Gangga (Yeh Gangga). Wewengkon genah suci sane wenten ring sisi kauh tukade wantah pura pinih utama. Wewidangan pura sane wenten ring sisi kangin tukade inggih punika 6 lekokan sane kapaet ring dinding abinge nganggen batu miwah batu padas, tekstur sane nenten stabil ring lapisan luhur miwah tekstur sane stabil ring lapisan sor. Wewidangan utama ring sisi kauh tukad kawatesin antuk tembok panyengker saking kaler ngelodang. Wewidangan jeroan kspah dados kalih inggih punika sisi kauh miwaha teras sisi kangin. Ring wewidangan kangin (genah tukad) kadagingin antuk patirtan, 6 lekokan miwah pasiraman. Wenten batu sane kasuratin antuk wilsngsn 1357 saka. +
Pinaka puri sane pamuputnyane dados karaton, Denpasar karesmiang duk warsa 1788. Sne ngadegang Puri Denpasar kocap wantah I Gusti Ngurah Made Pemecutan, warih Puri Pemecutan saking Puri Kaler Kawan. Sakemaon, wastan Denpasar sampun metu sadurung warsa 1788 inggih punika ri kala wewengkon Badung kapimpin olih kakalih karaton kembar: Puri Pemecutan muah Puri Jambe Ksatriya.
Denpasar kaloktah dados unteng jagat sane kagemel olih I Gusti Ngurah Made Pemecutan ri sampune sida ngaonang Kyai Jambe Ksatriya tur ngarsaang Taman Denpasar pinaka genah puri. Ri kala Cokorda Alit Ngurah kadegang pinaka bupati Badung duk warsa 1929, kawangun puri sane mawasta Puri Satria. Santukan Puri Denpasar sampun kabenyahang olih Belanda ri kala Puputan Badung miwah ri kala Belanda ngemel jagat, Puri Denpasar kaanggen pinaka Kantor Asisten Residen Bali Selatan taler Kontroleur Badung. Puri anyar sane kaadegang olih Cokorda Alit Ngurah sujatinnyane mawasta Puri Denpasar. Sakewanten, santukan genahnyane pecak genah Puri Jambe Ksatrya, kramane ketah maosang punika Puri Satria. +
Kawentenan Puri Kesiman, manut Gora Sirikan kakawitin saking I Gusti Ngurah Made sane uning ring raja niti. Ida wantah silih tunggil potraka saking I Gusti Gde Oka utawi I Gusti Ngurah, pinaka Manca Puri Kaleran Kawan, sane dados yogia agung ring karaton Badung. Ring warsa 1813 Raja Denpasar I Gusti Ngurah Made Pemecutan lebar. Ri kala ida nuju sunya loka, wenten alikan ring niti karaton Badung sane kakawitin saking putusan putra sane pinih lingsir I Gusti Gde Kesiman tedah saking puri tur ngadegang puri anyar ring kesiman (ring Puri Agung Kesiman mangkin) miwah sapisanan dados ratu sane mabiseka I Gusti Gde Ngurah Kesiman. +
Puri Agung Pemecutan magenah ring Jalan Thamrin, Denpasar. Kruna Pemecutan mawit saking "pecut" sane maartos "cambuk,cemeti" ring Bahasa Indonesia. Wangunan Puri kawangun duk warsa 1686, nganggen batu bata barak pinaka dasar wangunan taler maraab duk. Puri madue jimbar wewidangan sawatara 4,2 hektar.
Warsa 1906, Ratu Gusti Ngurah Pemecuta nitahang krama mangda ngeseng wangunan puri sadurung yudane kakawitin, +
Manut ring makudang-kudang babad miwah seseleh saking wong baneh, ring abad kaping pitulas Ubud kantun madaging antuk carik, tegal, bet miwah alas. Akidik ring wewidangan punika sampun kajujukang kuwu-kuwu utawi pondok.
Ri kala Ubud ngawit makitipan, tur dados genah Manca, Ida Tjokorda Tangkeban matilar saking Ubud nuju Jegu, wewidangan Tabanan, sakewanten Tjokorda Gde Karang ngwangun puri ring wewidangan sisi kelod Ubud, nampek ring Sukawati, kawastanin Puri Negara ring Desa Negara. Punika ngawinang Ubud nenten madue ratu. Manut ring utsaha silih tunggil warih Bendesa Mas sane mageah ring Jungut, raris para prabali ring Ubud nuju ka Puri Peliatan, tetujonnyane wantah nuhur ratu ring Ubud, mangda wenten sane ngenter baga ekonomi, agama miwah krama ring Ubud. Ida Tjokorda Batuan pinaka ratuning Peliatan daweg punika nitahang mangda Ida Tjoorda Kandel, treh Dalem Sukawati ngenterang jagat Ubud taler ngadegang Puri Saren Kangin Ubud. +
Kawangun olih Pemerintah Kolonial Belanda duk warsa 1929 ring genah pura tetamian I Gusti Jambe Merik. +
R
Relief Bitera wantah seni ukir nguni ring Kabupaten Gianyar sane masrana antuk batu. Relief Bitera taler silih tunggil genah wisata cagar budaya nasional utamannyane patapan Gunung Kawi Bebitra. Ring patapan puniki taler wenten gook alit anggen masemadi. Lianan ring genah matapa, genah puniki taler kaangge genah patirtan santukan wenten klebutan ring sisi kaja kauh ring tembok kauh. +
Rumah sanur inggih punika genah komunitas lokal, bisnis, wirausaha sosial, dagang, start-up, seniman miwah penggiat kreatif. Genah puniki dados genah mapupul, tur mabligbagan mangda sida ngwetuang sarin pikayunan sane becik. +
S
Yening ragane meled jagi uning ring kawentenan topeng sajebag Indonesia samaliha dura negara, miwah wayang sane wenten ring Asia Tenggara, dados malancaran ring SETIA DARMA Houses of Mask and Puppets. Genahe puniki wantah ring wewidangan Ubud sane kaloktah antuk seniman, budaya, miwah sakamata sane becik pisan sakadi desa modern ring Bali.
Wenten makudang-kudang topeng miwah boneka sajebag Indonesia miwah dura negara mapupul i riki, kasimpen tur kasobiahang duk warsa 2006. Madue koleksi langkungan ring 1300 topeng miwah 5700 boneka. Wenten fasilitas sakadi gedung pertemuan, taman tropis, ruang pameran, gedung balih-balihan, umah Bali, genah mawiwaha, teater, genah mabligbagan, warung kopi miwah genah ngicen pangargan taler amfiteater kapasitas 500 orang. Sarahina-rahina mabuka jam 08.00-16.00 WIB. Yening jagi wantah nyingakin koleksi, gratis. +
SMK Negeri Bali Mandara utawi sane ketah kauningin antuk SKANBARA, wantah sekolah asrama sane kaadegang duk tanggal 2 Desember 2013 nganggen gal 2 Desember 2013 berdasarkan Surat Keputusan Gubernur Bali No. 2502/03-A/HK/2013 pinaka dasar. Sekolah sane kabina antuk Pemerintah Provinsi (Pemprov) Bali puniki ngawit kawigunayang duk bulan Juli 2015. Malarapan antuk SMK Negeri Bali Mandara puniki, Pemprov Bali nyiagayang wantuan pendidikan penuh mangda truna-truni ring Bali sane nemu pakewuh ring prabeya sekolah polih galah miwah genah masekolah santukan makasami prabeya sekolah sampun katanggung olih Pemprov Bali. +
"Om swastyastu"
Titiang Santhi Wiryaningsih, jagi melancaran ring pante Jasri. Objek ring pante jasri iriki ngicayang indik Wisata sane becik pisan.Nanging ring galah Covid-19 wenten pikobet sane ngeranayang tempat Wisata iriki sepi tur para Wisata ne padem, mangkin sampun mulai buka nanging wisatawane kantun sepi tur wenten para wisatawan sane nenten uning tempat iriki .Nike mawinan titiang nunas sareng pamerintah mangde preside ngicen Promosi lan Pengembangan Wisata mangde siosan uning khusus ring Wisata Jasri iriki ,Becik Saking Segi Sarana,Prasarana lan Aksebilitas nyane.Dumogi Vidio titiang niki presida ngicenin motivasi majeng ring Pamerintah anggen ngaryanin kebijakan .
