Property:Place information text ban
From BASAbaliWiki
M
Kawentenan genah usaha ring wewidangan desa adat sepatutnyane prasida dados genah mekarya majeng ring krama adat druwe boye majeng ring krama tamiu.
Seluirin punika taler indik palemahan ring desa adat mangda sareng-sareng patut ngelestariang. +
Magenah ring pasisi Padang Galak, Desa Perbekelan Desa Kesiman. Monumen punika kantun sering karauhin olih para kulawargan korban.
Pan Am Penerbangan 812, sane kaoperasiang olih Pan American World Airways Boeing 707-321B N446PA (Clipper Climax), wantah penerbangan internasional sane kajadwalang saking Hong Kong uju Sydney, Australia, rauh apisan ring Denpasar, Bali, Indonesia. Duk tanggal 22 April 1974, kapal puniki runtuh ring bukite ri kala mategenan nampekin landasan 09 ring Denpasar ri sampune makeber sawatara 4 jam 20 menit saking Hong Kong. Genah wigna puniki sawatara 42,5 mil laut (78,7 km) ring sisi kaja kauh Bandar Udara Internasional Ngurah Rai. +
Pasisi Pekutatan magenah ring sisi kelod Pasar Pekutatan, Jembrana. Genah puniki dangan pisan katuju, santukan nentenndoh saking margi ageng Denpasar-Gilimanuk.
Sane dados cihna pasisi puniki wantah tugu sane wangunnyane kapal. Tugu puniki nyritayang indik I Gusti Ngurah Rai sane wawu rauh saking Jawa. Ring tugu puniki, sapatutnyane wenten 4 prawira sane ngadeg ring kapale.
Sakewanten mangkin wantah wenten tigang diri prawira ring kapale, santukan sane malih siki sampun regreg. Makatiga patung punika kacrita kantun nglaksanayang swadharma ring kapal ri kala malayar +
Monumen Puputan Badung sane mangkin kaloktah antuk pesengan Lapangan Puputan Badung (I Gusti Ngurah Made Agung) magenah ring papusuhan kota Denpasar, ring arep Museum Bali. Monumen puniki wenten ring sisi kaler Lapangan Puputan sane nguni dados genah maperang, ri kala Perang Puputan Badung duk warsa 1906, ri kala Belanda nyerang Denpasar.
Kruna puputan mateges kantos telas. Dadosnyane, monumen puniki wantah pinaka wangun anggen ngelingang miwah misajiang krama Bali sane maperang kantos telas nglawan Belanda. Mangkin monumen Puputan Badung dados genah malancaran olih krama kota Denpasar. +
Monumen puniki magenah ring Lapangan Puputan Niti Mandala Renon Denpasar. Monumen sane jimbarnyane 40.000 meter² puniki magenah ring sisi kelod lapangan sane ngulangunin. Monumen puniki ngunggahang konsep pemuteran Mandara Giri mangda molihang tirta amerta pinaka utamaning urip. Sane ngaryanang rancangan wangunan puniki wantah Ida Bagus Gde Yadnya. Wangun bajra utawi genta kaanggen wangunan utama kasarengin antuk ornamen-ornamen khas Bali. Wangunan puniki dados cihna pamargin kapuran Bali saking nguni kantos mangkin. Genah puniki kadagingin antuk fasilitas museum pinaka ikon Provinsi Bali. Driki taler dados genah malajah sapisanan genah malancaran miwah mapotrek. +
Museum Bali pinaka pamahbah kabudayan miwah kapurwan krama Bali. Tembok, natah kantos ka angkul-angkul kawangun sakadi puri utawi keraton ring Denpasar.
