Property:Biography text ban
From BASAbaliWiki
I
Pangawi senior Ketut Rida embas ring Banjar Kanginan, Désa Sulang, Kecamatan Dawan, Klungkung, duk 11 Séptémber 1939. Dané muputang sekolah ring SGA Stella Duce/ Kanisius Yogyakarta, warsa 1958, raris nglanturang B1 Bahasa Indonésia ring Dénpasar, sakéwanten tan prasida puput.
Ngawit warsa 1960 ngantos 1987 dané kangkat dados guru pengajian ring Sekolah Dasar. Minab lanngkung kantos 20 warsa, I Ketut Rida ngambel jabatan dados Kepala SD. Siosan ring punika, dané kaangkat dados penilik utawi pengawas TK, SD lan SDLB. Ring désa, taler naanin kajudi dados bendésa adat Désa Sulang.
Indik makekawian utawi nyurat, dané maosang sampun mentuk duk kantun alit, sangkaning ngarahina dané polih satua saking odahé. Indike punika sané ngawinang rasa onengé metu kantos mangkin. Sasampuné nglanturang ring B1 Jurusan Bahasa, uleng kayunné ring kakawian raris nyansan tumbuh. Dané teleb pisan ring paplajahan basa Kawi sajeroning Adiparwa.
Makudang-kudang kakawian sastra Bali anyar miwah sastra Indonésia sané sampun kawedar luiré cerpén, lan novel. Dané sampun umandel, turmaning sampun ngamolihang makudang-kudang piagam penghargaan. Penghargaan punika minakadi:
Warsa 1977 – 1978, dané polih pemenang II Sayembara Mengarang Basa Indonésia guru-guru SD Tingkat Provinsi Bali.
Warsa 1979 dados pemenang I pacentokan mengarang Pacapaliring (prosa) sajeroning Pésta Kesenian Bali (PKB).
Warsa 1980, polih juara I Sayembara Mengarang Novel Basa Bali kapakilitang ring Bulan Bahasa.
Warsa 1982, dados pemenang II Mengarang Geguritan sajeroning PKB.
Warsa 1991 ngamolihang Juara I Lomba Cerpén Basa Bali ring harian Bali Post.
Warsa 1995, polih juara harapan I Lomba Cerpén Basa Bali ring PKB.
Ngawit warsa 1970 ngantos 1980, makuwéh kakawian dané sané kawedar ring harian Bali Post. Pupulan puisi dané sané mamurda “Nyiksik Bulu” kamedalang antuk Balai Bahasa Dénpasar warsa 2004. Novel basa Bali dané sane mamurda “Sunari” kamedalang antuk Yayasan Obor, Jakarta warsa 1999. Novel “Sunari” puniki ngawinang I Ketut Rida ngamolihang Hadiah Sastera Rancagé saking Yayasan Kebudayaan Rancagé Bandung warsa 2000. Lan ring warsa 2014 dané ngamolihang Widya Pataka saking Gubernur Bali antuk cakepannyané sané mamurda “Lawar Goak”.