#Yening nenten irage sareng sami sire malih ?
Ngiring sareng-sareng Peduli Wisata Mangde Ekonomi pulih mewali,Astungkara. +
Titiang pinaka generasi milenial sadia ngwangun desa malarapan antuk BASAbali Wikithon Partisipasi Publik#5: Ngwangun Desa.
Om swastyastu, Genah wisata sangeh magenah ring Jalan Brahmana sangeh Kec abiansemal kab badung Bali. Genah Wisata sangeh marupa silih tunggil genah wisata Sane ngulangunin. Ring Genah puniki mejanten Iraga pacang akeh manggihin bojog lan taru Sane ageng2 Sane kabaos taru pala. Genah wisata sangeh Sampun kapikamkamin oleh pemerintah ngawit warsa 1971 Sane kacihnayang antuk kadadosang taman wisata alam. Nanging Mangkin metu pikobet sangkaning panglahlah covid 19 genah wisata puniki taler sepi. Turmaning sepi ne taler ngawetuang pikobet ring prabea anggen miara genahne puniki. Bilih2 prabea wantah metu saking tiket kunjungan Sane Mangkin Sampun sepi. Niki Sane patut sumanggemin Mangda pemerintah prasida ngwantu Malih indik prabea lan Nyobyahang Mangda Malih akeh anake rauh ke sangeh. Yening jagi melali ka sangeh sampunang lali antuk protokol kesehatan. Om shanti shanti shanti om 🙏🏼🙌
Nama : MAHASABA 3
-I GUSTI NGURAH AGUNG DIVAYANA
-NI KADEK UNIK JAYANTI
@wikibasabali
@pasikianyowana.bali
@mamedwedanta
@guna.yasa
@mahasabaudayana
@unikjayantii
#basabaliwiki #wikitonpartisipasipublik #ngewangundesa +
Kruna Sanur mawit saking kalih kruna, "Saha" miwha "Nuhur" sane maartos rasa meled jagi malancaran nuju genah ....
Saking kruna punika, kasuen-suen kaucap dados "Sanur". Sanur dados silih tunggil genah pinih lingsir sane kasurat ring prasasti Bali warsa 917 Masehi. Wewidangan Sanur sane dumun inggih punika Sanur (Desa Sanur Kaja, Desa Sanur Kauh, Kelurahan Sanur) miwah Kelurahan Renon. +
Pasih Petitenget
Desa Pakraman Padang Sambian, Desa Adat Kerobokan, miwah Desa Adat Padang Luwih, madue segara sane pinaka tetujon ri tatkala ngamargiang pamelastian, segara punika kawastanin Segara Petitenget sane magenah ring wewidangan Desa Adat Kerobokan.
Lianan pinaka tetujon pamelastian, segara Petitenget taler pinaka silih tunggil objek pariwisata domestik, punika taler objek wisata mancanegara.
Makudang-kudang panglila cita wenten ring segara petitenget, minakadi beach club, sunset sane ngulangunin, taler kalaksanayang festival pantai petitenget antuk utsaha nglestariang seni lan budaya Bali.
Sakewanten, kawentenan objek wisata segara petitenget sane setata pinaka tetujon daerah wisata olih wisatawan, nenten lempas saking napi sane patut kabecikang, inggih punika indik prakara mis-misan utawi sampah. Yadiastun sampun kasiagayang genah mis-misan, akeh tamiune sane kari kirang pratyaksa ring kawentenan mis-misan punika, durung tertib mangda ngenahang mis-misan ring genah tong sampah.
Yening sakadi asapunika, ring kawentenan segara petitenget sane riinan resik tur lestari, panguntatnyane carub utawi kotor pisan.
Ida dane sareng sami, ngawit mangkin sampun sapatutnyane pratyaksa utawi sadar ring karesikan tur kaasrian mangda kawentenan palemahanne setata ngulangunin.
para tamiu kaicenin pengalaman sane anyar indik saka mata sane becik tur kasarengin antuk kawentenan budaya sane nenten lempas saking kauripan krama Baline, wantah iriki, ring desa adat kerobokan. +
Desa Selumbung, Kecamatan Manggis, Kabupaten Karangasem, Provinsi Bali. Desa Selumbung inggih punika silih tunggil saking 12 Desa sane wenten ring wewidangan Kecamatan Manggis, sane magenah ring 130 mdpl. Desa puniki kapah dados 6 (nemnem) wewidangan banjar dinas, luire: Banjar Dinas Bukitcatu, Banjar Dinas Kaleran, Banjar Dinas Kelodan, Banjar Dinas Tengah, Banjar Dinas Kanginan dan Banjar Dinas Anyar. Akehan krama desa Selumbung dados wang tani, sane pangupa jiwannyane saking tetanduran nyuh miwah asil tegal. +
Seminyak sane luih wantah utamaning urip para ekspatriat pulo sane akehan sampun madue butik, ngaryanang busana, maselancar, utawi katon nenten nglaksanayang napi. Minab patut ring sisi kaler Kuta miwah Legian, sakemaon ring akeh baga sane ngawinang Seminyak sakadi wenten ring pulo lianan.
Puniki wantah genah dinamis, genah masayuban para restoran miwah club taler toko saking desainer sane kreatif. Hotel internasional majejer ring pasisi miwah pasisi sane jimbar tur ngulangunin, mabias putih kadi Pasisi Kuta sakewanten nenten ramya pisan.
Wacen sajangkepnyane ring
https://www.lonelyplanet.com/indonesia/seminyak +
Kota Singaraja inggih punika silih tunggil wewidagan administrasi Kabupaten Buleleng. Genah puniki sampun sida kawastanin kota santukan sampun akeh krama endok-endokan sane wenten driki. Wates administratif kota Singaraja inggih punika :
• Sisi kaja : Laut Bali
• Sisi kelod : desa Gitit
• Sisi kangin : desa Kerobokan
• Sisi kauh : Desa Pemaron +
Subak Anggabaya magenah ring kota Denpasar. Krama subak puniki sampun pastika dados krama Banjar Anggabaya. Subak inggih punika lembaga tradisional sane ngamargiang tata titi patoyan pamaculan ring Bali. Subak ring Kota Denpaar mabuat pisan ring laksana teknis pamaculan pinaka pamargin program-program pembangunan Dinas Pertanian Tanaman Pangan miwah Hortikultura Kota Denpasar.
Ring Kota Denpasar wenten 41 subak ring sajebag petang kecamatan. Ring Denpasar Barat wenten 8 subak,Denpasar Timur weten 13 subak, Denpasar Selatan wenten 10 subak miwah Denpasar Utara wenten 10 subak. +
Subak Kedampang magenah ring Desa Adat Kerobokan. Subak puniki kawangun duk warsa 1946 sane kadagingin antuk nemnem munduk, luire: Munduk Kedampang Kangin,Munduk Kedampang Kauh,Munduk Kedampang Tengah,Munduk Pengubengan Dangin Jalan,Munduk Pengubengan Dauh Jalan, miwah Munduk Pengipian. +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin indik desan titiangé puniki.