Wenten papat bangsal ring komplek museum. Bangsal ring genah puniki ngwakilang makudang-kudang kabupaten ring Bali, luire : Karangasem, Tabanan, miwah Buleleng. Museum Bali puniki kaadegang santukan ide saking W.F.J. Kroon. +
Wastannyane Antonio Blanco, truna sane kantun warih saing Spanyol embas tanggal 15 September 1911 ring Manila, Filipina. Blanco seneng pisan ring seni, utamannyane seni lukis. Punika ngawinang ipun ngumbara ka dura negara jagi malajah indik seni. Ipun rauh ring Bali warsa 1952 tur nenten ngumbara malih kantos seda ring warsa 1999. Punika sane ngawitin kawentenan Museum Blanco sane age pisan kantos mangkin. +
Samsara inggih punika silih tunggil ajahan Umat Hindu, pamekasnyane sane wenten ring Pulo Dewata. Ngeninin indik drestan kramane pacang nglaksanayang upacara miwah ritual adat sane matetujon mecikang sakancan kauripan sane terus ngwawanin kantos prasida kabaos sampurna.
Museum Samsara inggih punika museum hidup. Genah becik sane kasarengin antuk keasrianyane, kasugihang olih nilai Budaya, tradisi miwah drestan anak Bali punika wantah tetamina anake lingsir I pidan, napi malih kasarangin antuk tresna.
Magenah ring Desa Jungutan Kabupaten Karangasem, Bali. Tanah linggahne duang hektar ngwentenang palemahan sane asri tur ngelangenin. Yen I raga meriki, jagi akeh ngemolihang energi alam semesta sane dados paplajahan ring jagate. Tamiu sane rauh iriki pacang polih papaljahan, kawerdian ngeninin indik ritual kauripan anak Bali.
Ring Museum Samsara para tamiune pacang kajahin makarya sarana upakara, arak, ulatan, miwah padrestan anake Bali. Sameton taler prasida nyingakin makudang-kudang entik-entikan tropis ring wewidanganyane.
Tiosan punika, sameton mresidayang nyicipin makudang-kudnag dedaaran tradisional Bali, miwah tradisi magibung. Samian sane wenten ring Museum Samsara kawentenang ring natah sane linggah ngawentenang genah interaksi. Punika taler, sameton dados makta mantuk makudang-kudang kriya seni sane unik.
Ngiring ajegang tur lestariang ajah-ajah panglingsir I raga ngawit saking padewekan I raga mangkin, punika dadosang pedoman ngmargiang kauripan ring jagate mangkin tur sane sampun lintang. +
Saking Lonely Planet:
Artis Adrien-Jean Le Mayeur de Merpres (1880–1958) rauh ring Bali warsa 1932, marabian sareng pragina legong pinih ayu mawasta Ni Polok. Tigang warsa salanturnyane, ri kala Ni Polok mayusa 15 warsa. Ipun makakalih meneng ring Sanur. Daweg nika, sanur kantun madabdaban dados desan para bendega. Ri sampune Le Mayeur seda, Ni Polok meneng ring jero punika kantos ipun taler seda warsa 1985. Yadiastun wenten keamanan (makudan-kudang lukisan Le Mayeur kaadol kantos 150.000 dolar Amerika) miwah pikobet konservasi, tambis 90 lukisan Le Mayeur kapajang.
Jero puniki wantah imba arsitektur Bali - indayang cingakin jendela sane bungah maukir, nyritayang indik Rama miwah Sita ring Ramayana. Museum puniki madue interior tenun Bali sane naturalistik. Makudang-kudang kriyan Le Mayeur wantah lukisan impresionis indik pamargin ipun saking Afrika, India, Mediterania miwah Pasifik Selatan. Lukisan saking Bali Purwa nlatarang indik kawentenan kauripan krama Bali sarahina-rahina sane becik tur romantis, taler anak istri Bali sane jegeg pisan - akehan punika Ni Polok. Lukisan saking warsa 1950-an sane nenten rusak, madue warna sane bingar, tur dados kaloktah ring para seniman Bali. Tegarang rereh foto-foto timbul Ni Polok mawarna selem-putih +
Yening wenten anak sane seneng sareng lukisan kari malancaran ring Bali patut pisan rauh ring museum sakadi Museum Lukisan Sidik Jari Ngurah Gede Pemecutan.
