Gong Kebyar manados silih tunggil seni waris sane embas ring Buleleng. Manut ring sastra, gong kebyar punika riin katemuin duk abad XX sawetaran warsa 1915 ring desa Jagaraga. Gong kebyar punika manados barungan gegambelan Bali sane panglimbakyane madasar ring gonn antuk instrumen terompong. Mawit ring indik punika, Gong Kebyar selanturnyane ketah kebaosang barungan gamelan gong sane pinih ngutamayang kekompakan suara, dinamika, melodi lan tempo. Sesolahan gong kebyar ketah katemuing Bali. Nanging wau niki, daweg aca Hut Kota Singaraja sane ka ping-420, wenten pikobet sane viral ring krama Buleleng utaman ipun ring para seniman Buleleng. nika taler polih uratian ring krama, seniman miwah pemerintah kabupaten Buleleng. Napi ngawinang gong kebyar tedun?, krana wenten kalih peristiwa langka. Sane kapertama gong kebyar sane tedun punika pacang ka solahang olih para seniman senior pinaka penglingsir seni budaya nika sane kawastanin gong kebyar legendaris, punika ngawinang akeh para seniman saking dura kabupaten melilacita ka Buleleng jagi miarsayang sesolahan punika. Sane kaping kalih gong kebyar sane sampun sayaga mesolah nenten prasida kasolahang, indik punika sane ngawinang para seniman tedun ring panggung pinaka genah masolah. Sekaa gong Eka Wakya lan sekaa gong legendaris jaya kusuma punika wastannyane, para seniman sane nyarengin sesolahan gong kebyar sane katedunang puniki rumasa pedih lan kuciwa krana ngarasayang nenten kaajinin. Wenten makudang-kudang isu sane maendahan ring media sosial pinaka jalaran ta a tradisional rasayang titiang wantah kaanggap seni formalitas kemanten. Nanging napike samian niki patut?. Yening titiang uratiang miwah selehin malih, jalaran pinih utama sane nasarin ngawinang unduk sekadi puniki, inggih punika kirang nyane kordinasi lan menejemen dudonan acara daweg acara penutipan punika. Nah naping para yowana pinaka warih seni lan budaya Bali, sampun sepatutnyane iraga sareng-sareng nyuluhin raga, nincapang malih keterampilan berkoordinasi mangda nenten miss komunikasi. Majeng ring pemerintah sampun sepatutnyane ngicenin pewarah-warah majeng ring seniman-seniman mangda nenten indik niki sane ngawinang para seniman salah tampi tur nenten prasida malih masolah, taler prasida ngicenin enerasi muda ritatkala pacang nyolahang utawi ngaryanin pikaryan sekadi puniki mangda pasida mamargi antar. Budaya lan kesenian Bali pinaka warih patkicalang ulian wenten budaya-budaya modern sekadi mangkin, lan sane pinih becik seni tradisional prasida berkolaborasi tekening seni modern. Budaya Bali ajeg tur lestari.
Enable comment auto-refresher