Om Swastiastu
Titiang saking Team Kreatif LPD Pohgading jagi nguningayang indik kewentenan ring Desa titiange, video niki kaambil ring Subak Pakel Desa Adat Pohgading, Desa Ubung Kaja.
Ring Subak Pakel puniki akeh parajana ne maolahraga, nanging wenten pikobet sane patut kabenahin malih.
Yening rereh, genah puniki prasida dados objek Agrowisata. Riantukan punika titiang maduwe pikayunan mangdade pemerintah ngicening uratiang, sekadi mecikang genah maolahraga, irigasi, lampu penerangan, lan genah mesandekan.
Yening sampun sayan becik, karma desa sami patut nyage, nglesatariang, lan mromosiang Subak Pakel puniki.
Yening sampun kenten pastika Subak Pakel niki dados Agrowisata sane kasub.
Om Santhi Santhi Santhi Om
basabaliwiki.org
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi +
Subak inggih punika silih tunggil lembaga tradisional sane sida suang-suang ngutsahayang tata titi patoyan pamaculan ring Bali. Subak ring Kota Denpasar mabuat pisan ring utsaha nglaksanayang program pembangunan Dinas Pertanian Tanaman Pangan dan Hortikultura Kota Denpasar.
Ring sajebag Kota Denpasar wenten 41 subak inggih punika 8 subak ring Denpasar Barat, 13 subak ring Denpasar Timur, 10 subak ring Denparar Selatan miwah 10 subak ring Denpasar Utara.
Subak Renon kawangun antuk 4 munduk sane magenah ring 4 Banjar Adat ring Desa Adat Renon. Genah pamaculan sane kantun wenten ring Kelurahan Renon, jimbarnyane wantah 90 Ha (Pagiarta, 2011). Wates-wates Munduk Muntig ring Subak Renon sane kadadosang genah seseleh inggih punika: paumahan krama ring sisi kaler, Subak Intaran ring sisi kangin, Subak Sidakarya ring sisi kelod miwah paumahan krama ring sisi kauh. +
ngiring iraga sareng sami tetep ngajegang budaya baline tur tetep nukung kebijakan pemerintah sane praside ngewangun desa pakraman soang soang +
T
Halo nyama,
Nyama nawang sing ade pikobet di Kota Denpasar?
Ade ne di Desa Tegal Kertha, Monang-maning, Kecamatan Denpasar Barat. Dini nu mase ade jalan ane usak, kanel listrik ane samben ngawag-ngawag, ade mase kabel listrikane melintang ngawag-ngawag, ajak ade mase di TPS Monang-maning, luune bek pesan kanti meliah ke jalan buinan bon ne pengit pesan ngae sesek di tangkahe.
Jani iraga ajak mekejang patut nyaga lingkunganne apang kedas. Uli jumah iraga patut ngolah luu organik lan luu anorganik. Luu organik ento dadi anggo kompos, luu anorganik ento dadi olah, contohne anggo pot, karya sastra lan sane lianan.
Penampan tiang ke pemerintah kota Denpasar apang pepes ngadaang unduk miara lingkungan, ngolah sampah, apang tusing care di TPS Monang-maning Denpasar
Tergantung nyame gen jani ane ngolah
Suksma +
Halo Nyame
Nyame nawang sing ade pikobet di Kota Denpasar? Ade ne di Desa Tegal Ketha, Monang-maning, Kecamatan Denpasar Barat. Dini nu mase ade jalan ane usak, kabel listrik nu ade samben ngawag-ngawag, ade mase kabel listrik ane melintang ngawag-ngawag, ajak di TPS Monang-Maning luune kanti meliah ke jalan buinan bon ne pengit ngaenin sesek di tangkahe.
Jani iraga ajak mekejang patut nyaga lingkungan apang kedas. Uli jumah iraga patut ngolah luu organik lan anorganik. Luu organik ento bisa dadi kompos, lan luu anorganik ento dadi olah, contone anggo ngae pot, karya seni lan ane lianan.
Penampan tiang ke pemerintah kota Denpasar, apang pepes ngadaang sosialisasi unduk ngolah luu, miara lingkunganne apang tusing care di TPS Monang-Maning Denpasar
Tergantung nyame gen jani ane ngolah uli jumah. +
Tabanan wantah kabupaten sane magenah ring sisi kelod pulo Bali, sawatara 35 km ring sisi kauh kota Denpasar. Kabupaten Tabanan kaparinama pinaka kota Singasana. Tabanan taler madue genah wisata sane kasub ring pantaraning para wisatawan sakadi: Tanah Lot, sane madue objek segara makaang miwah pura sane kukuh ngadeg ring duur kaange ring wewidangan segara sane ngawinang kalanguan ngraga. Salanturnyane Bedugul Kebun Raya Bali, sane dados genah nglestariang sarwa entik-entikan sane sampun arang tur pinaka kebun raya kapertama sane kakaryanin olih krama Indonesia. Raris Air Panas Penatahan sane pinaka objek wisata pasiraman antuk toya panas sane madue pemandangan sane luih.
Indik purwa carita kawentena Kabupaten Tabanan, kakawitin mawit saking dinasti Gelgel angawerat jagat sane nguwasayang makasami kraton puri ring wewidangan Bali. Risampun prasida ngepah raga saking dinasti Gelgel, ring tanggal 29 November 1493 Tabanan ngwangun Puri Agung Tabanan pinaka murdaning jagat Tabanan. Tanggal punika sane kaanggen geguat embas kabupaten Tabanan ngantos mangkin. Kabupaten Tabanan mawates sareng Buleleng ring sisi kaja. Sisi kangin mawatesan sareng Badung. Sisi kelod mawatesan sareng Samudera Hindia. Sisi kauh mawatesan sareng Kabupaten Jembrana. Akehan wargi Kabupaten Tabanan makarya ring wewidangan pemaculan, mawinan Tabanan kaparinama pinaka “bumi lmbung padi".
https://www.tabanankab.go.id/ - alih basa: Weda S. +
Om swastyastu, tiyang Gung prabu sareng timpal tiyang satya,satria,sheren & citra.