I Ketut Sadia, meneng ring br. Pekandelan, Batuan, Sukawati, Gianyar, Bali. Dané muruk ngambar ring I Wayan Taweng (bapa) lan I Wayan Béndi (bli). Dané pisarat ring paméran ring dura negara lan ring panegara Indonesia. Minakadinnyané ring Museum Arma, Museum Puri Lukisan, Museum N eka, Museum Nasional Jakarta, Singapore art Museum, Tempera Art Museum, Finlandia, Fukuoka Art Museum, lan KBRI Washington DC. Pernah taler penghargaan Jakarta Art Award 2008, Finalis Jakarta Art Award (2010, 2012), finalis UOB Painting Of The Year (2012, 2013, 2014). +
I Ketut Sandika embas ring Désa Nyalian, Klungkung, Bali 11 Pébruari 1988. Dané mlajah ring IHDN Denpasar. Dané nyurat buku indik kearifan lokal miwah budaya Nusantara, utaminnyané Bali. Dané seneng mlajahin ilmu mistik Bali malarapan antuk kajian-kajian ring naskah-naskah kuno, utaminnyané naskah-naskah mabasa Jawa Kuno. Asil paplajahannyané kasurat ring makudang-kudang buku, minakadi "Tantra, Ilmu Kuno Nusantara", "Siwa Tattwa, Ajaran Spiritual Leluhur Nusantara", "Sedulur Papat, Kalima Pancer, Ilmu Rahasia Kelahiran dan Kematian" , "Pendidikan Menurut Veda" . +
I Ketut Tjekeg, embas ring Banjar Tarukan, Désa Mas, Ubud, 25 Januari 1942. Ida inggih punika silih sinunggil tokoh penting ring Désa Mas, Ubud, sané akéh ngicénin kontribusi majeng ring panglimbak désa. Saking alit dané sampun aktif ring widang seni, minakadi maplalian drama, makarya patung miwah ukiran, taler aktif ring makudang-kudang organisasi. Dané muputang sekolah PGAA Hindu Dwijendra ring warsa 1962. Sempat dados guru honorer Agama Hindu ring SMP Negeri Gianyar. Raris dané dados wartawan ring koran "Suara Indonesia" sané mangkin dados "Bali Post". Dané taler naenin makarya ring Hotel Bali Beach Sanur. Ring warsa 1960-an ida aktif dados pengurus PNI/Front Marhaenis Ranting Mas. Dané sareng ngwangun makudang-kudang organisasi ring Désa Mas, minakadi Persatuan Pelajar Mas (P.P.M.), sekaa teruna/karang taruna, organisasi kesenian Janger, miwah sané lianan. Dané ngamedalang buku Autobiography and Pembangunan Phisik & Mental Spiritual (2022) sané akéh madaging carita indik kahuripannyané miwah sejarah panglimbak miwah panglimbak Désa Mas, Ubud. +
I Ketut Wiana, embas ring Dénpasar, 14 Séptémber 1945. Dané naenin dados dosén ring Institut Hindu Dharma Negeri (IHDN) Dénpasar. Dané taler aktif ring lembaga Hindu PHDI miwah sering kaundang ngicénin dharma wacana majeng umat Hindu ring makudang-kudang genah ring Indonésia. Lianan saking rajin ngisi rubrik Mimbar Agama Hindu ring Bali Post, dané akéh nerbitang buku sané mapaiketan sareng Agama Hindu, minakadi "Suksmaning Banten", "Melihara Tradisi Veda", "Beragama Pada Zaman Kali", "Tri Hita Karana Menurut Konsep Hindu", "Kasta dalam Hindu". Ida seda ring Denpasar ring tanggal 19 April 2023. +
I Komang Alit Juliartha utawi Alit Joule kémanten, embas ring Bekasi, 15 Juli 1991. Dané alumni saking program studi Pendidikan Bahasa Bali IHDN Dénpasar lan meneng ring Banjar Kubu, Kelurahan Kubu, Kabupatén Bangli. Kakawian-kakawiannyané marupa puisi, satua cutet, lan ésai kamuat ring surat kabar sakadi Bali Orti (Bali Post), lan Média Swari (Pos Bali). Cakepané sané sampun kawedar marupa pupulan satua cutet sané mamurda “Swécan Widhi” warsa 2015 lan ngamolihang hadiah Sastra Rancagé warsa 2016. Warsa 2016 dané ngamedalang cakepan marupa novél sané mamurda "Satyaning Ati". Dané taler prasida kahubungin ring émail: alitjoule@gmail.com. Kakawiannyané taler prasida kawacén ring blognyané alit joule +
Kahanan luu ring kabupaten provinsi Bali sabilang warsa sayan nincap, sekadi ring kabupaten Jembrana. Ring kabupaten Jembrana sayan nincap sesampun rahina Galungan lan Kuningan. Manut data dinas Lingkungan Hidup Jembrana, wenten 47 ton luu ka TPA Peh, Desa Kaliakah, Kabupaten Jembrana. Luu nyane nincap saking 57% ngantos 83% saking dina-dina sane lumrah, inggih punika wantah 30 ton kantos 35 ton nyabran dina.