Museum puniki kaadegang duk warsa 1993 olih Gede Ngurah Rai Pemecutan. Napi ngawinang kawastanin Museum Sidik Jari ? Santukan makasami lukisan iriki kakaryanin nganggen tangan, nenten ja ngangge kuas, sane ngawinang museum puniki sayuakti luih. Teknik nganggen tangan puniki kapolihang ri kala pelukis jagi muputang lukisannyane.
Metode sane kaanggen wantah molesang cat ring tangan, wau tangan punika kaanggen nglukis. Puniki ngawinang lukisane dados unik, santukan tapak tangannyane sampun wenten drika. Ring museum puniki wenten 666 lukisan saking Gede Ngurah Rai Pemecutan. Museum puniki naenin polih rekor MURI dados pelopor teknik lukis sidik jari miwah kolektor lukisan sidik jari pinih akeh.
Ragane meled jagi uning? Durus malancaran ring museum puniki ring dina Soma kantos Saniscara, pantaraning jam 08.00 antos 16.00 WITA. +
Museum Subak inggih punika silih tunggil museum negeri ring Tabanan, Bali. Museum sane ngangkat indik pamaculan puniki karesmiang duk warsa 1981 olih Gubernur Bali daweg punika inggih punika Prof. Ida Bagus Mantra.
Napi ngawinang subak ? Subak pinaka silih tunggil tetamian budaya indik sistem irigasi toya sane sampun wenten ring Bali saking jaman bali kuno abad kaping 11 masehi. Metode irigasi punika ngamargiang konsep "Tri Hita Karana", kauripan sane adung ring pantaraning manusa sareng ida betara, manusa, miwah palemahan.
Yening ida dane meled jagi uning ring kapurwan, budaya miwah indik sane unik ring pamaculan krama Bali, genah puniki patut pisan karauhin. Ring museum puniki wenten alat-alat pamaculan, teknologi miwah budaya sareng upakara krama tani Bali, miniatur subak taler paumahan khas Bali. Ngiring malancaran ka Museum Subak Bali +
N
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin indik desan titiangé puniki.
Semeton uning ten DESA SENI?
Yening uning, niki ampun Desa Tiange Desa Mas, sane mengenah ring Kecamatan Ubud , Kabupaten Gianyar. Desan Tiange punik ngelah program penukaran sampah plastik sane ngidang katukar antuk jinah utawi beras. Program puniki jeg pokokne becik pisan anggen ngewangun keasrian Desa irage lan ngidayang ngewantu Masyarakat Desa sane wenten ring Bali . Sekadi asapunika , titiang dados generasi muda dot nyobyahang ring pemerintah. dumogi Pemerintah ngewantu utawi mensuport tur mangda mamargi antar program puniki antuk ngamicayang wantuan dana .
Dumogi video tiang niki menghibur para semeton
Klungkung Semarapura , kirang langkung nunas sinampura. Matur Suksema
basabaliwiki.org
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi
@lniitard @weda_adityaaa @yogiiardd +
Titiang pinaka generasi milenial sadia ngwangun desa malarapan antuk BASAbali Wikithon Partisipasi Publik #5: Ngawangub Desa. Ngiring cingakin indik desan titiange puniki.
OM Swastyastu
Hallo Semeton Budaya
Tiang Ketut Wahyu Tamaja, jagi ngiring semeton malancaran lan nyingakin Desa tiang ring Desa Giri Emas.
Desa Giri Emas inggih punika desa sane magenah ring Kecamatan Sawan, Kabupaten Buleleng. Ring desa puniki akeh pisan genah wisata-wisat budaya sane patut semeton kunjungi , silih sinunggil nyane Pura Gung Sekar lan Segara Giri Emas.
