Ngarahayuang kramane napi ngarahayuang padewekan padidi?
Ring aab jaman sakadi mangkin pemerintahe wantah ngicen informasi sane pinih becik mangda kramane prasida rahayu tur ngwantu kramane mangda nenten maduwe pakewuh. Nanging mangkin akeh para pejabat sane korupsi tur nenten malih ngenehang kahuripan kramannyane. Pateh sakadi ogoh ogoh Kali Citta Pralaya, ogoh ogoh niki wantah marupa detya sane wantah maduwe tenggek kemanten, nenten madua tangan tur cokor pinaka pralambang pemerintah sane wantah nganggen daging manahnyane kemanten rikala ngambil keputusan nenten ngenehang konsekuensi sane karasayaang olih kramane. Pemerintah sane sakadi puniki wantah ngenehang padewekannyane soang-soang tur momo angkara. Lianan ring punika ring ogoh ogoh taler wenten krama sane pinaka pralambang kahanan kramane sane sampun kaicalan brana, urip sangkaning momo ipun i pemerintah. Sampun sapatutnyane pinaka guru wisesa mangda maduwe rasa rungu tur kritis rikala ngarepin pikobet. Pinaka guru wisesa patut urati majeng ring kramane ritatkala wenten pikobet. Guru wisesa pinaka conto ring masyarakat sane adil, mawibawa tur wicaksana.
Enable comment auto-refresher