Samprayana Anak Istri Bali Yening selehin saking pamargi aab jaman punika, anak istri Bali sampun ketah madua semangat utawi etos kerja sane cager pisan. Anak istri Bali lianan pinake ibu rumah tangga taler wenten sane ngambil perkaryan. Kawentenane punika sampun memargi ngantos mangkin. Ring aab zaman sakadi mangkin kawentenang kahuripan punika sampun sayan kompleks punika taler ring kawentena para anak isrine. Sane mangkin ring tepengan jagat mangkin patut anak istri punika madue wiweka sane pacang kadadosang tameng ritatkala pacang terjun ring dunia kerja utawi ring masyarakat. Tapi mawanan asapunika, riantukan ring yuga puniki rumasa sukeh pisan pacang percaya ring anak tiosan. Kesetiaan lan kejujuran punika waluya sakadi barang mahal ring aab jagate mangkin. Punika mawinan irage patut nenten elah pacang ngugu ucapan anak tur informasi sane irage pikolihang. Sapunapi ke memargine mangda irage utamanya anak istri nenten keni uluk-uluk utawi informasi sane iwang. Punika ngiring irage sareng sami patut pikayunin. Yening sane sampun ketah kabawosang inggih punika mangda prasida anak istri madue Pendidikan lan keterampilan sane pinaka bekel ritatkala ngeranjing ring masyarakat. Kawentenane punika wantah patut pisan sakewanten yadiastun sampun mabekel sapunika, kantut taler pikobet disinformasi wenten ring kauripan. Manut sakadi ring kakawin Ramayana irika katartayang wantah sapunapi je anak istri punika pastika pacang kakawonan antuk daya wiweka. Punika mawinan anak istri patut rumasa pelapan pisan ritatkala pacang nerima informasi mangda nenten wenten salah penampen. Ring teks kesusastraan Bali wenten punika sasuluh sane prasida pacang kaanggen ring sajeroning nepasin disinformasi punika. Manut sakadi ring teks Wraspatti Tattwa irika kabawosang indik sapunapi pemargi sane prasida kaangen ngeruruh kaweruhan sane patut. Irika kabawosang wenten tetiga pamargi inggih punika Pratyaksa, Anumana lan Agama. Pratyaksa inggih punika tetikas pacang nguningin tur ngeyakini kawentenan antuk mengamati langsung terhadap sesuatu objek, mangda nenten wenten malih sane dados karaguan ring sajeroning angga. Anumana punika tetikas utawi sepat siku-siku pacang nguningin tur ngeyakinin kawentenan antuk nganggen perhitungan logis manut tanda-tanda utawi pralambang sane prasida kacingakin, Saking pralambang punika raris kaambil kacutetan. Sane kaping untat wenten Agama pramana inggih punika sepat siku-siku utawi tetikas sane kaanggen nguningin tur ngeyakinin kawentenan sane manut ring daging sasuluh agama. Sasuluh sastra punika mabuat pisan pacang kaanggen nepasin ring sajeroning kawentenan disiformasi. Pinaka anak istri patut ngemargiang sakadi sasuluh ring ajeng mangda prasida kawastanin anak istri sane Samprayana inggih punika anak istri sane pradnyan tur mawiweka.
Enable comment auto-refresher