Solusi sane kaanggen antuk ngirangin luu ulian manusa inggih punika :
Nyiagayang widya ngolah luu ring désa mautsaha nincapang pamahaman miwah kasadaran krama indik kawigunan pengelolaan luu sané becik miwah berkelanjutan. Nenten wantah antuk widya kemanten nanging taler antuk parilaksana pinaka imba majeng ring parajanane mangda prasida ngwangun pikayun ring parajanane. +
Dr. I Made Mahadi Sanatana, S.STP, MAP inggih punika birokrat sané ngamargiang tugas ring Badan Kepegawaian Daerah Provinsi Bali, sampun nyarengin pelatihan miwah sertifikasi manajemen SDM, pelatihan asesor kompetensi. Sané mangkin dados asesor sumber daya manusia ring UPT Assessment Centre Prov Bali. Makudang-kudang galah kadadosang narasumber ring pelatihan manajemen SDM miwah pengajar widang administrasi publik. Dané muputang pendidikan S3 ilmu ekonomi Universitas Udayana antuk konsentrasi ekonomi kelembagaan. Sertifikasi CHRM saking BNSP. +
I Made Mangku Pastika embas ring Seririt, Buleleng, 22 Juni 1951. Ida inggih punika politikus miwah purnawirawan polisi Indonésia. Ida dados anggota Déwan Perwakilan Daérah Républik Indonésia (DPD RI) sané ngewakilin Propinsi Bali saking warsa 2019. Sadurungnyané, dané dados Gubernur Bali kalih periode saking 2008 ngantos 2018. Dané lulus saking Akademi Kepolisian ring warsa 1974. Sané pinih untat dados Komisaris Jéndral Polisi. Dané taler naenin dados Kapolda Bali (2003-2005). +
“CenikJelih”punika kruna sane sandang kaanggen nguningayang dewek silih tunggil sisya SMP Negeri 1 Selemadeg sane mawit saking bongkol gunung. I Made Nanda Adi Saputera ketah kakaukin Nanda, embas ring Mendek, 8 Oktober 2004 saking SD Negeri 3 Wanagiri sane kawiaktianipun nenten ngeranjing ring zonasi SMP Negeri 1 Selemadeg. Sakewanten nenten surud manah ipunne ngulati Sang Hyang Aji majalaran antuk jalur prestasi.
Sisya kelas VIII B puniki seneng nyarengin organisasi. Ipun rumasuk pengurus OSIS masa bakti 2017-2018 taler wau kapikukuhang pinaka pengurus OSIS masabakti 2018-2019. Pinaka pengurus OSIS, Ipun jemet saha ten purun tempal ngamargiang swadharma. Sios ring punika, Nanda taler nyarengin ekstrakurikuler Nyastra Bali. Ipun taler madue hobi sepak bola miwah ngambar.
Pianak kaping kalih saking Ida Ayu Komang Yunika miwah I Wayan Merdana saking banjar Mendek, desa Wanagiri Kauh, kecamatan Selemadeg Tabanan puniki, dahat seneng mlajah nyastra pamekas nyurat aksara Bali. Manutipun, nyurat aksara Bali pinaka seni sane madasar antuk pangrasa. Hobi punika wantah otodidak saha kakantenang ngawit kantun ngranjing ring Sekolah Dasar. Daweg punika gurunipunne nyingakin sasuratanne sampun sakadi sasuratan sang wikan. Majalaran antuk punika, gurunipunne ngicen tuntunan sajeroning midabdabin pacentokan.
Indik prestasi sane naenin kapolihang, nenten sida kasumanangsayain. Saking SD sampun ngamolihang jayanti ring makudang-kudang pacentokan. Daweg ring sekolah dasar naenin dados Juara I pacentokan Nyurat Aksara Bali undagan Kecamatan Selemadeg warsa 2017 miwah juara I ring pacentokan Nyurat Aksara Bali undagan Kabupaten Tabanan sajeroning Posenijar warsa 2017. Saking prestasi-prestasi inucap kaangen jalaran ngruruh sekolah ring SMP Negeri 1 Selemadeg. Ring SMP, ipun ngawit mlajah nyurat aksara Bali ring lontar. Sangkaning teleb mlajah, sida taler ngamolihang juara, minakadi Juara 1 Nyurat Lontar undagan Kabupaten Tabanan ring Porsenijar warsa 2018, Juara 1 Nyurat Lontar undagan Kabupaten Tabanan sajeroning Balipost Goes to School warsa 2018, miwah pinaka duta Kabupaten Tabanan ring pacentokan Nyurat Lontar sajeroning Pesta Kesenian Bali (PKB) warsa 2018. Prestasi-prestasi inucap kapolihang sangkaning jemetipunne malajah lan ngidepang pitutur guru.
