Inggih para pamarsa sareng sami sane wangiang titiang, pamekas para yowana, lan krama Bali sane tresna sihin titiang. Sadurung titiang nglantur matur amatra, pinih riin ngiring sareng sami ngastiti bhakti ring da Sang Hyang Widhi Wasa, malalarapan antuk panganjali umat, Om Swastyastu . Mogi-mogi sangkaning pasuecan, lan asung kertha waranugraha Ida Sang Hyang Widhi Wasa, prasida ngamangghin karahayuan.
Ring galah sane becik puniki, ritatkala nyarengin acara Wikithon Bali Berorasi puniki, lugrayang titiang matur amatra, marupa orasi sane mamurda Stunting Pinaka Kapiameng Masa Depan Bali .
Krama Bali sane banget wangiang titiang, Generasi muda punika generasi penerus wangsa sane jagi nglanturang, nagingin, lan ngawewehin pekembangan, saha ngawangun Bali nyujur Bali Era Baru . Sakewanten wenten kapiameng sane mabuat nibenin sane mawasta Stunting. Stunting punika gangguan pertumbuhan lan perkembangan anak alit sane kekirangan gizi ring yusan anak alite punika 1.000 rahina. Stunting puniki madue praciri endepan ring anak alit sane pertumbuhane normal. Boya nika kewanten, wenten malih ring perkembangan otak, raga fisik anak alit gelis keni pinyungkan gelis keni gering . Anak alit sane Stuting kapiameng taler ring bergaul, emosi, lan berpikir makeneh. Manut UNICEF, anak alit sane Stunting biasane madue kewikanan enduk belog bandingang ring anak alit sane nenten keni Stunting.
Majanten pikobet Stunting puniki, mangda digelis kacumawis olih sang angawa Rat utawi guru wisesa, utamanya manggala Provinsi Bali sane jagi kasiniwi ring warsa 2024. Yening puniki nenten kauratiang saking guru wisesa, pangapti nyujur Bali Era Baru wantah dadaos impian, nenten prasida kaapti santukan nenten prasida ngawangun generasi muda sane madue pikayun sane kritis wikan , sane jagi aggen pemimpin utawi manggala ring Provinsi Bali pungkuran.
Pamiarsa sami sane wangiang titiang, Sapasira ja sane kasudi dados manggala praja ring Bali ring warsa 2024 jagi rauh puniki, mangda sayuwakiti uratiang pisan indik pinyungkan sane kawetuang olih Stunting puniki. Sane anggen nepasin indike puniki, manggala praja mangda madue program sane mrasidayang nedunang pinungkan Stunting ring Bali. Wenten sane prasida kamargiang, inggih punika, ngwangun infrastruktur toya inum, ngamargiang program Pemberian Makanan Tabahan PTM ring anak alit lan ibu sane mobot anggen nyangkepin gizi ring anggane, nureksaian tumbuh kembang balita, ngicen vaksinasi ring anak alit anggen nawengin virus sane prasida ngawengin perkembangan anak.
Pamiarsa sareng sami, Generasi muda pinaka senjata anggen nyujur Bali Era Baru . Ngiring sareng sami, urati ring baya sane kawetuang olih Stunting, sane ngawinang ngalangin menghambat perkembangan pulau Dewata puniki. Sareng Generasi Muda, nuju Bali Era Baru. Inggih wantah asapunika titiang prasida matur ring galah rahina mangkin. Manawi wenten anggah-ungguhing Basa basita titiang sane nenten manut ring arsa, mangda ledang ngaksamayang. Klungkung semarapura, kirang langkung titiang nunas pangampura. Puputang titiang antuk Parama Santih.
Om Santih Santih Santih Om
Enable comment auto-refresher