Bapak Ibu Guru sane dahat wangiang titiang
Pare uleman sami, utamane ring semeton titiang para sisya kelas sebelas SMA Negeri 1 Gianyar make sami sane dahat tresna siihin titiang.
Sedurunge titing ngalanturang pamidarta puniki, ngiring sareng sami nunas ice ring Ida Sang Hyang Widhi Wasa, Ida sasuhunan sane malingga malinggih driki antuk asung kerta wara nugraha Ida iraga sareng sami praside mapupul iriki dalam keadaan sehat walafiat ten kirang punape punapi antuk nguncarang panganjali umat Om Suastiastu
Matur Suksma antuk galah sane sampun kapice ring titiang, titiang Gung Mahendra Putra saking kelas XI D2 jagi midartayang indik napi pikobet sane unteng pisan utawi sane pinih mabuat pisan sane patut kauratiang antuk pemimpin Bali sane jagi rauh.
Pare uleman lan semeton sami sane wangiang titiang
Bali sampun kauningin sareng sami wantah genah pariwisata sane sampun kaloktah ring Indonesia miwah dura negara antuk genah, wargi lan parikrama budaya lan upacara sane tetep ajeg lan lestari. Sakewanten nenten sami warga Baline sane praside ngerasayang napi pikenoh saking kemajuan pariwisatane. Wenten taler wargi sane lacur utawi kirang mampu, sane durung polih kekaryan utawi nganggur, sane pendidikane kirang, Kesehatan, jalan lan wewangunan utawi infrastruktur sane katah rusak lan pikobet sane tiyosan. Puapi carane mangde iraga sareng sami patut nyelehin lan ngaturang pemargi mangde pikobet punika praside ical ingih punika lewat PILKADA.
PILKADA utawi pemilihan umum kepala daerah inggih punika sarana kedaulatan rakyat dimana rakyat milih pare pemimpinne secara langsung. Lewat PILKADA iraga taler dados masuara utawi menyampaikan aspirasi secara langsung. Nah.. ring PILKADA Bali sane jagi rauh, ngiring sareng sami, iraga pinaka krama sane sampun dados memilih tur sane maduwe pikenoh ring pawangunan wewidangan puniki, patut mapineh sareng-sareng indik pikobet-pikobet sane pinih mabuat sane patut kauratiang olih pemimpin Bali sane jagi rauh, minekadi Pendidikan, Kesehatan, pengangguran, instrastruktur lan sane tiyosan.
Bapak Ibu Guru, pare uleman lan semeton sami sane wangiang titiang
Ring galah becik puniki, titiang nunas ring sape sire je sane dados pamimpin Bali terpilih sane jagi rauh, mangda praside muputang pikobet puniki. Ngiring sareng-sareng ngawangun Bali sane luwih maju.
Akadi punike sane praside atur uningayang titiang, dumogi wenten pikenoh ipun. Titiang nenten lali nunas geng rene sinampura minekadi wenten tate titi paribasa titiang sane iwang lan nenten manut ring adnyane. Ngiring sane ten becik kutang driki sane becik-becik dados bakte budal. Suksma
Puputang titiang antuk parama santih Om Santih, Santih, Santih, Om
Enable comment auto-refresher