Sakadi sisya pradnyan sane tiosan, riwuse masekolah ring SMP, Nanda mamanah nglanturang pendidikan ring SMA Negeri 1 Tabanan. Ipun taler mamanah nglanturang kuliah ring perguruan tinggi unggulan sakadi Universitas Indonesia (UI) utawi Institut Teknologi Bandung (ITB). Sisya 14 tiban sane madue cita-cita dados pelukis puniki maosang, prestasi sane kapolihang nenten lempas saking motivasi makakalih rerama makamiwah gurunipunne. Ipun nuekang, soang-soang jadma madue hak malajah, nenten ngitungang sapasira, saking dija, miwah ring dija ipun masekolah. Cutetne, PENDIDIKAN ADALAH HAK, BERUSAHA ADALAH KEWAJIBAN.
I Madé Suartana utawi sané ketah kauningin Madé Suar-Timuhun ring kakawian-kakawiannyané embas ring Banjar Tengah, Timuhun, Klungkung, 17 Juni 1987. Dané ngawit nyurat sastra Bali modéren rikala kantun kuliah lan aktif nyurat warsa 2013. Puisinnyané ngawit kawedar ring Bali Orti (Bali Post) bulan April warsa 2013 lan warsa 2014 sampun kawedar ring Médiaswari (Pos Bali). Dados narawakia ring Ubud Writers and Reader Festival 2016.
Cakepan kapertama sane kamedalang inggih punika buku pupulan puisi Bali sane mamurda "Mlajah", kamedalang olih Pustaka Ekspresi warsa 2014. Warsa 2015 olih penerbit sane pateh, prasida ngmedalang cakepan kaping kalih marupa buku pupulan satua bawak sane mamurda "Book Jaen Idup di Bali", madaging plekutus (18) satua bawak (cerpen). +
I Made Sujaya wantah silih tunggil dosen tetap ring Prodi Pendidikan Bahasa Indonesia dan Daerah (PBID), Fakultas Pendidikan Bahasa dan Seni (FPBS), IKIP PGRI Bali. Pendidikan S1-nyane kapuputang ring Jurusan Sastra Indonesia, Fakultas Sastra Universitas Udayana, raris ngalanturang pendidikan ring S2 Magister Ilmu Linguistik, Konsentrasi Wacana Sastra, Program Pascasarjana Universitas Udayana. ngawit Agustus 2016 dane ngalanturang malih pendidikannyane ring S3 Program Studi Doktor Ilmu Linguistik, Konsentrasi Wacana Sastra, Fakultas Ilmu Budaya, Universitas Udayana.
Dane pernah nerbitang kakalih buku inggih punika, “Sepotong Nurani Kuta: Catatan Atas Sikap Warga Kuta dalam Tragedi 12 Oktober 2002” (warsa 2004) lan “Perkawinan Terlarang: Pantangan Berpoligami di Desa-Desa Bali Kuno” (warsa 2007). Sangkaning buku sane kaping kalih dane ngamolihang penghargaan “Widya Pataka” saking Gubernur Bali. ring warsa 2013 dane lan dosen Unud ngamijilang buku sane mamurda “Dinamika Bahasa Media Televisi, Internet lan Surat Kabar.
