Kantun wenten jaringan Internet Sane kaon ring Nusa Penida
Om Swastyastu, Salam Gema Santhi Sane wangiang titiang para angga panureksa, calon pejabat utawi pemimpin ring Bali, sapunika taler semeton Bali sareng sami sane tresna sihin titiang. Pinih ajeng ngiring ngaturang rasa angayu bagia ring Ida Sang Hyang Widhi Wasa, duaning sangkaning pesuecan Ida, titiang ngiring Ida dane sareng sami prasida mapupul I riki sajeroning acara Wikithan Partisipasi Publik Bali Berorasi. Ring galahe mangkin, lugrayang titiang ngaturang orasi sane mamurda Kantun wenten jaringan Internet Sane kaon ring Nusa Penida. Para semeton Bali makesami, maosang indik pariwisata Nusa Penida Sampun kaloktah kantos ka dura negara, bilih-bilih Nusa Penida punika kasengguh taluh emas ne Bali. Parindikan Puniki nenten kesarengin antuk kemajuan Internet sakewanten wewengkon ring nusa sane durung polih akses jaringan Internet sane Stabil utama nnyane ring pelosok Nusa Penida ring wewengkon Desa Batumadeg, Tanglad, Batukandik lan Klumpu. Awinan Jaringan Internet sane kaon makeh para tamiyu utawi turis paling ritatkala ngakses Google Maps. taler para yowana sane saking irika mangdane tedun ke beten mangda polih signal. Pengaptin titiange pinaka sisya sane ngawigunayang Internet ring sajeroning paplajahan mangdane pemimpin sane kapilih ring warsa 2024 sane jagi rauh mangda prasida nguratiang Parindikan Jaringan Internet tur mangda prasida katincapang malih. Mangda danganan warga Nusa ngakses Internet. Wantah asapunika wacana orasi sane prasida aturan titiang, kirang langkung titiang nunas pengampura. Puputan titiang antuk Paramasanthi. Om Santhi, Santhi, Santhi Om
Enable comment auto-refresher