Nh punapi semeton, semeton sampun uning genah wisata sane tiang pacang tiang kunjungi? Meriki semeton nyaksiang video melancaran tiange niki
Lianan puniki akeh pisan genah-genah wisate sane durung kewangun antuk pemerintah, pinunas tiang majeng ring pemerintah mangda side ngicen wantuan minekadi pembangunan lan dukungan antuk krama desa.
Nhhh punapi semeton kari ragu pacang melancaran ring Desa Giri Emas? Sampung ragu semeton tiang jantos ring Desa tiang Desa Giri Emas. Yuk Melali ke Giri Emas 🙏🏻
OM Santi Santi Santi Om
basabaliwiki.org @wikibasabali @pasikianyowana.bali @mamedwedanta
#basabaliwiki #wikithon
#partisipasipublik #wikithonpartisipasipublik #ngwangundesa #membangundesa
#milenialberaks +
Nangiang Pabrik Pengolahan Sampah Utawi Luu Sane Marupa Solid Recovered Fuel (SRF) Ring Desa Bhuana Giri, Kecamatan Bebandem, Kabupaten Karangasem +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin indik desan titiangé puniki.
Om Swastyastu Semeton Sinamian🙏🏻
Mungguing sekadi punapi kawèntenan dèsa ring Kabupaten Karangasem, puniki silih tinunggil kawèntenan ring Dèsa Bhuana Giri Kècamatan Bebandem, Kabupaten Karangasem. Ngantos sanè mangkin wicara sane durung prasida kapuputang inggih punika ngeninin indik wicara luu sanè mapupul ring TPA Linggasana lan TPA Butus saking warsa ke warsa, nanging saking angawerat irika durung ngicenin Tetepas mastikayang pamargi sekadi punapi sanè patut kamargiang antuk muputang wicara luu ne puniki.
Manggalaning desa Bhuana Giri Ir. I Nengah Diarsa sampun nyobyahang "Manggala desa muah prajuru iriki sampun ngaturang pawungu ring guru wisesa pemerintah antuk sumangdene digelis muputang wicara puniki majalaran antuk nangiang pabrik pengolahan sampah utawi luu sanè marupa Solid Recovered Fuel (SRF). Solid Recovered Fuel utawi sane ketah kebaos (SRF) inggih punika bahan bakar sane kakaryanin antuk luu non-B3.
Luu non-B3 wantah luu sane nenten medaging zat, energi lan utawi komponen lianan sane pacang digelis nyemerin lan ngawinang padem palemahan miwah sarwa maurip ring jagate. Siosan punika, wicara puniki dados ngewetuang pikobet lan ngawinang pakeweh ring krama irika duaning pacang ngewetuang cemer ring palemahan lan ngawinang padem sarwa tumuwuhe sane wenten ring tegalan, sanè dados sumber pengupajiwa sadina-dina masyarakat ring iriki" (Rabu, 13/04/22).
Inggih sekadi punika kawètenan ring Desa Bhuana Giri puniki, dumogi pemerintah pemekasnyanè guru wisesa Karangasem mangda digelis mutusang lan mastikayang pemargi sekadi punapi antuk muputuang wicara puniki.
Om Santih, Santih, Santih Om
basabaliwiki.org
@wikibasabali
@pasikianyowana.bali
@mamedwedanta
@intanirraa
@aprilisia._
@manggiantari
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi
Ngalestariang Gumi Bali antuk obyek wisata utaminnyane Segara ring Bali, sane kemanah antuk titiang punika Segara Good Karma +
Titiyang pinaka generasi milenial sadia ngwangun desa malarapan antuk BASAbali wikithon partisipasi publik #5 : Ngwangun Desa. Ngiring cingakin genah wisata ring desa selang, Abang, Karangasem
Om swastyastu Semeton 🙏
Good karma beach,genah wisata puniki patut kaupapira ring sajeroning irage dados manusa, santukan genah puniki pinaka objek wisata sane kasenengin olih toris mancanegara ne antuk keasrian palemahannyane setate ngulangunin. Sadurung pandemi covid siangolas genah puniki kantun becik pisan krane wenten genah meayunan,irika becik rikala keanggen genah ngambil foto.
