Om Swastyastu, Om Awighnam Astu Nama Sidham
Ida dane para yowana sareng sami sane wangiang titiang. Sedurung titiang ngelanturang atur ngiring pinih ajeng iraga sareng sami nunas ica majeng ring Ida Sang Hyang Widhi, duaning sangkaning paswecan Ida prasida raris iraga mesadu ajeng ring galahe tur genahe sane becik puniki. Sakadi sane sampun kauningin, Bali kalontah ka dura negara sakewala jagat Bali sane kari asri lan lestari. Niki sane ngawinang Bali akeh kasenengin olih turis manca negara. Turis sane melancaran ring Bali seneng nongos ring Bali, nika sane ngawinang Bali macet. Napi sane ngawinang Bali macet? Sane ngawinang Bali macet nenten ja tiosan wantah para turis akehan nganggen motor sewaan katimbang nganggen transportasi umum utawi travel. Yening tetep kadi puniki Bali ngancan kosek olih kendaraan pribadi. Wenten malih pikobet sane tiosan inggih punika asep kendaraan sane ngawinang polusi udara ring jagat Bali. Yening polusi udara tetep wenten, Bali nenten asri malih. Nika sane ngeranayang Pariwisata ring Bali ngancan nuunang. Turis-turis nenten malih seneng melancaran ring Bali. Polusi punika taler ngawinan wenten akeh penyakit sekadi sesak nafas, penyakit jantung, kanker, miwah sane tiosan. Mangda Bali nenten sekadi Jakarta sane macet lan wenten polusi udara, sira sane dados calon pemimpin ring warsa 2024 mangda sida natasin pikobet puniki. Pemimpin Bali sane kapilih mangda sida ngaryanin kebijakan sane tegas antuk pikobet puniki. Inggih wantah asapunika orasi sane prasida titiang karyanin, dumogi napi sane titian karyanin puniki madue pikenoh sane becik. Yening wenten iwang titian nunas pengampura. Titiang puput antuk Paramashanti.
Om Shanti, Shanti, Shanti Om
Enable comment auto-refresher