Bullying Ring Sekolah Om Swastyastu Ibu Bapak guru sane wangiang titiang,sampunika taler para semeton yowana sareng sami sane asihin titiang. Pinih ajeng ngiring ngaturang rasa angayubagia ring Ida Sang Hyang Widhi Wasa duaning wantah sangkaning asung kertha wara nugraha Ida,iraga sareng sami prasida makumpul iriki sajeroning acara Wikithon Partisipasi Publik Bali Berorasi . Ring galahe sane becik puniki purun titiang ngaturang pidarta sane mamurda Bullying Ring Sekolah . Ida dane sareng sami,manawita Ida dane sampun tatas uning napi sane kabaos bullying? Bullying utawi perundungan inggih punika parilaksana sane antuk jatma,nyungkanin jatma antuk raos utawi parilaksana miwah sane tiosan. Ngawinan jatma sane di bully punika nyungkanin kayun utawi manah. Ring era globalisasi sakadi mangkin akeh ngewetuang bully utamane ring sekolah,silih sinunggil punika sisya sane nunjel sekolah ulian di bully antuk warga sekolah antos guru. Inggih Ida dane sareng sami sane wangiang titiang,bullying nenten ja ngerugiang apihak manten,sane maon sami pacang rugi. Antuk asapunika titiang nunas majeng ring Ida dane sareng sami mangda stop bullying antuk ngemargiang silih sinunggil program Anti Bullying antuk ngemargiang program puniki kesungkemin jatma sane terlibat kasus bullying jagi kekenenin hukuman utawi sangsi. Stop bullying ngawinan ngerugiang Ida dane sareng sami. Inggih Ida dane sareng sami sane wangiang titiang,wantah asapunika titiang prasida ngaturang jaga winungu,mogi-mogi wenten pikenohipun. Maka wesananing atur,banget titiang nglungsur geng rena pengampura pet prade wenten kaiwangan miwah kakirangan titiang ring sajeroning ngwedar daging pidarta puniki. Inggih punika pamuput atur titiang ngaturang parama shanti. Om Shanti, Shanti, Shanti Om
Enable comment auto-refresher