URATI LUU NGULATI BALI ASRI
Om suastiastu, Matur suksma antuk galah sane katiba ring pasikian titiang , Angga panureksa sane wangiang titiang , ida dane sareng sami sane kusumayang titiang , punika taler ring pamilet pacentokan ORASI BASA BALI sane banget tresnasihin titiang. Angayubagia atur titiang majeng ring ida sanghyang widhi wasa antuk asung kerta waranugraha ida , titiang sareng ida dane sareng sami jagi pacang kacunduk ring galahe sane becik puniki . Sadurung titiang nglantur, nunas galah titiang nyinahang angga , wastan titiang Ni Wayan Fitri saking SMA NEGERI 1 NUSA PENIDA . Ida dane sane wangiang titiang , ring galahe sane becik sakadi mangkin titiang pacang ngaturang orasi indik URATI LUU NGULATI BALI ASRI . Bali pinaka pulau sane keasrian jagate sampun kaloktah ring mancanegara , kusus nyane nusa penida pinaka pulau sane magenah ring bali sane maderbe TELUR EMAS PULAU BALI panglimbak pariwisata ring nusa penida puniki ngawinang pulau nusa penidane kasub ka mancanegara tur dados pulau luu.
Ida dane sane wangiang titiang , luu sane kapolihang olih panglimbak pariwiwata punika sepatutnyane irage juangin utawi kutangin ,napi ngawinan? Yening luu punika nenten ka kuangin , Bali nenten patut kawastanin antuk pulau asri, pulau sane kedas , Nusa penida nenten patut kawastanin TELUR EMAS PULAU BALI , antuk punika sepatutnyane pemerintah mapaica urati ring pikobet luu punika, antuk ngicenin awig awig lan fasilitas ring krama bali samian miwah wisatawan local miwah domestic antuk stata nyaga kebersihan mangda Bali stata asri tur kedas .
Ida dane sane wangiang titiang, ngiring iraga sareng sami ngwangun Bali dados pulau sane bebas saking luu ,kedas , tur asri . Antuk punika ngiring tincapang rasa tresna tekening bali , sampunang nyantosang pemerintah malaksana , iraga krama bali lan para yowana bali sane pacing dados penerus bali sane jagi rauh tetep patut eling ring kebersihan jagat baline , antuk nenten ngutang luu tan pakrimik .
Ida dane sane wangiang titiang , wantah sekadi asapunika sane prasida atur titiang ring galahe puniki ,matur suksma antuk uratian ida dane sareng sami , yening wenten bebaosan titiang sane nenten patut , titiang nunas pengampura , inggih puputan titiang antuk parama santhi
Om Santhi Santhi Santhi Om .
Enable comment auto-refresher