Tiosan ring ngamicayang ajah-ajah, dane taler pinaka wartawan miwah editor lepas ring harian Denpost sane mijil ring Denpasar daweg warsa 1999. Dane kasukserahang ngaremba lepihan Sastra lan Budaya ngawit warsa 2005 nyantos mangkin. Taler naenin dados koresponden tabloid pelajar Wiyata Mandala (1996-1999). Dane taler pernah dados kontributor The Jakarta Post samaliha sareng ngaremba lepihan mabasa Bali “Bali Orti” ring Balipost nyabran redite. Sane mangkin taler sareng ngaremba blog “balisaja.com” sane wantah maosang indik Bali +
Punika mawasta I Nengah Jati sane sering kapanggil Jati. Dane embas ring undisan bangli pinanggal kaping 5 bulan oktober 1990. Dane saking bangli nanging sane mangkin dane meneng ring ubud. Antuk pendidikan dane, dane lulusan ring SMK TP 45 Bangli wusan kenten ngelanturang S1 Bahasa Bali ring universitas hindu negri I Gusti Bagus Sugriwa. Antuk prestasi dane dados pemenang ring lomba menulis puisi Bali. Wusan tamat ring S1, dane mangkin mekarye dados penyuluh bahasa bali +
I Nyoman Suprapta embas 11 Novémber 1962. Dané sampun nyurat gaguritan duk warsa 2000, lan kantos mangkin sampun ngamedalang 219 judul geguritan. Sangkaning sutindih ring sastra Bali, dané polih Hadiah Sastera Rancagé warsa 2013 saking Yayasan Kebudayaan Rancagé, Bandung ring widang jasa. Anggara, 9 April 2019 sané sampun lintang. +
Nyoman Tusthi Éddy embas ring Dusun Pidpid Kecamatan Abang, Kabupatén Karangasem, Bali, duk tanggal 12 Désémber 1945. Dané masekolah ring Fakultas Keguruan lan Ilmu Pendidikan (FKIP) Singaraja lan tamat warsa 1969.
Lianan dados guru, dané taler nyurat puisi, cerita péndék, ésai, kritik, nganggén basa Bali wiadin Basa Indonésia. Sasuratan dané kawedar ring makudang-kudang surat kabar minakadi Bali Post, Kompas, Suara Karya, Horison, Basis, Warta Hindu Dhrama, Sarad, miwah sané lianan. Akéh ngamolihang penghargaan saking masesuratan sakadi polih piagam memajukan sastra Bali anyar saking Sabha Sastra Bali warsa 1999, piagam penatar sastra Bali modérn saking Dinas Pendidikan Karangasem warsa 2002, hadiah sastra Rancagé warsa 2004 antuk jasa, lan warsa 2009 malih ngamolihang hadiah sastra Rancagé antuk pupulan puisi Bali modérennyané sané mamurda “Somah (2008).”
Sejabaning punika, dané taler nerjemahang sastra Indonésia lan sastra Inggris nganggé basa Bali. Cakepan-cakepan dané sané sampun kawedar luiré:
Kenangan demi Kenangan (1981)
Puisi Seputar Dunia – Terjemahan (1984)
Sajak-sajak Timur Jauh dalam Terjemahan (1985)
Gumam Seputar Aprésiasi Sastra : Sejumlah Ésai dan Catatan (1985)
Perbandingan Kata dan Istilah bahasa Malaysia-Indonésia (1987)
Mengenal Sastra Bali Modérn (1991)
Kamus Istilah Sastra Indonésia (1991)
Wajah Tuhan: di Mata Penyair (1994)
Cerita Rakyat dari Bali 2 (1997)
Rerasan Sajeroning Désa (Pupulan Puisi Bali, 2000)
Duh Ratnayu: Tembang Kawi Mendamba Cinta (2001)
Tafsir Simbolik Cerita Bagus Diarsa (2002)
Ning Brahman (Pupulan Puisi Bali, 2002)
SungaiMu (2004)
Somah (Pupulan Puisi Bali, 2008)
Niki wantah silih sinunggil puisi kakawiannyané sané mamurda “Patapan I Kedis” sané kamuat ring cakepan pupulan puisi Bali anyar dané sané mamurda “Somah (2008)” +
I Putu Eka Prayoga,S.Pd.H.,M.Pd inggih punika guru pengajian ring SD Negeri 26 Pemecutan mawit saking warsa 2018 nyantos mangkin. Dané mawit saking Désa Pakraman Ubung, Kota Denpasar tur embas ring pinanggal 23 Maret 1994. Nunas ajah-ajaran tur prasida muputang S1 Pedidikan Agama Hindu ring IHDN Denpasar ngelantur muputang ajah-ajahan S2 Magister Pendidikan Agama Hindu ring Pascasarjana IHDN Denpasar. +
I Putu Gedé Raka Prama Putra utawi sané ketah kauningin antuk Tudékamatra ring kakawian-kakawian dané embas ring Gianyar, dina Anggara tanggal 18 Désémber 1990. Yadiastun kantun wimuda, nanging dané wantah silih sinunggil pangawi sané nindihin sastra Bali modéren.
