Parawisata Ring Bali Terancam Om Swastyastu, Sane wangiang titiang para panureksa sami. Sane dahat suksmayang titian Bapak lan Ibu calon DPD RI 2024. Lan para atiti sami sane tresna asihin titiang. Sadurung titiang jagi ngaturang pidarta, ngiring sareng sami ngaturang bakti majeng ring Ida Sang Hyang Widhi Wasa, duaning pasuecan ida, iraga sami marasidayang mapupul ring galah sane becik puniki. Ratu Ida dane sareng sami, Pulau Bali sampun kaloktah kadura negara, mantukan kebudayaan lan pariwisata. Ring 2023, mawit saking Trip Advisor, Bali polih Jayanti kalih dados Destinasi Terpopuler di Dunia . Pulau Bali madue akeh pisan wisata sane madue paras becik lan asri. Wisata budaya, pasih, gunung, lan sane lianan. Pariwisata punika sampun dados panopang ekonomi ring Bali. Akeh Masyarakat Bali sane makarya ring pariwisata lan maresidayang hidup saking pariwisata punika. Nanging mangkin akeh pisan Turis sane malaksana iwang lan nenten patut ring adat lan budaya Bali. Akeh pisan laporan turis sane ugal ugalan ring margine, nglurug lalu lintas, meneng ring Bali diluar wates Visa, lan nganggen dokumen illegal. Iraga dados warga Bali patut rungu ring masalah puniki. Para yogia lan baudanda sami patut aktif, yening iraga nenten segera ngewatesang parindikan puniki. Pariwisata bali jagi terancam, warga lokal Bali ngarasayang singkuh, alam utawi lingkungan sane mabricekan, lan adat istiadat sane rapuh. Sangakaning punika, iraga dados masyarakat Bali patut tangar lan segera ngerereh solusi ring masalah puniki. Para uleman sami, asapunika atur titiang ngenenin indik Pariwisata ring Bali sane patut kalestariang. Menawi wenten patios sane nenten patut, titiang nunas pangampura. Dumogi Ida sang Hyang Widhi ngicenin karahajengan ring iraga sami. Titiang puput antuk paramasanthi Om Santhi Santhi Santhi Om
Enable comment auto-refresher