Nanging sane mangkin genah meayunan punika sampun kaicalang miwah kirang keresikannyane, akeh titiang nemonin sampah plastik miwah sampah sane lianan mebrarakan ring pesisir segara ne. Punika kemanah antuk tityang melancaran iriki sambil mereresik sampah plastik, mangdane segara puniki tetep resik tur asri.
Harapan titiang dumogi genah wisata puniki setate resik tur becik kantos ka pungkur wekas. Dumogi toris e gelis mewali. Ngiring semeton mriki cingakin genah objek wisata good karma beach,sane mgenah ring desa selang kec.Abang kabupaten Karangasem.
Om santih,santih,santih om 🙏 +
Titiang pinaka generasi milenial sadia ngwangun desa malarapan antuk BASAbali wikithon partisipan publik#5. ngwangun desa, ngiring cingakin indik desan titiange puniki.
Om Swastyastu..
hallo semeton, tityang jagi ngiringang semeton melancaran nyingakin desan tiang ring Desa Adat Padangkerta
Desa adat Padangkerta inggih punika desa sane magenah ring Kecamatan Karangasem, Kabupaten Karangasem. ring desan tityang puniki mayoritas penduduk akeh mekarye sektor pertanian lan tambak ikan . Subak ring Desan tityange sampun Wenten katos dumun .Sakewanten kantun wenten kekurangan nyane inggih punika kantun Wenten masyarakat ngutang luu ring Tukad Nike menkadi toye ring subak tercemar , pinunas titiang majeng ring pemerintah mangda prasida ngicen wantuan minakadi tempat sampah sane rmhne doh saking Margi Ageng lan mobil bak pengangkut sampah
matur suksma , Om santih,santih,santih,om
basabaliwiki.org
@wikibasabali
@pasikianyowana.bali
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi +
Om Swastyastu, Semeton 🙏
Titiang pinaka generasi milenial sadia ngwangun desa malarapan antuk BASABali Wikithon Partisipasi Publik #5: Ngewangun Desa. Ngiring cingakin indik desan titiange puniki:
Desa Adat Beringkit, Belayu, Kecamatan Marga, Kabupaten Tabanan inggih punika desa sane kantun asri, sawireh akeh wenten carik sane lestari nyantos mangkin. Potensi Belayu inggih punika carik, tukad, fasilitas penginapan, jogging track, taker wenten pariwisata budaya sane adi luhur. Mayoritas semeton belayu mekarya ring carik lan ngubuh sampi, taler wenten sane mekarya ring bidang ukir.
Desa puniki kasub nyantos ke dura negara. Punika mawinan akeh turis sane melali ke Belayu. Nanging, santukan pandemi sekadi mangkin, nenten malih turis sane melancaran ke Belayu. Punika mawinan pariwisata driki padem saking tahun 2020 nyantos mangkin.
Pinaka yowana, titiang jagi medue rekomendasi majeng ring pemerintah mangda prasida ngwangun malih pariwisata ring Desa Belayu. Kapertame, titiang nunas mangda wenten intensif pariwisata, anggen para pelaku pariwisata prasida ngelimbakang usahannyane, santukan kalih tiban pemasukan ipun nenten optimal. Kaping kalih, dumogi wenten program promosi sane kegagas olih pemerintah mangda kewentenan potensi Belayu puniki prasida kauningin olih masyarakat sane lianan.
Dumogi wecana puniki prasida ngwantu Desa Belayu taler pemerintah, mangda pariwisata driki malih bangkit pascaCovid-19 🙏
Klungkung Semarapura, kirang langkung nunas sinampura.