Taman beji magendra wastan nyane genah nunas tirta krama desa adat Jagapati, Taman beji magendra magenah ring kecamatan Abiansemal Kabupaten Badung
Taman beji magendra lokasi nunas tirta sane pinih anyar wawu diresmikan kirang langkung a tiban, Krama desa Jagapati taler ngodalin lan muspa ring pura Taman punika
irika wenten toya klebutan nanging kari medaging pancoran siki dereng wenten pengembangan, lokasi nyane taler kantun alami , bet lan durung tersentuh renovasi, yening cingak ring lokasi luir ke alamian lokasi nyane dados rasane dikembangkan lokasinyane dados genah melukat
sane mangkin sane ngangen genah punika wantah penduduk lokal desa durung kacingak oleh masyarakat umum, yadiastun lokasi nyane nampek saking jalan raya nenten joh sakeng kota, Yening pemerintah wenten ide mangda selanturnyane lokasi puniki dikembangkan dados objek wisata religi. Om Shanti Shanti Shanti Om +
Taman Kupu-Kupu Lestari inggih punika genah wisata ring Kabupaten Tabanan miwah genah pelestarian tur penangkaran kupu-kupu pinih ageng ring Bali, ring Indonesia kantos ring Asia Tenggara. Nenten ja wantah kupu-kupu sane wenten i riki, para torise prasida nyingakin anyong-anyong miwah balang. Taman Kupu-Kupu Lestari puniki dados genah wisata sane ngicenin paplajahan utawi penelitian. +
Wisata Bahari Pemutera magenah ring Desa Pemuteran, Kecaatan Gerokgak, Buleleng, Bali Utara utawi sawatara 56 km ring sisi kauh Kota Singaraja. Genah puniki wantah genah wisata ring pantaraning bukit miwah sagara ring sisi kaler Pulo Bali, punika ngawinang ramia, miwah manda pisan, doh saking sarwa rame. Wewidangan Desa Pemuteran kaloktah antuk genah konservasi segara angge proyek terumbu karang "Biorock" pinih ageng ring sajebag jagate. Makudang-kudang yayasan miwah krama sareng-sareng nyadia ngameng genah puniki. Desa Pemuteran magenah ring pasisi kauh Pulo Bali, punika sane ngawinang strategis. Wisata Bahari Pemuteran madue taman bawah laut, wantah 15 menit ngangge pedau saking Pulo Menjangan sampun kaloktah ka dura negara. Sane dados andalan ring genah puniki wantah diving miwah snorkeling. Wenten akeh gua alit miwah ageng ring tengahing segara, i rika akeh pisan terumbu karang mawarna-warni. Sane pinih ngulangunin, wenten pura (candi) ring tengahing segara punika, wenten sawatara 30-40 meter dalemnyane. +
Duk tanggal 14 Oktober 1982, wewidangan Taman Nasional Bali Barat kasobiahang ring kongres Taman Nasional sajebag jagat sane kalaksanayang ring Kota Denpasar, Provinsi Bali. Indike puniki mamargi sakadi Surat Pernyataan Menteri Pertanian No.736/Mentan/X/1982. Surat pernyataan punika maosang indik genah sane jimbarnyane 77.727 luire Cagar alam 2.250 hektar, Suaka Margasatwa Bali 19.558,5 hektar, Hutan Lindung 55.312,5 hektar, taler wewidangan pasisi 6.280, dados genah sane mawasta Taman Nasional Bali Barat.
Pamuputnyane ring tanggal 15 September 1995 Menteri Kehutanan ngamedalang Surat Keputusan Menteri Kehutanan No. 493/Kpts-II/95. Surat keputusan puniki matetujon ngukuhang status kawentenan wewidangan Taman Nasional Bali Barat sane jimbarnyane 19.002,89 hektar.
Taman Nasional Bali Barat magenah ring muncuk kauh pulo Bali, sawatara 2 kilometer saking pelabuhan Bali Gilimanuk. Taman nasional puniki mabukak nyabran rahina soma kantos redite, ngawit jam 08.00 kantos jam 18.00 WITA. Ring sor puniki makudang-kudang fasilitas sane sampun kasayagayang antuk Taman Nasional Bali Barat.
• genah gatra,
• pondok,
• genah ngrereh ajengan,
• perahu motor,
• menara pengamatan,
• wisata cinta alam,
• penangkaran jalak bali,
• genah anggen kemah,
• alat anggen menyelam, miwah sane lianan prasida kalaksanayang ri kala malancaran ring Taman Nasional Bali Barat. +
Taman Nusa Bali ngadeg ring genah sane linggahnyane 15 hektar ring jalan Taman Bali, Banjar Blahpane Kelod, Desa Sidan, Kabupaten Gianyar – manawi wenten 30 km ngaja nganginang saking kota Denpasar. Taman Nusa inggih punika taman wisata budaya sane ngicenin kaweruhan indik budaya saking makasami etnis Indonesia sakewanten nganggen lah jagat Bali. Taman Nusa madue gegambaran asapunapi pamargin bangsa Indonesia sane kakawitin saking masa prasejarah nganggen alam sane sampun lingsir tur primitif, jaman perunggu miwah masa kerajaan sane kairingin baan silih sinunggil pekaryan ageng ring masa punika inggih punika Candi Borobudur. Ring Taman Nusa taler kacingak akeh budaya saking sekancan etnis sane magenah ring wewidangan Indonesia nganggen (suasana) kahuripan ring desa sane dumalada miwah akeh bebalihan seni tradisional ring wewengkon desa budaya. Nenten asapunika kemanten, Taman Nusa taler nlatarang indik Indonesia rikala wau merdeka sane nenten lempas saking tokoh Bapak Proklamator Soekarno dan Hatta nganggen latar belakang teks proklamasi kemerdekaan Indonesia. Kantos pangidih indik kawentenan Indonesia ring masa sane jagi rauh, irika wenten perpustakaan miwah kalih museum sane nyinahang budaya Indonesia sane makeh minakadi : wayang, batik, tenunan dan sulaman.
Lianan asapunika, ring Taman Nusa wenten keasrian jagat Gianyar sane kapaduang sareng arsitektur saking daerah-daerah sawewengkon jagat Indonesia taler madue identitas khas ring masa sane siki ka masa sane lianan. Kakawitin saking adat vernacular kuno, masa Hindu lan Budha, selanturnyane arsitektur islam miwah arsitektur colonial utawi gaya Hindia. Samian punika ngawinang genah jagta surgawi sane ngulangunin manah miwah dados saksi jagat sane lestari. Kaguat Taman Nusa inggih punika ngawinang taman budaya pinaka genah palestarian, rekreasi miwah didaktika olih sang sapa sira sane kayun merika, wisatawan lokal utawi wisatawan saking dura negara mangdane uning indik budaya Indonesia nganggen tata cara sane nudut manah tur interaktif.
http://www.taman-nusa.com
Titiang pinaka generasi milenial sadia ngwangun desa malarapan antuk BASAbali Wikithon Partisipasi Publik #5: Ngawangun Desa. Ngiring cingakin genah potensial Taman Pancing Denpasar niki. +
Taman Ujung utawi Taman Sukasada magenah ring Banjar Ujung, Desa Tumbu, Kecamatan Karangasem, Kabupaten Karangasem. Taman Ujung inggih punika taman sane kadruenang olih Kerajaan Karangasem ring Bali. Lianan asapunika, Taman Ujung taler kadadosang genah masemadhi utawi mayoga tur namiu para tamiu kerajaan. Taman Ujung kawangun olih raja Karangasem, inggih punika I Gusti Bagus Jelantik duk warsa 1909 sareng arsitek Van Den Hentz saking Belanda miwah Loto Ang saking Tiongkok. Taman Ujung wusan kawangun duk warsa 1921 miwah duk warsa 1937 Taman Ujung Karangasem karesmiang nganggen prasasti marmer sane kasurat nganggen naskah aksara Latin miwah Bali nganggen kalih basa inggih punika basa Melayu sareng Basa Bali.
