In Balinese: Panglimbak guminè jani
Suba tusing kena baan ngorang
Mara seger ajak ngorta
Akijapan bisa suba kena penyakit
Mirib enè cihna gumi kaliuga
Neked pamineh tusing dadi tepasin
Timpalè ada maan kenè
Ada maan keto
To konè bakat kenehang
To konè iriang
Yen mirib suba pantes
Do buin ento omonganga
Yèn mirib tusing pantes kangguang paesè gelekang
Do makeneh anè boya-boya
Yèn ngelah ja karang awak
Kangguang ento tandurin
Nuju sanjanè teka
Ditu laku masliahan
Anak rtanè suba ngemang paplajahan
Baang malu beburonè tis pules
Baang malu tentanduranè melah maangkian
Apang joh teken manusanè
Ané ngelah pamineh
Krikil lalab bisa dadi nasi
In English:
In Indonesian:
