Utasaha Ngirangang Kemacetan
Kemacetan inggih punika pikobet lalu lintas san durung prasida katanganin pinih becik miwah maksimal. Yadiastun kemacetan sayan nincap, durung wenten solusi kanggen ngirangang pikobet puniki. Patut kauningin san ngawinang kemacetan lalu lintas inggih punika arus san nglintangin margi sampun ngliwatin kapasitas margi. kemacetan ring Bali akeh sane ngweteuang sinalih tunggilnyane kemacetan santukan penutupan jalan indik upacara, kemacetan santukan wenten ida sesuhunan lunga, kawentenan study tour ka Bali sane nganggen bus-bus sane ageng, miwah sane lianan.
Kemacetan puniki malih ngwetuang pikobet sane lianan minakadi lambatnyane pamargin ekonomi ring Bali miwah ngwetuang sopir stres santukan galahnyane telas ring margi. Yening ring segi lingkungan utawi pikobet sane metu ring palemahan, kemacetan punika pacang ngwetuang polusi udara saking asep knalpot kendaraan punika miwah polusi suara saking suaran-suaran klakson kendaraan.
Mangkin sapunapi caranyane mangda pikobet punika prasida kakirangin? Iraga pinaka krama Bali yening jagi malelungan, mangda nganggen bus sane sampun kasayagayang olih pemerintah. Ngirangang numbas motor mobil baru yening sane dumunan kantun becik kanggen. Mangda kauningin Indonesia utamanyane Bali ranking 2 konsumen motor di dunia. Pemerintah mangda bersinergi sareng krama sapunapi carane ngirangang pikobet puniki.
Enable comment auto-refresher