Para Angga panureksa sane wangiang titiang, Tim Bali Wiki sane kasumayang titiang, punika taler Para semeton sareng sami sane tresna sihin titiang. Pinih Ajeng lugrayang titiang ngaturang panganjali umat, om swastiastu
Angayu bagia manah titiang, ring rahina Mangkin, sangkaning pasuecan Ida Hyang Widhi Wasa, titiang kaicen galah ngaturang sarin-sarin manah titiange ring lomba Wikthon puniki. Suksema aturang titiang majeng para Angga panureksa miwah tim Basabali Wiki sane sampun ngewacen tulisan titiange.
Ring galah sane becik puniki, lugrayang titiang ngaturang pikobet sane urgen pisan ring Bali mangkin sane mamurda WOH-WOHAN LOKAL NYANSAN KATILARIN Ida Dane sareng sami, sampun ten asing teken Woh-wohan lokal, punika wantah pikobet sane sampun suwe ring wewidangan jangat Bali, utama nyane ring wewidangan Pertanian ring Bali.
Buah buah lokal ring bali sampun neten akeh ka uningin olih truna truni utawi generasi muda ring Bali, utamannyane alit alit sane kari masekolah. Punika santukan wenten akeh buah impor ring Bali sane akeh mangkin wenten ring peken lan warung utawi toko. Puniki sane ngawinan petani buah lokal ring Bali akeh sane ngeluh, indik pikobet punika napi solusi sane patut kalaksanayang anggen nanganin nyansan ngidikang sane ngawigunayang Woh-wohan lokal Bali?, ten pati msayarakate sane nganggen Woh-wohan lokal sane wenten ring Bali, nangin rasenyane jaonan Woh-wohan impor nangin buah lokal sampun dados budaya ring Bali. Woh-wohan lokal taler daos langka akibat kekirangan minat utawi daya tarik masyarakat sane pinih utama para yowana ring zaman Kadi mangkin, iraga pautut mamula bibit-bibit Woh-wohan lokal lan ngelestariang Woh-wohan lokal, ngangen Woh-wohan lokal lan ngadol Woh-wohan lokal. Yening Asapunika i raga patut ngirangin Woh-wohan impor, yening kacingakin ring warna lan rasa nyane inggih punika nudut, nanging sepatutne i raga ngajeng Woh-wohan lokal lan iraga ngedukung pare petani Woh-wohan lokal ring Bali.
Santukan punika titiang nunas majeng para pemimpin Bali sane pacang kapilih ring warsa 2024 mangde nguratiang indik kawentenan Woh-wohan lokal puniki lan pemimpin bali mangda ngicenin soulsi majeng ring masyarakat lan pare petani ring Bali. Mangda prasida ngamolihang jagat Bali setate rahaje.
Inggih Asapunika sane prasida aturang titiang ring galahe mangkin. Mugi Mugi napi sane aturang titiang puniki prasida dados uratian tur dasar program kerja sane pacang kautamayang olih calon pemimpin sane jagi Kapilih ring 2024. Puputan titiang antuk parama santih, om santih santih santih om
Enable comment auto-refresher