Aplikasi PASAR AMBARALAYA
- Title
- Aplikasi PASAR AMBARALAYA
- Affiliation
- SMA Negeri 2 Abiansemal
- Regency/City
- -
- Author(s)
- Category
- High School
- Year
- Photo Credit/Source
- Video Credit/Source
- School/Org (if applicable)
- Location
In English
In Balinese
Suksma aturang titiang majeng ring pangenter acara antuk galah sane sampun kapaica ring pasikian titiang
Sane wangiang titiang angga parwataka sane sampun prasida ngelaksanayang acara sane becik sekadi mangkin
Bapak miwah ibu calon Dewan Perwakilan Daerah Dapil Provinsi Bali sane banget kusumayang titiang Taler para pamilet wimbakara orasi utawi pidarta sane banget tresnasihin titiang
Ring galah sane becik sekadi mangkin lugrayang titiang jagi nyihnahang angga titiang mawasta I Wayan Adi Arta Putra pinaka silih tunggil duta saking SMAN 2 Abiansemal. Sedurung nyane lugrayang titiang ngaturang rasa angayubagia miwah suksmaning mana majeng ring Ida Sang Hyang Widhi Wasa riantukan sangkaning asungkarta waranugraha Ida titiang ping kalih ida dane sareng sami prasida mapupul iriki jagi ngamiletin wimbakara orasi utami lumbrahnyane pidarta basa bali ring rahina sane becik sekadi mangkin. Munggguin asapunika orasi utawi pidarta basa bali sane jagi aturan titiang mamurda PASAR AMBARALAYA
Inggih ida dane sareng sami Ring galah sane mangkin titiang jadi ngaturang orasi sane madue bantang inggih punika peningkatan ekonomi miwah UMKM Bali ring masa digitalisasi sane mangkin malarapan antuk aplikasi PASAR AMBARALAYA dumogi aplikasi puniki prasida dados tetimbang para nayakapraja taler prasida kalaksanayang ring bali. Bali pinaka pulo sane alit nanging madue akeh sane kawastanin sumber daya alam miwah budaya sane adi luhung, antuk punika bali taler kabaos pulo dewata, pulo seribu pura, pulo budaya. Sane mangkin bali kebaos taler pulo pariwisata, riantukan manut CCN Indonesia maosang yening ring bulan juli 2023 wenten 3,1 yuta wisatawan saking dura negara sane rauh ke bali, Badan Pusat Statistik malih negasan wenten 46,72 wisatawan dura negara sane rauh ke bali, miwah bali wenten ring peringkat kapertama ring Indonesia pinaka daerah tujuan wisata dunia. Kewantanan pariwisata ring bali akeh ngemolihang pikenoh minakadi akeh parajanane ngamolihang pekaryan, akeh kewangun hotel, restoran, miwah genah-genah obyek pariwisata, taler sane pilih utama pariwisata ngardinin ekonomi ring bali dados becik miwah landuh.
Yening inargamayan titiang pariwisata lan ekonomi sekadi nyepeg yehe tuara ngidang pegat, nenten presida kapalasin, yening nenten wenten pariwisata, ekonomi ring bali tambis-tambis sayan ical, pinaka conto ritatkala wenten gering agung covid-19 ring bali, akeh pisan sene keni pikobet sekadi ekonomi taler pariwisata, manut databoks maosang yening ring masa gering agung covid 19 wenten 46,67 sane dados pengangguran, utawi akeh sane ke PHK. Riantukan sekadi punika mawinan parajana sane keni PHK maadolan, sekadi ngadol ajengan ring pasar, madolan tisu ring sisin margi, maadolan sarwa papayasan utawi skincare nenten je punika kamanten akeh parajanane sane maadolan ring e-coommerce taler ngangge kamajuan teknologi sekadi mangkin, sekadi aplikasi-aplikasi online shop.
Kawentenan e-coommerce sekadi mangkin taler ngemetuang akeh pikobet sane sampun lintang, sekadi UMKM ring Indonesia taler ring Bali merana jerih, sangkaning kawentenan oknum-oknum sane maadolan ring e-coommerce nenten ngangge sane kawastanin harga pasar, ipun maadolan mudah-mudah pisan, nenten ngangge harga pasar sinah ngawasanayang UMKM ring indonsia lan bali sepi bilih-bilih prasida bangkrut. Pinaka conto semeton titiang, dumun ipun ngadol sarwa papayasan utawi kebaos skincare ring e-coommerce miwah ring toko, ipun maadolan lais pisan, nanging sangkaning kawentenan e-commerce taler para oknum-oknum saking dura pulo utawi dura negara sane maadolan pada mudah-mudah sane nenten nginutin harga pasar, sekadi punika ngawianan ipun bangkrut. Sane mangkin ipun dados pengangguran utawi nenten medue pakaryan, punika wawu tuah asiki conto ida dane. Ngiring mangkin cingakin, ring wewidangan Bali puniki kari akeh pisan pikobet sakadi punika sane kapanggihin. Napike para nayakapraja nenten wenten urati ring pikobet punika?
