In English
In Balinese
Gianyar inggih punika silih sinunggil kabupaten sane wenten ring pulo Bali. Gianyar kaloktah nyantos ring dura sangkaning keseniannyane. Nika mawinan Gianyar kaloktah nyantos ring dura negara ngantos mangkin. Gianyar akeh pesan madue adat miwah istiadatnyane. Minakadi, kesenian, tradisi, lan sane liananan. Sakawanten sane ngaenang mahan sebet sangkaning kabecikan Gianyar puniki. ring silih sinunggil genah-genah sane nenten wenten sane ngurusang sane ngeranayang genah punika romon nenten becik kapanggihin. Akehnyane wenten luhu ring margi utawi genah-genah tiyosan utawi tempat umum. Uling alit iraga sampun malajah ring puri suang-suang yening ngutang luhu, kutang ring genah luhu utawi temat sampah. Nyantos mangkin kari akeh anake sane ngutang luhu ngawag-ngawag. Yening orahang sube je aluh sakewanten yening laksanayang keweh pisan. Napi mawinan? Ritatkala irage lakar ngentungin luhu, nanging neten nepukin tongos luhu, aluh sajan liman irage ngawag ngentungan luhu punika, irage tusing mikir yening ngutang luhu ngawag-ngawag napi pikobetnyane. Akeh kari manggihin anake ngentungang luhu ring jlinjingane apang aluhang apang paekan. Wenten masih anake sane ngentungang luhu ring paumahan sane nenten wenten sane nongosin utawi umah kosong. Yening sesai kekene sinah kota Gianyar lakar panggihine ulian romon. TPA Tempat Pembuangan Akhir , inggih punika tongos ngentungan luhu ane paling akhir, ring genah punika sinah sami luhune mapunduh dados siki, matumpuk-tumpuk nyantos cara gunung. Akeh pesan mobil-mobil sampah ane teke sewaine, kanti para buruhnyane keweh. Yening terus kene luhu-luhu punika lakar dados pikobet.Yening sekadi tityang, tityang madue pamargi sane becik utawi solusi, inggih punika ;
1. Ngenahang tongos luhu utawi tong sampah ring tongos-tongos sane akeh pengunjung, sakadi halte bis, peken, pasih miwah tongo-tongos sane tiyosan. 2. Ngelaksanayang program, milah luhu ring desa utawi banjar. Ring program niki sabilang umah sapatutnyane ngemilah sane encen sampah organik sane encen sampah an-norganik. Sampah an-organik sane dados ka daur ulang dados nika abe ke tongos daur ulang, miwah sampah organik, nika dados kaolah ados rabuk olih suang-suang desa pakraman. 3. Nyobiahang ring para sisya sami ring sekolah antuk ngabe tongos ngajeng miwah nginum sakeng jumah. 4. Nyalanang 3R, inggih punika Reuse Reduce Recycle, reuse inngih punika nganggen barang utawi luhu sane dados kaanggen malih. reduce inggih punika ngirangin luhu sane sekali pakai utawi limbah, miwah recycle inggih punika luhu sane dados kadaur ulang. 5. Ngalaksanayang karesikan palemahan sareng para yowana miwah para sisya ring sekolah sarahina. Ngalaksanayang karesikan punika ring genah-genah umum minakadi ring segara, tempat rekreasi sane tiosan. Mangda sakancaning genah-genah punika setata resik tur asri
Inggih kadi punika pemargi sane prasida aturang tityang antuk pikobet puniki. Sekancan pemargi puniki nenten prasida mamargi antar yening nenten wenten kesadaran ring dewek soang-soang. Yening nenten iraga, Sira malih sane lakar ngejaga lingkungan puniki?. Lingkungan sane kedas inggih punika lingkungan sane sehat
Enable comment auto-refresher