Taman Ujung ring masa Hindia Belanda kasub kasengguh waterpaleis utawi istana air. Ring Taman Ujung wenteb 3 kolam ageng ring asiki genah. Lianan asapunika ring Taman Ujung wenten undagan sane ring luhurnyane nenten madue raab. Saking genahe punika, para wisatawan manyidayang nyingakin pasih pelung miwah pasisi ujung taler arsitektur taman ujung sane unik – sane maduang arsitektur Eropa abad pertengahan miwah arsitektur Bali. Taman Ujung (sai) kaanggen genah mapoto prewedding. Pepadan arsitektur Eropa miwah Bali ring tembok wangunan genah raja malinggih utawi mengaso – wenten kaca mawarna-warni sane identik sareng arsitektur gereja-gereja ring Eropa ngawinang Taman Ujung madue keunikannyane.
https://www.ujungwaterpalace.com +
Taman Werdhi Budaya Bali utawi sane ketah kauningin mawasta Art Centre, kawangun antuk tetujon pinaka genah nglimbakang seni, nglestariang budaya miwah nyaga tetamian panglingsire saking nguni. Tetujon sane luih puniki kakawi miwah Taman Werdhi Budaya Bali - Art Centre kaadegang olih Ida Bagus Mantra, gubernur Bali sane kapertama. Acara sane kalaksanayang nyabran warsa ring Taman Werdhi Budaya inggih punika Pesta Kesenian Budaya (PKB), ngawit saking tengahing Juni-Juli. +
Tanah Wuk sane magenah ring Desa Sangeh Kecamatan Abian Semal inggih punika silih tunggil genah wisata alam sane magenah ring palebahan Tukad Penet sane madue saka mata miwah bukit sane asri. Makudang-kudang atraksi wisata sane sida kalaksanayang olih para torise rin genah wisata puniki luire namtamin saka mata bukit miwah pangkung sane kantun asri. Lianan ring punika, para torise taler dados mamargi saking bukite nuju tukad ring siis bukite punika. Saking tengahing Kabupaten Badung nuju Tanah Wuku wenten sawatara 16.5 km dohnyane tur nelasang galah sawatara 31 menit. Yening saking Tanah Wuk nuju Bandara Internasional Ngurah Rai wenten sawatara 36.2 km tur nelasang galah sawatara 1 jam 21 menit. +
Genah penglukatan puniki ring wewidangan Pura Taman Mumbul Sangeh, yening saking Denpasar sawatara 100 meter sadurung genah wisata Sangeh, mengkol ka kanawan. Genah malukat puniki kaprecaya sida ngicalang sakancan mala sane wenten ring sariran i manusa, santukan keni guna utawi santukan sungkan praragan. Sakadi wastane, wenten 11 pancoran ring asiki wewidangan panglukatan. +
Panglukatan Taman Beji Samuan magenah ring Banjar Jemeng, Samuan Kawan, Carangsari, Petang- Badung, madue jarak tempuh sawatara 19 km saking Pusat Pemerintahan Kabupaten Badung. Genah malukat ring wewidangan apura Taman Beji puniki ring sisin tukad Yeh Penet sane membah ening. Ring genah luhur madue klebutan miwah kolam toya penampungan. Mangda rauh ring genah panglukatan puniki, pamedek patut ngliwatin sawatara 340 undagan ring wewidangan sane cepung sakewanten aman kaentasin. Ring kolam genah panglukatan, madue pepitu pancoran sane wantah capcapan toya sane medal ring engkaguan batu padas, punika ngawinang sajeroning pancoran madue debit air sane malianan. Majeng ring pamedek sane wau nembe tangkil, dados makta kalih pejati miwah 15 canang sari pinaka srana sembah bakti. +
Pura puniki kabaos unik, magenah ring Desa Sading, Kec. Mengwi, Badung, magenah ring gooke. Wastan purs punika mawit saking kruns "kereb" sane mateges raab misah "langit" sane mateges ambara, dadosnyane mateges purs sane karaabin antuk ambara utawi langit. Raris punapi dados ring tengahing gook sida karaabin antuk ambara? punika santukan ring langit-langit gooke wenten bolong sane ngawinang tembus ka luhur nuju ambara. Ring wewidangan Pura Kereban Langit puniki taler madue beji sane kajangkepin antuk 5 pancoran. Ring genah puniki wantah para pamedek malukat dumun sadurung ngawitin sembsh bakti ring wewidangan utama gook. +
Pura Geger utawi sane madue wastan jangkep Pura Geger Dalem Pamutih inggih punika silih tunggil Pura Dang Kahyangan sane magenah ring Desa Adat Peminge, Kuta Selatan, Badung. Pura puniki magenah ring pucak abinge, ring ungkurnyane wenten sakamata pasih sane luih. Pura puniki taler pinaka genah pamargin Dang Hyang Nirartha. Kacritayang sadurung mamargi ka Uluwatu, ida naenin masanekan i riki tur ngamargiang tapa semadi. Kawentenan Pura Dalem Pemutih punika mapaiketan taler sareng babad Dalem Pemutih sane nyritayang indik panglingsir puri sane maparab Dalem Petak Jingga, matungkasan sareng raja Gelgel, pamuputnyane magedi tur rauh ring genahe puniki. Ring sisi kelod pura, kantun ring wewidangan, wenten taler pura Beji sane dados gensh malukat. +
Pura Taman Beji Griya Gede Manuaba Punggul, madue sia klebutan miwah kalih gerobogan. Pura Taman Beji Griya Gede Manuaba Punggul sane magenah ring Jalan Pekandelan, Banjar Trinadi, Desa Punggul, Abiansemal, Badung puniki, kaempon olih Griya Gede Manuaba Punggul. Kaaptiang ring para pamedek sane tangkil jagi malukat mangda makta kalih pejati miwah makudang-kudang canang. +
Genah pura ring Banjar Kangin, Desa Ungasan, Kecamatan Kuta Selatan, Kab. Badung. Genahnyane ring abing gooke, gook punika tegehnyane 10 meter, punika ngawinang patut ngliwatin adegan. +
Genah malukat ring Jimbaran Bali puniki ketah mawasta Pura Tunjung Mekar utawi Goa Peteng Alam. Sakadi wastane, yening nuju genah malukat patut ngranjing ka tengah goa tur ka teben ring dasaan undagan nuju ka dasar goa. Pinika ngawinang gensh punik yukti-yukti dedet, yadiastun tangkik ri kala tengai, raris lampu penerangan patut kabakta. +
Genah malukat di Bali magenah ring Br. Celuk, desa Kapal, kecamatan Mengwi, Badung. Kocap nampek saking tengahing kota Denpasar. Sakadi wastannyane Beji Waringin Pitu, kruna "beji" mateges genah masiram, "waringin" mateges punyan bingin, yening "pitu" mateges pepitu nganutin kawentenan pepitu pancoran sane magenah ring sor punyan bingin sane sampun mayusa panyatussn warsa. Beji Waringin Pitu puniki magenah ring sisi Tukad Yeh Penet. +
Madue 11 pancoran (pancoran solas) sane soang-soang tegehnyane 1 meter, toyannyane medal saking cangkem naga, 6 pancoran marep ring sisi kelod, 5 pancoran marep ring sisi kauh. Pura Beji Saraswati magenah ring Banjar Babakan, Desa adat Gulingan, Kecamatan Mengwi, Kabupaten Badung. Yening jagi muspa miwah malukat, sanistane makta kalih pejati miwah makudang- kudang canang sari. Sane kapertama patut nyuciang angga ring jaba pura, nampek ring embahanntukade, driki wenten kalih pancoran, selanturnyanr nuju ring madys mandala jagi nglaksanayang pamuspan miwah nglaksanayang panglukatan ring Pancoran Solas (11pancoran) Beji Saraswati. Pamuspan pinih untat ring utama mandala pura. +
Tenganan dauh Tukad inggih punika pinaka desa Bali Aga utawi Bali Mula sane magenah ring Bali Timur, Kabupaten Karangasem. Desa puniki pinaka desa sane ngraga ring sor Desa Tenganan Pegringsingan. Desa Bali Aga inggih punika desa sane sampun wenten ring Bali sadurung Kerajaan Majapahit nyerang Jagat Bali.
