Om Swastyastu Semeton Punapi Gatra? Dumogi sami becik nggih Napi nggih pikayunan iraga indik pulau Bali? Pulau Seribu Pura? Utawi sane lianan? hmmm Nenten iraga uning, ri tatkala galahe sampun lintang, Bali dados pulau sane istimewa ring wisatawan lokal utawi non-lokal, napi mawinan? Bali sampun nglimbak pisan, ngawit saking budaya, wisata sane nenten wenten watesnyane saking warsa ke warsa, taler silih tunggil patung sane pinih ageng ring jagate wenten ring Bali, inggih punika Garuda Wisnu Kencana utawi GWK sane nenten ngicalang kemungkinan akeh anake sane pacang rauh nyingakin kaindahan ring Bali.
Genah wisata ring Bali mangkin sampun nglimbak pisan Nanging becik tetep ngajegang budaya khas Bali sane matiosan sareng genah wisata sane lianan, minakadi ring Desa Penglipuran. Lianan ring punika, yadiastun akeh genah wisata, iraga taler patut miara kehijauan ring Bali mangda nenten ja wantah dados pulau sane akeh madue wisata nanging taler madue alam sane kantun lestari.
Iraga sareng sami patut ngajegang napi sane sampun wenten, utaminyane budaya ring Bali. Ngigel bali, megambel, bahasa bali, miwah seni sane lianan. Iraga prasida nglimbakang ring jabaning Bali utawi ngenahang secara langsung, iraga taler prasida nyingakin akeh tarian kreasi sane kakaryanin kantos ka musik sane kakaryanin soang-soang.
Budaya miwah wisata nenten prasida matiosan saking ajeng-ajengan. Bali kasub pisan antuk bumbu khasnyane inggih punika base genep . Punika mawinan ajeng-ajengan Bali pastika madue ciri khas sekadi aroma, lan rasa sane matiosan. Sakewanten nenten ja ketah anak sane kirang uning indik bumbu puniki santukan sampun arang kaanggen ring ajengan sewai-wai. Yening wenten genah wisata indik rempah-rempah khas Bali, nenten ja pacang ngicalang minab iraga uning indik base genep miwah para wisatawan taler prasida malajah utawi uning indike punika.
Asapunika sane prasida taler kacritayang indik Bali. Dumogi iraga sareng sami saling miara, nglestariang, lan nglimbakang Bali antuk masa depan sane becik
Enable comment auto-refresher