Matur Suksma.
basabaliwiki.org
@wikibasabali
@pasikoanyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi +
Ngemajuang Pengelukatan Sapta Gangga Ring Desa Timbrah, Kecamatan Karangasem, Kabupaten Karangasem +
Titiang pinaka generasi milenial sadia ngewangun desa malarapan antuk BASAbali wikithon partisipasi publik #5 ngewangun desa.ngiring cingakin indik desan titiange puniki.
Desa adat timbrah magenah ring kelurahan Pertima, Kec.Karangasem,kab. Karangasem.Desa adat timbrah puniki madue potensi obyek wisata desa sane mawasta pengelukatan Sapta Gangga, pengelukatan puniki madue pitu pancoran lan madue adan masing masing inggih punike Gangga,Shindu, Saraswati,Yamuna,Budawari,Narmada,lan Srayu
Pengelukatan sapta gangga resmi kabuka ring warsa 2019,tetujon penglukatan puniki lebih ke indik niskala.Genah penglukatan puniki kakiterin antuk carik utawi uma,Irika taler irage presida nyingakin bebukitan lan gunung sane ngulangunin manah.Dumogi benjang pungkur mangde pengelukatan punika keloktah ngantos ke dura negara,mangde akeh sane uning tur rauh meriki
@wikibasabali
@pasikianyowana.bali
@mamedwedanta
@paangarjawa
@_desian
@lansntyaa
#basabaliwiki#wikithon#partisipasipublik#wikithonpartisipasipublik#ngwangundesa#membangundesa#milenialberaksi +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin indik desan titiangé puniki.
Om Swastyastu semeton🙏🏻
Ring Desa Gelumpang, Kecamatan Karangasem, Kabupaten Karangasem wenten genah wisata sane mewasta Bukit Cinta. Pamandangan ring bukit cinta melatar gunung agung lan keilehin antuk tumbuhan ilalang utawi ambengan. Nanging genah puniki sane mangkin nenten je ke rawat ngawinang luu utawi sampah plastik sane nenten kebakta olih pengunjung kari ngantos mangkin, jalan sane wenten ring wewidangan bukit cinta wenten sane rusak.
Malarapan antuk niki diharapkan pengelolaan bukit cinta mangda prasida dados objek wisata sane kasenengin olih anak akeh.
Om Santih, Santih, Santih Om +
Hallo semeton, semeton nawang sing tongos melali ane luung didesa sidan?semeton ajak mekejang sube taen sg melali mai? Lan barengin tiang melali kedesa sidan, genahne ring desa sidan kecamatan gianyar kabupaten gianyar. I pidan didesa nenenan tusing ade tongos wisata nanging uli warsa duang tali duang likur pemerintah desa ngaenang tongos wisata ane luung pesan. Dini ade tongos makan ane unik yen biasanne tongos makan utawi restoran ento kewangun ban beton nanging didesa niki tongos makan kewangun ban tiing,semeton ngidang medaraan sambilan nyingakin kalanguan, tukad, lan palemahan didesa nenenan, tusing ento dogen, di tongosne eni ade tongos cerik”mepaliannan.buinan dini ade tongos melukat ane mewasta pengelukatan Tiyisan Sane kapracaya prasida ngubadin sekancan Pinungkan kulit, Tirte pengelukatan puniki wit saking pura bukit camplung desa sidan, genahe puniki kapracaya dados genah petirtan rencang-rencang ida bhatara sane melinggih ring punika baosnyane. Ring genah puniki taler wenten julit petak(putih) sane nampak rikala galah sane nenten pasti. Sane unik ring genah puniki, yadiastun sabeh ageng toyane tetep jernihyeh ne ening pesan. Enkn semeton payu melali kesidan? Yen payu mai ajak tiang melali ajak nyen sambil ngelindeng nolih”palemahan ring desa sidan +