Tenganan Dauh Tukad ngangge sistem pinanggalan sane mabinayan antuk sistem pinanggalan Bali utamane. Desa puniki maduwe makudang kudang upakara yadnya soang- soang, sane nenten prasida kapanggihin ring desa tiosan. +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin indik desan titiangé puniki.
🙏Om swastyastu🙏
"Om Ano Bhadrah Kratavo Yantu Visvatah" - (Yajur Veda XXV.14)
(Dumogi manah sané becik rauh ring sekancan penjuru)
Halo semeton, tiang Gung Wah sareng timpal tiangé Ariani lan Pandé Déwi jagi nuturang indik poténsi sané wénten ring Désa Sampalan Klod. Poténsi sané wénten ring désa niki inggih punika akéh wénten kerajinan tenun endek lokal khas Bali sané becik pisan, nanging ring galah pandemi Covid-19 wénten pikobet sané ngranayang produksi kain tenun di Désa Sampalan Klod niki turun. Pikobet nika kacritayang olih narasumber ring vidéo niki. Dadosné, ngiring iraga sinamian sareng-sareng pirengan vidéo niki nggih.
Saking vidéo niki, nunas majeng ring pemerintah prasida ngwangun désa khususnyané ring UMKM désa terdampak anggén nincapang poténsi luwih sané wénten ring désa punika. Dumogi vidéo niki prasida ngicénin motivasi majeng ring pemerintah anggén ngaryanin kebijakan sané dados nulungin UMKM Tenun Khas Bali ring Désa Sampalan Klod mangda Tenun Khas Bali niki nénten ical lan nyansan ngasubang.
Yéning nénten iraga makasami sira malih, yéning nénten mangkin ring galah napi malih?
Ngiring sareng-sareng ngelestariang budaya anggén sarana ngewangun désa.
🙏Om Santih Santih Santih Om🙏
basabaliwiki.org
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi
@arsanawijaya_
@wayansindhuneee
@agus_jaya_ +
Terminal Mengwi inggih punika terminal bus tipe A pinaka terminal sane utama ring Provinsi Bali. Terminal Mengwi magenah ring Jalan Mengwi - Mengwitani, Desa Mengwitani, Kecamatan Mengwi, Kabupaten Badung +
Lukisan puniki nyinahang indik kalih anak lanang sane ngebah taru nganggen kapak. Taru-tarune sane kantun ngadek miwah sane sampun kebah nyinahang prarai sane sengsara. Seniman Batuan sane mawasta I Made Sujendra nlatarang karya puniki nganggen pitaken sane sadarana:
"Sapunapi rasane dados taru?"
Sujendra maosang, lukisan punika kadasarin antuk anak sane ngusak asik taru. Tetujon anak punika ngebah taru nenten ja kaanggen ngwangun utawi matung taler nenten nandurin taru anyar malih. Sakewanten ngeseng carik, tegal, alas, kaanggen kebun kelapa sawit sakadi sane wenten ring Sumatra miwah Kaliantan. Punika ngawinang jagate rusak, tarune taler sayan langah.
Seniman Batuan I Made Sujendra ngwetuang makasami ring lukisan sane kakaryanang. Puniki pinaka rasa sayang ring jagat Bali. Gaya lukisan dane akehan mawit saking Bali, yadiastun nenten ja tradisional Kamasan sakadi lukisan Kerta Ghosa sane sampunkasub, Sujendra sane nganutin gaya Batuan pinih modern miwah sekuler sane kaplajahin saking ajine.
Lukisan-lukisan khas Batuan madue akeh pisan tokoh mawarna bungah taler dasar warna ireng, ngawinang paningalan sane nyaksiang prasida nglelana santukan nenten wenten tokoh sane bungah adiri. Sujendra sampun ngaryanang gaya Batuan sane sadarana, akidik tokoh ring kanvas ane ageng miwah mawali ring tema agama. +
Tirta Empul 1920 +
Pura Tirta Empul magenah ring Desa Manukaya, Kecamatan Tampaksiring, Kabupaten Gianyar, Bali. Ring desa puniki wenten makudang-kudang tukad, sane pinih utama inggih punika Tukad Pakerisan miwah Tukad Petanu. Panyelehan arkeologi sane kakawitin duk abad kalih dasa sampun molihang bukti indik genahe puniki akeh madue tetamian arkeologi. Kantos mangkin ring Desa Panempahan, Desa Manukaya miwah Tampaksiring kantun akeh madue tetamian sane pingit utawi sakral. +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin genah potensial Tirta Empul, Timbrah, Karangasem niki.
Puniki wantah genah melukat sané becik pisan, kantun asri miwah kedas pisan. Yén sameton jagi meriki, durusang. Elingang nyarengin promosiang nggih... mangda sami uning.
Suksma
@wikibasabali @pasikianyowana.bali @mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi +
Klebutan sane kawastanin Tirta Klebutan Taman Sari Tukad Telaga Duaja utawi sane kasengguh "Tirta Sah" olih krama Selat, Karangasem ketah kauningin pinaka genah malukat (pabersihan) miwah kaprecaya sida nambanin sakancan pinyungkan. +
Om Swastiastu
Ke Singapadu mwli togog
Keneh melali eh ketemu bojog
Iraga sami patut ngalaksanayang Tri Hita Karana
Paras paros sarpanaya saling asah asih asuh
Punika mawinan nenten ja baga pemerintah kemanten sane ngupapira palemahan, sarana ring wewidangan margi, sakewanten iraga sami patut sareng-sareng, ngalestariang, ngupapira tur nyaga sami sane sampun wenten +
Patung utawi tugu Singa Ambara Raja wantah pinaka lambang Kota Singaraja sane magenah ring ajeng Kantor Bupati Buleleng. Patung puniki kawangun daweg warsa 1969 saha karesmiang tanggal 5 September 1971. Patung puniki ngambil rupa sato mitologi singa makampid. Patung puniki nenten nyihnayang panggaat krama Buleleng kemanten, patung Singa Ambara Raja taler nyihnayang rasa nasionalis krama Buleleng, malarapan antuk yupa mabucu lima pinaka pralambang negara Pancasila, singa makampid mabulu 17 bidang pralambang tanggal proklamasi, jagung gembal akutus nyihnayang bulan ka-8 utawi Agustus, makamiwah butir jagung gembal sane akehipun setimaan nyihnayang tahun proklamasi 45. Yening ingkupang, tegesipun Singa Ambara Raja nyihnayang jiwa proklamasi Agustus 1945 sane madasar Pancasila. Patung puniki taler kabaosang pinaka pralambang kaprawiran saking Anglurah Gusti Panji Sakti rikalaning ngwangun jagat Buleleng pinaka silih tunggil kerajaan mahardika ring pulo Bali. +
Tukad Bindu magenah ring Kelurahan Kesiman Kecamatan Denpasar Timur, pamekas ring gang Sikarini, Kesiman, Denpasar. Wisata Tukad Bindu Bali makeh kaluihanipun. Rikalaning semeng, genahe punika prasida kaanggen genah olahraga, rikalaning tengahing rahina genahe punika prasida kaanggen genah masandekan tegep madaging genah matumbasan, gumantinipun sate kakul, saha rikalaning sande, prasida nglangi ring tukade irika. +
Desa Tulamben magenah ring Kecamatan Kubu, Kabupaten Karangasem, Provinsi Bali. Panglimbak desane puniki gelis pisan santukan kawentenan genah wisata sane kasub antuk kaluihan sakamata ring tengah sagara. Akehan krama Desa Tulamben ngrereh pangupa jiwa dados bendega. +
Desa Tumbu inggih punika silih tunggil saking makudang-kudang desa sane magenah ring wewidangan Kecamatan Karangasem, Kabupaten Karangasem, Provinsi Bali. Desa Tumbu magenah sawatara 60 kilometer saking ibu kota Provinsi Bali inggih punika Denpasar, sawatara 7 kilometer saking Kabupaten Karangasem. Yening nganutin data administratif, ring Desa Tumbu wenten 5 (lima) banjar dinas, luire: usun Tumbu Kaler, Dusun Tumbu Kelod, Dusun Kebon Tumbu, Dusun Ujung Tengah, miwah Dusun Ujung Pesisi. Yening nganutin kawentenan adat, ring Desa Tumbu wenten 3 banjar adat, inggih punika: Dusun Tumbu Kelod, Dusun Tumbu Kaler, miwah Dusun Kebon Tumbu. +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin genah potensial Twin waterfall Lipah niki.