Pangawi sané sampun tamat saking Fakultas Ékonomi Universitas Mahéndradatta puniki malajah ngripta daweg kantun masekolah ring SMAN 1 Blahbatuh. Kakawian-kakawiannyané naenin munggah ring Majalah Éksprési, Majalah Satua, Bali Orti (Bali Post), Bali Post, Pos Bali, Médiaswari (Pos Bali), lan Dénpost. Cakepannyané sané sampun kawedar inggih punika:
Padang Tuh (Puisi, 2013),
Belog (Pupulan Satua Cutet, 2014),
Ombak Raré Bali (Puisi, 2015).
Mangkin dané makarya dados wartawan ring Pos Bali lan dados rédaktur rubrik Gema Siswa ring Pos Bali. +
I Putu Sudiana mapungkusan Bonuz wantah perupa sané embas ring Nusa Penida, Klungkung, Bali, 30 Desember 1972. Duk kari alit sampun kadaut ring seni gegambaran. Rikala ring desanyané, dané ketah katunasin tulung ngambar dinding jukung bendegané. Sesampuné muputang SMP ring desanyané di Nusa, raris ngalanturang masekolah ring Sekolah Menengah Seni Rupa (SMSR) ring Batubulan, Bali. Ring warsa 1995, dane ngelanturang masekolah ring pendidikan seni rupa ring ISI Denpasar, ngantos tamat. Tiosan ring ngambar, dane taler makarya seni instalasi, main musik, miwah nyurat puisi. Bonus sampun akeh mamérang gambaran-gambarannyané sané madué gaya abstrak, inggih punika:
Solo exhibitions
2018 A Land to Remember. Santrian Gallery, Sanur Bali
2017 Tetabuhan-tatabumi, Bidadari Art Space. Mas,Ubud-Bali
1015 Because Life is Delicious at Kubu Art Space. Ubud.
2014 Magic Sound at Maya Galerry. Singapore.
2013 Be Happy, water color paintings at Sand Fine Art Gallery. Sanur-Bali.
2012 Harmony, at Rumah Seni Maestro Art Space. Sanur-Bali
2011 Inside of Bonuz at Tony Raka Gallery. Mas,Ubud-Bali
2011 Refleksi Nafas, at Hitam-Putih art Space. Sangeh-Bali.
2008 Pleading Life’s Tenacity at Kemang Village. Jakarta.
2006 Journey of the Soul at Relish Café and Pool. Jakarta.
2003 Esensi Abstrak at Art Centre Denpasar. Bali.
2003 Universal Spirit at Jenggala Keramik Jimbaran. Bali.
2000 Melintas Batas at Merah-Putih Forum. Denpasar Bali.
Selected Group exhibitions
2018 NU-Abstract at Langgeng Art Foundation, Jogjakarta
2018 B to B #2, Komaneka Gallery, Ubud Bali
2018 at Gedung DPR/MPR RI, Kemayoran Jakarta
2017 ColourFul at Hadiprana Gallery, Jakarta.
2017 AtUH Art the Universal Habit by Militant Arts, Santrian Gallery Sanur Bali
2017 B to B at Raos Gallery, Kota Batu. Malang.
2017 The grand opening VIP Fine Arts, Jakarta.
2016 Ubud Writer Bali
2016 Militant for Happiness at CLC. Krobokan Bali
2015 Violent Bali atTonyraka Gallery. Mas-Ubud Bali
2015 SoulScape in Progress at Bentara Budaya Bali
2015 Ulu Teben Militant Arts at Bentara Budaya Bali.
2015 Sama-sama. Indonesia, Malaysia, Philipina at Bentara Budaya Bali.
2014 Rel(ART)ionship at Sangkring Art Space. Jogjakarta.
2014 Malaysia Contenporary Art Tourism at Kuala Lumpur, Malaysia.
2014 Tandur: Menyemai diri at Bentara Budaya Bali.
2013 Encore at Maya Gallery. Singapore.
2013 ASIA Contemporary Art Fair at Luxe Art Musium. Singapore.
2013 Golden Harvest at Hadiprana Gallery. Jakarta
2012 An Artistic Journey at Sudamala art space. Sanur-Bali.
2012 Dialogue II at Gaya art space with G-13 Gallery. Sayan-Ubud, Bali
2012 The Journey of Gallery Hadiprana. Jakarta.
2011 Dialogue I at G-13 Gallery. Kuala Lumpur,Malaysia
2010 Return of the Abstraction atTony Raka Gallery. Mas-Ubud, Bali.
2010 Gerakan Abstrak Indonesia atTaman Budaya Yogyakarta.
2010 Behind the funny make-up at Hadiprana Gallery. Jakarta.
Awards
1999 Semi Final of The Philip Morris Art Award VI From YSRI ,
Jakarta
1995, 1997, 1998 The Best Artwork from Kamasra, STSI Denpasar.