Ring rahina sane becik puniki titiang jagi nguningayang siki solusi mangda UMKM ring bali prasida dados UMKM Bali Bangkit. Titiang nentan ngelarang kawentanan e-commerce ring bali, sujatin nyane e-coommerce puniki prasida ngawianan UMKM ring bali kaloktah ring manca negara, taler prasida nyalanang pituduh guru wisese inggih punika Ekonomi Kreatif . nanging sane ngawinan e-coommerce rusak nanten tios oknum-oknum sane maadolan nenten ngangge harga pasar. Aplikasi puniki kawastanin PASAR AMBARALAYA.
Pasar ambaralaya medue kelebihan dari pada e-coommerce yang sudah ada inggih punika :
1. Kepertama, aplikasi Pasar Ambaralaya puniki khusus kaangge maadolan oleh krama bali kawanten, nanten dados anak saking dura pulo maadolan ring e-coommerce puniki. Nanging anak saking dura negara miwah saking dura negara dados matumbasan ring e-coommerce puniki. Napi mawinan titiang nenten nadosan anak saking dura negara miwah dura pulo nenten dados maadolan ring aplikasi Pasar Ambaralaya? sangkaning sane mangkin akeh anak sane saking dura negara miwah dura pulo sane ngusak-asik harga pasar sekadi conto titiang ring ajeng.
2. Kaping kalih, aplikasi puniki nenten je dados genah maadolan kamanten, nanging aplikasi puniki prasida genah promosi UMKM ring bali, sekadi mekarya video miwah live utawi siaran langsung 3. Kaping tiga, ring aplikasi puniki wenten fitur sane kewastanin wates harga pasar, anake sane maadolan irika nenten dados maadolan kirang saking harga sane sampun kesumayubin.
4. Kaping pat, ring aplikasi puniki ngangge tiga Bahasa inggih punika Bahasa inggris, Bahasa Indonesia taler ngangge Bahasa bali pinaka cihna ngelastariang budaya bali. Sekadi web basa bali wiki puniki.
5. Kaping lima, Aplikasi puniki nenten ngadol kebutuhan rumah tangga kemanten, nanging aplikasi puniki prasida taler ngadol serana upakara sekadi tamas, ceper, bokoran, dulang, miwah prasida ngadol serwa bebantenan. Punapi mawinan titiang ngadadosin parajanane ngadol sarana upakara miwah banten ring aplikasi Pasar Ambaralaya? santukan ring e-coommerce lianan cingak titiang nenten wenten sane ngadolan serana upakara sane lengkap. Ring aplikasi puniki mangda UMKM sane madol serana upakara dados siki.
6. Kaping enem ring aplikai puniki wenten fitur .. fitur puniki pateh sekadi kurir lianan, nanging maka sami kurir punika nenten parajana saking dura pulo nanging krama bali kemanten. Rinantukan manut data saking bali.bps.go.id ring warsa 2023 wenten 72.421 krama sane nenten madue pakaryan, malarapan aplikasi puniki krama sane nenten madue prakaryan mangda prasida dados kurir ring aplikasi puniki. Sinah akidik wenen penganguran ring Bali.
Punika mawinan titiang banget mapinunas majeng ring guru wisese utawi sang nayakapraja mangda prasida dadosan UMKM bali kreatif, silih tunggil utsaha sane prasida kelaksanayang inggih punika ngewangun aplikasi PASAR AMBARALAYA, nenten je genah maadolan kemanten, aplikasi punika kaaptiang prasida nuunan tingkat pengangguran ring bali. Titiang banget mapinunas majeng ring sang nayakapraja mangda prasida nangingin pikayun titiang puniki.
Inggih, sane mangkin lugrayang titiang janggi ngaturan pamicutet orasi utawi pidarta ring rainane mangkin. Bali pinaka pulo sane alit bali taler kabaos pulo budaya, pulo dewata miwah pilo pariwisata. Pariwisata lan ekonomi ring bali sampun dados siki, nenten prasida kapalasin. Kawentenan e-coommerce sekadi mangkin sane maadolan mudah-mudah nenten ngangge harga pasar. iddik puniika akeh pisan makta pikobet ring krama bali. Antuk punika titiang madue asiki solusi inggih punika Aplikasi PASAR AMBARALAYA. aplikasi puniki prasida dados genah maadolan, nenten wantah genah maadolan kemantan aplikasi puniki prasida nuunan tingkat pengangguan ring bali. Punika mawinan titiang banget mapinunas mangda prasida nangingan pikayun titiang.
Inggih ida dane sane wangiang titiang, wantah sekadi asapunika sane prasida aturang titiang ring galah sane becik puniki.
Sang bima mentang gada Barong bangkung ke mangupura Titiang jadma kalintang wimuda Kiranglangkung nunas pengampura Pinaka wasananing atur puputan titiang antuk pramasanthi Om Santhi, Santhi, Santhi Om
Enable comment auto-refresher