ARAS KEMBANG lekad redite pon, soma kliwon, anggara paing, buda umanis, wrespati wage : enggal mragatang pikobet, tusing ngelah pianak liu, timpalne liu, anake luh muani demen teken ia, sasubane makurenan, ia enggal magae.
ARAS TUDING lekad soma pon, anggara kliwon, buda wage, sukra umanis : wanen luas peteng-peteng, demen ngadep barang gelahne, demen teken gelah anak, yen bes dot, ia bisa mamaling, sukeh ngilangin dotne.
BUMI KAPETAK lekad redite pon, soma paing, buda pon, wrespati kliwon, saniscara umanis : tusing demen luas, pageh teken prinsip idupne, jemet magae apa dogen, pageh teken tugasne, ngelah keneh matapa.
LAKU YEH lekad saniscara pon, wrespati kliwon : budine alus banban, ia ngelah tata krama, liu kenehne, alus banban yen ngorahin anak, nyidang dadi anak ane mawisesa, ia pageh yen matungkasan, tusing lega kenehne yen tetujone tusing bakatanga, yen makurenan, ia pepes maiegan.
LAKU API lekad soma wage, anggara umanis, saniscara paing : demen mamedih, panes kenehne, yen ngraos tusing kenehanga malu, ia tusing rungu teken panampen anak, apa ane edotanga enggal engsapina.
LAKU ANGIN lekad redite wage, soma umanis : tuara demen ngraos, nanging kenehne satata kema-mai, demen matingkah cara sulinggih, demen ngumbara, demen yen anake ngajum-ajum, yen mamantra tusing mataksu.
LAKU BINTANG lekad redite kliwon, soma paing, wrespati umanis, sukra pon : tusing pati ngraos, kenehne alus, tusing nyidang makelo magadang, raosne maaji, pageh nyalanang kenehne, biasane tusing ngelah nyama, demen maadep-adepan.
LAKU BULAN lekad redite paing, buda pon, sukra kliwon, saniscara umanis : enggal ngresep tur dueg, makejang gegaene ia bisa nyemak, tresnaina teken krama, liu ngelah kaweruhan, sabar, ia bisa lengit yen kenehne sedeng jelek, idupne lega.
LAKU BUMI lekad anggara wage, saniscara kliwon, wrespati paing : demen siep, basangne bawak, demen mabebasan tur magujeg, yen lakar ngraos, tau-tau buung, raosne nyidang dadi kenyataan.
LAKU SURYA lekad buda kliwon, wrespati pon, sukra paing : dueg, liu nawang peplajahan, demen ngemang tutur, liu ngelah ide, raosne ngalangin keneh, ngelah wibawa.
LAKU PANDITA SAKTI lekad redite umanis, anggara pon, sukra wage : kalem, kenehne satata lega, demen teken kadiatmikan, dueg, sada nyumbungang dewek, demen yen ajum-ajum, ia nyidang kasub ulian nyastra.
LEBU KATIUP ANGIN lekad redite kliwon, anggara wage, wrespati paing, sukra pon : kenehne sai-sai inguh, aluh kena provokasi, idupne kuangan, tusing nyidang negak nengil makelo.
SATRIA WIBAWA lekad redite wage, anggara pon, buda wage, wrespati umanis, saniscara paing : demen terus terang, idupne satata demen, ia ngelah kawisesan di jagate.
SATRIA WIRANG lekad soma kliwon, anggara paing, wrespati pon, sukra umanis, saniscara wage : demen pedih, nanging kenehne bisa tegteg, ia pepes lek, kenehne luung nanging anake pepes salah tampi, kuang ngampetang kenehne.
SUMUR SINABA lekad redite umanis, soma pon, anggara kliwon, buda umanis, sukra wage : demen nulungin anak, budine alus tur olas, ia demen makidihang tur mapunia.
TUNGGAK SEMI lekad soma umanis, sukra paing, wrespati wage, saniscara kliwon : begug, demen teken biota, yadiastun suba kalah, terus dogen nantang.
WISESA SEGARA lekad redite paing, soma wage, anggara umanis, sukra kliwon, saniscara pon : lascarya tur dalem pesan kenehne, kaweruhane liu, ia rarem cara dasar pasih.
Enable comment auto-refresher