ARAS KEMBANG: enggal mragatang pikobet, tusing ngelah pianak liu, timpalne liu, anake luh muani demen teken ia, sasubane makurenan, ia enggal magae.
ARAS TUDING: wanen luas peteng-peteng, demen ngadep barang gelahne, demen teken gelah anak, yen bes dot, ia bisa mamaling, sukeh ngilangin dotne.
BUMI KAPETAK: tusing demen luas, pageh teken prinsip idupne, jemet magae apa dogen, pageh teken tugasne, ngelah keneh matapa.
LAKU YEH: budine alus banban, ia ngelah tata krama, liu kenehne, alus banban yen ngorahin anak, nyidang dadi anak ane mawisesa, ia pageh yen matungkasan, tusing lega kenehne yen tetujone tusing bakatanga, yen makurenan, ia pepes maiegan.
LAKU API: demen mamedih, panes kenehne, yen ngraos tusing kenehanga malu, ia tusing rungu teken panampen anak, apa ane edotanga enggal engsapina.
LAKU ANGIN: tuara demen ngraos, nanging kenehne satata kema-mai, demen matingkah cara sulinggih, demen ngumbara, demen yen anake ngajum-ajum, yen mamantra tusing mataksu.
LAKU BINTANG: tusing pati ngraos, kenehne alus, tusing nyidang makelo magadang, raosne maaji, pageh nyalanang kenehne, biasane tusing ngelah nyama, demen maadep-adepan.
LAKU BULAN: enggal ngresep tur dueg, makejang gegaene ia bisa nyemak, tresnaina teken krama, liu ngelah kaweruhan, sabar, ia bisa lengit yen kenehne sedeng jelek, idupne lega.
LAKU BUMI: demen siep, basangne bawak, demen mabebasan tur magujeg, yen lakar ngraos, tau-tau buung, raosne nyidang dadi kenyataan.
LAKU SURYA: dueg, liu nawang peplajahan, demen ngemang tutur, liu ngelah ide, raosne ngalangin keneh, ngelah wibawa.
LAKU PANDITA SAKTI: kalem, kenehne satata lega, demen teken kadiatmikan, dueg, sada nyumbungang dewek, demen yen ajum-ajum, ia nyidang kasub ulian nyastra.
LEBU KATIUP ANGIN: kenehne sai-sai inguh, aluh kena provokasi, idupne kuangan, tusing nyidang negak nengil makelo.
SATRIA WIBAWA: demen terus terang, idupne satata demen, ia ngelah kawisesan di jagate.
SATRIA WIRANG: demen pedih, nanging kenehne bisa tegteg, ia pepes lek, kenehne luung nanging anake pepes salah tampi, kuang ngampetang kenehne.
SUMUR SINABA: demen nulungin anak, budine alus tur olas, ia demen makidihang tur mapunia.
TUNGGAK SEMI: begug, demen teken biota, yadiastun suba kalah, terus dogen nantang.
WISESA SEGARA: lascarya tur dalem pesan kenehne, kaweruhane liu, ia rarem cara dasar pasih.
Enable comment auto-refresher