"Hallo nyama, Jani tiang lakar ngajak nyama makejang Malali ka Twin waterfall di Br. Lipah,Petang Badung. Yen nyama dot Nawang tongos ne dadi alih di google map. Cara adane, dini ada dua Grobogan ane majejer. Tongos ne asri tur ngulangunin pesan. Yen nyama dot nglangi ,ingetang ngaba pasalin. Oh saja, buin abesik nyama ane sedeng cuntaka tusing dadi ke tongos Grobogan ne. Mai mlali bareng-bareng ka Twin waterfall Lipah".
basabaliwiki.org
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi
@candratri18
@ayudiahrkmynti
@wynesa.07 +
U
Ubud inggih punika silih tunggil kecamatan ring Kabupaten Gianyar, kirang langkung magenah 20 kilometer ring sisi kaler Denpasar miwah 10 kilometer saking Gianyar. Kecamatan Ubud kadagingin antuk 7 desa miwah 1 kelurahan, luire: 1. Desa Mas 2. Desa Lodtunduh 3. Desa Peliatan 4. Desa Singakerta 5. Desa Sayan 6. Desa Petulu 7. Desa Kedewatan 8. Kelurahan Ubud.
Manut ring kawentenan geografis, genah desa Ubud wantah strategis pisan: desa puniki kaapit antuk desa-desa sane kaloktah antuk kerajinan miwah kesenianyane. Tukang lukis (palukis) sane kasub ring Ubud inggih punika Blanco, Bonnet, Walter Spies, Neka miwah Sobrat. Ubud ngawit kauningin dados genah wisata duk sapamadeg raja Ubud, Tjokorda Gede Raka Sukawati.
Foto: Pasar Ubud +
Sane dumun Desa Ubung punika Desa Adat sane madaging wewidangan 10 Banjar Adat. Genah punika kawastanin wewidangan Dauh Tukad Badung olih krama adat nguni. Ring panglimbak salanturnyane, duk warsa 1951, Desa Ubung madaging ewidangan 17 Banjar Adat, santukan wenten paimbuh saking 7 Banjar Adat, luire: Banjar Binoh Kaja, Banjar Binoh Kelod, Banjar Dauh Kutuh, Banjar Pohgading, Banjar Anyar-Anyar, Banjar Batu Mekaem, dan Banjar Tulang Ampyang sane dumun wantah weweidangan Desa Peguyangan. Yadiastun wenten paimbuh Desa Adat, sakewanten Desa Ubung kantun kapah dados kalih Desa Adat inggih punika Desa Adat Ubung miwah Desa Adat Pohgading. Keputusan Gubernur Kepala Daerah Tingkat I Bali tanggal 1 April 1980 Nomor : 7/Pem/IIa/2-57/1980 tentang penetapan Desa-Desa Persiapan dalam Wilayah Kota Administratif Denpasar. Daweg punika Desa Ubung nglimbak dados kalih, luire: Desa Ubung Induk (salanturnyane dados Kelurahan Ubung) miwah Desa Persiapan Ubung Kaja (salanturnyane dados Desa Ubung Kaja). +
Pura Ulun Danu Batur inggih punika pura pinih ageng kaping kalih ring jagat Bali. Saking genah pura, prasida dangan namtamin kalanguan Gunung Batur sane pinih becik. Pura puniki magenah ring Jalan Kintamani, Desa Batur Selatan, Kecamatan Kintamani, Kabupaten Bangli, Bali. +
Uluwatu inggih punika genah sane senengin tiang ring Bali. Uluwatu wantah genah alit, pasisi tropis sane cepung. Sakewanten genah puniki becik pisan anggen nyingakin kaluhan suryane rikala engseb, miwah wenten genah mapupul sane becik ri kala tengai.
Magenah sawatara 45 menit saking bandara, utawi sawatara ajam tengah saking Seminyak/Canggu. Ring bukit-bukit kapur punika, wenten akeh pisan vila miwah resort pinih becik ring Bali, pasisi sane luih sakewanten genahnyane mengkeb, miwah genah selancar sane kasub ring dura negara, ngawinang para peselancar meled rauh mriki. +
Universitas Udayana, utawi Unud wantah Perguruan Tinggi Negeri kapertama ring Bali, sane kawangun daweg tanggal 29 September warsa 1962 (siyu sangangatus nem dasa kalih). Unud madue tigang kampus, minakadi: kampus Nias, sane magenah ring Jl. Pulau Nias, Sanglah, Denpasar Barat nampek sareng RSUP Sanglah Denpasar; kampus Sudirman, sane magenah ring Jl. Soedirman; miwah kampus Pusat Bukit Jimbaran, sane magenah ring Jl. Raya Kampus Unud, Jimbaran, Kabupaten Badung. Wit kawentenan Unud wantah Fakultas Sastra Udayana cabang Universitas Airlangga Surabaya sane karesmiang antuk presiden Ir. Soekarno saha kabungkah antuk Prof. Dr. Priyono daweg tanggal 29 September 1958 sekadi sane munggah ring prasasti sane magenah ring Fakultas Sastra Jalan Nias, Denpasar. Fakultas Sastra Udayana puniki wantah pinaka pangawit kawentenan Universitas Udayana.
Ring pangawitipun, wentene Universitas Udayana sangkaning pangarsa saking krama Bali sane mapikarsa mangda wenten Perguruan Tinggi ring wewidangan Bali daweg warsa 1960an. Malarapan antuk punika, mawinan ring tanggal 12 Mei 1961 wenten parum tokoh-tokoh pendidikan, para prakangge daerah wiadin moncoling krama. Pamargin pabligbagan kamanggalain antuk Prof. Dr. Purbatjaraka kasarengin Prof. Dr. Ida Bagus Mantra pinaka panyarikan. Saking parum punika ngawentenang raris Panitia Persiapan Universitas Udayana Bali sane selanturipun kapikukuhang antuk Surat Keputusan Menteri PTIP No. 4 warsa 1962 tanggal 15 Januari 1962. Ring pamuputipun Universitas Udayana sah wenten saking tanggal 17 Agustus 1962 nganutin Surat Keputusan Menteri Pendidikan dan Ilmu Pengetahuan No. 104/1962 antuk 4 fakultas, minakadi: Fakultas Sastra, Fakultas Kedokteran, Fakultas Kedokteran Hewan dan Peternakan, miwah Fakultaa Keguruan dan Ilmu Pendidikan. Sangkaning pakeling wanti warsa universitas Udayana sinarengan sareng rahina proklamasi kemerdekaan Republik Indonesia, mawinan pakeling wanti warsa Universitas Udayana kagingsirang dados tanggal 29 September antuk ngambil tanggal peresmian Fakultas Sastra sane sampun wenten saking warsa 1958. Sane mangkin Universitas Udayana sampun madue 13 fakultas, minakadi: Fakultas Ilmu Budaya, Fakultas Kedokteran, Fakultas Hukum, Fakultas Teknik, Fakultas Pertanian, Faultas Peternakan, Fakultas Matematika dan Ilmu Pengetahuan Alam, Fakultas Kedokteran Hewan, Fakultas Ekonomi, Fakultas Teknologi Pertanian, Fakultas Pariwisata, Fakultas Ilmu Sosial dan Ilmu Politik, Fakultas Kelautan dan Perikanan.
