.jpeg)
Gumine jani ngangsan ngewehang, sasukat gek korona rauh nibenin gumi pertiwi, mula seken-seken sebet karasayang idupe mangkin. Ipidan iraga ngrasayang jaen ne ngajeng ring restoran, ne jani kanggoang malu darang nasi bejekin sambel kacang. Ngangsan pipise masi nelah-nelahang. Ipidan iraga ngrasayang luungne malajah bareng-bareng disekolah ngajak timpal lan saling pakedek pakenyung, ne jani kanggoang malajah liwat online. Ipidan reraman tiange seleg magae ring hotel, ne jani ulian gek korona ngamegatin pakaryan reraman tiange, kanggoang malu ring carik ngaritang sampi lan mamula pacah, apang masi nyak pesu peluh lan madue penghasilan. Ipidan iraga maan melali kija-kija ngelimurang manah, nanging ne jani mula sepi latig idupe, sarasa tusing ada kaidupan. Ne jani gumine lakar nuju masan transisi normal baru, satata inget nglaksanayang protokol kesehatan, minakadi: yening lakar pesu kija-kija bibihe matekep baan masker, inget ngwangsuh tangan, satata inget makta hand sanitizer, satata saling majohan lan tetep nuutin baos guru wisesa ne. Lan satata inget ngrastiti bakti apang gerubug niki gelis ical lan apang nyidayang gumine mewali care ipidan. Yadiastun sebet ne rasayang, nanging tetep semangat nyalanin kaidupan puniki.Rahayu. Gianyar, jumat 26 Juni 2020
Enable comment auto-refresher