I Putu Sukreta Suranta embas ring Klungkung, 11 April 1938. Dané inggih punika prawira tinggi angkatan darat saking Bali miwah pejabat pemerintah. Ida dados silih tunggil tokoh organisasi Parisada Hindu Dharma Indonésia miwah Paguyuban Ngesti Tunggal. Sasampun lulus SMA, dané ngranjing ring Akademi Militer Nasional Magelang. Sasampuné lulus, dané kadadosang letnan kaping kalih ring warsa 1961.
Selami karirnyané ring militer, dané ngamolihang makudang-kudang posisi strategis sakadi Wakil Komandan Kontingen Garuda VII miwah Asisten Operasi Kepala Staf Kodam Jaya. Ida ngamolihang pangkat brigadir jenderal sawatara warsa 1986 miwah dados Wakil Asisten Operasi Kepala Staf Angkatan Darat. Ida kadadosang mayor jenderal sawatara kalih warsa salanturnyané miwah dados Asisten Operasi Kepala Staf Angkatan Darat ring 17 Maret 1988. Ida raris kadadosang Komandan Sekolah Staf miwah Komando ABRI ring 21 Oktober 1989. Ida kagentosin ring tanggal 16 April 1993 miwah pensiun saking militer makudang sasih salanturnyané.
Sasampun pensiun saking militer, ida kadadosang Inspektur Jenderal Departemen Pertahanan Keamanan ring 24 April 1993.] Ida kadadosang inspektur jenderal departemen punika nénten ketah, santukan jabatan puniki katahnyané kajudi olih perwira militer sané aktif bintang tiga. Ri sampuné pensiun saking militer, pamréntah mutusang ngangkat dané dados letnan jenderal honorér ring tanggal 1 Séptémber 1997. Ida kagentosin olih Farid Zainuddin ring warsa 1998.
Ida raris kaangkat olih Présidén BJ Habibie dados anggota Dewan Pertimbangan Agung (DPA) ring 13 Juni 1998 miwah dados Wakil Ketua Komisi Kesejahteraan Rakyat ring DPA.
Dané kapilih dados Ketua Harian Parisada Hindu Dharma Indonesia (PHDI) ring Mahasabha PHDI ka-7 sané kalaksanayang ring bulan Séptémber 1996. Sadurungnyané, saking warsa 1992, dané sampun ngawakilin PHDI ring MPR. Dané taler dados penasehat Himpunan Pemuda Hindu Indonésia miwah Prajaniti Hindu Indonésia. Lianan ring punika, dané taler naenin dados anggota organisasi spiritual Paguyuban Ngesti Tunggal (Pangestu).
Ida séda ring Jakarta Selatan ring rahina Redité, 16 Séptémber 2022 tur kapendem ring Taman Makam Pahlawan (TMP) Kalibata, Jakarta Selatan.
I Putu Supartika (embas ring Selumbung, Manggis, Karangasem, 16 Juni 1994; yusa 27) inggih punika silih tunggil pangawi Basa Bali. Dané tamat saking SMA Negeri 1 Manggis ring warsa 2012, lantas nglanturang kuliah ring Univérsitas Pendidikan Ganesha, Singaraja tur ngambil Jurusan Pendidikan Matematika. Yadiastun ngranjing ring jurusan matematika, I Putu Supartika makéh nyobyahang karya sastra Bali modérn minakadi cerpén miwah puisi. Dané ngawit malajah nyurat ri kala kantun SMA saking ngwacén carita utawi puisi sané wénten ring internét.[1] Okan sulung saking pasangan I Wayan Kerti dan Ni Luh Suweca.[2] Ipun masih menang Penghargaan Sastra Rancage di bidang jasa ring warsa 2017.
https://ban.wikipedia.org/wiki/I_Putu_Supartika +