W
Desa Budaya kertalangu silih tunggil genah wisata madue cecirem sane ngulangunin magenah ring wewidangan Desa Kesiman. Madue carik sane jimbar ring tengah kota pinaka pangerabdan pemerintah desa mangda prasida ngraksa tur ngwerdiang genah puniki mangda ajeg tur asri.
Desa Kesiman Kertalangu ngwangun inovasi makadi genah malajah pertanian anggrn genah alit - alite mangda uning miara genah pertanian lumrah kabaos wisata edukasi Subak Teba Majalangu. Unteng pamargi puniki ngawit saking Paud, TK, SD, SMP, SMA, nyantos Perguruan Tinggi. Para sisyane pacang kaajahin indik sistem irigasi subak, tata titi pertanian ring Bali ngawit saking pembibitan, pengolahan lahan, nandur padi, ngraksa padi nyantos panen padine. Jeg sampun jangkep pisan niki mlali sambil mlajah. Sakewanten sasukat wenten pembangunan anyar ring subak tebak majalangu sane durung tatas ngawinang subak teba majalangu nenten kapiara becik akehnyane laluu tur genahnyane ring ungkur dadosnyane anake meweh nyingakin sane encen kabaos subak teba majalangu. Punika sapatutnyane pemerintah dinas pariwisata tur dinas pembangunan daerah ngawerdiang dana lan publikasi mangda subak teba majalangu puniki kauningin antuk tamu dura negara tur ngawaliang perekonomian kramane. Punapi semeton bendan kal mlali mriki? Om shanti shanti shanti om 🙏🏼🙌
Nama : MAHASABA 4
-NI KADEK UNIK JAYANTI
-NI KADEK DIAH WULANDARI
-I.A MADE WIDIANTARI +
Titiang (Candra, Gek Tri, Dinanti)
pinaka generasi milenial sadia ngwangun desa malarapan antuk BASAbali Wikithon Partisipasi Publik #5: Ngawangun Desa. Ngiring cingakin indik desan titiangé puniki.
Ngiring iraga sareng sami ngajegang tur ngelestariang desa desa sane akeh madue potensi wisata ring bali
Ngwangun Potensi Wisata Bali, Bali Lestari Indonesia Bangkit!
basabaliwiki.org
@wikibasabali
@pasikianyowana.bali
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi
photo reference: google chrome, google maps +
Kawentenan pariwisata ring Pulo Baline pinaka pembangkit ekonomi krama Baline. Nenten ja krama Baline kemanten nanging para krama sane marantau saking pulo lianan ngaruruh pangupa jiwa I riki ring pulo seribu pura. Nanging akeh genah wisata taler wahana pariwisata ring desa-desa terpencil nenten kauningin olih wisatawan. Punika mawinan genah wisata utawi wahana wisata punika nenten prasida nglimbak ring sajeroning krama Baline. Yadiastun asapunika para yowana saking desa-desa sane arang wisatawan punika, nulungin kramane sami nganggen cara “ngajak timpal melali ka desa”. Punika mawinan genah wisatane kauningin tur prasida kalimbakang olih para yowana sane seneng malali ngaruruh genah wisata anyar ring desa-desa.
Wenten silih tunggil genah wisata sane durung kauningin olih anak akeh inggih punika wisata berkuda ring bantaran Tukad Badung Kawasan Taman Pancing Timur, Denpasar Selatan. Wisata berkudane puniki saking penyedia jasa pribadi kelompok kepaon berkuda, silih tunggil panyadia wisatane punika Bapak Makdi. Wisata berkuda puniki taler sampun ngajuang izin resmi pengelola ka pemerintahanne nanging ngantos mangkin nenten polih izin resmi saking pemerintahe. Yadiastun asapunika Pak Makdi sareng timpal-tampalnyane satata nyaga karesikan genah wisatane. Sadurung katutup genah wisatane Pak Makdi sareng timpal-timpalnyane ngaresikin palemahan sane kaanggen genah wisata berkudane puniki. Utsaha punika kalaksanayang mangda genahe asri tur kedas. Wisata berkuda puniki ngawit saking galah 16.00 WITA ngantos galah 19.00 WITA sabilang rahina. Prabea wisata berkudane puniki mudah pisan…. Anak kelih naur Rp 20.000, yening anak cerik Rp 10.000.
Saking pihak kepaon berkuda puniki kayun pisan mangdane Kawasan bantaran sungai ring Taman Pancing puniki prasida kaoprasiang dados genah wisata “Iraga saking kelompok sampun ngajuang izin ka kantor desa. Iraga kayun mangda polih izin resmi. Kawasan puniki prasida kagunayang dados genah wisata berkuda” sekadi puniki baosnyane.
Nggih semeton yening kayun ngrasayang wisata berkuda nanging takut ongkosnyane mael, ngiring malali ka Taman Pancing, wenten wisata berkuda sane mudah pisan. Ajak timpal-timpal sareng nyama di jero nggih.
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin indik desan titiangé puniki.
Salam Kenyem Manis Semita Bingar
Muséum Pustaka Lontar inggih punika muséum sané kapertama kawangun oleh désa adat. Magenah ring Désa Adat Dukuh Penaban, Karangasem. Yéning sameton rauh meriki, nénten wantah dados nyingakin koléksi lontar kémantén, nanging prasida malajah indik prosés ngarya lontar kantos pengarsipan. Ngiring sareng- sareng nglestariang budaya Bali malarapan antuk malancaran ka muséum Pustaka Lontar Dukuh Penaban.
basabaliwiki.org
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi
@anik.septiani.98
@desnyputriicahyani_
@ikadarmayanti.40 +
Om swastyastu semeton dinane jani lan tangkil sambilan melai ajak titiang, nah jani tiang lakar tangkil ke nusa penida. Napike semeton sube taen tangkil ke nusa penida?, nah yen konden lan jak tiang bareng-bareng. Nah jalan lakar ke purane jek cenik ajan semeton. Jek keweh asane tiang mimpas, tapi tiang sing nyerah jak jalane cenik asal be ngidang tangkil jek lagas semeton nah di neked di purae mih legan bayue ton sakewale semeton biaya perjalane be ton jek ngae donpet puyung semeton, tapi sing kenape semeton nyen nawang mani begaen maan rejeki. Nah mapan sube jam tiang lakar balik suksema semeton +
Desa Wisma Kerta, Kecamatan Sidemen, Kabupaten Karangasem yening nganutin data administratif, kapah dados kalih dusun inggih punika Dusun Klungah miwah Dusun Wangseam taler kawagun antuk lima banjar dinas, luire: Banjar Klungah, Banjar Wangsean, Banjar Bukit Buluh, Banjar Nagi miwah Banjar Temega. Desa Wisma Kerta mangik sampun ngadeg sawatara 10 warsa, pinaka pemekaran saking Desa Wangsean, sane kawatesin antuk Kota Klungkung. +