Property:Place information text ban
From BASAbaliWiki
P
Pura Goa Raja magenah ring Desa Tajun, Kecamatan Kubutambahan, Buleleng. Pura sane wenten ring 177meter ka sor, sayuakti ring dasar juran, kajaga olih tetiga naga, inggih punika Naga Basuki, Naga Taksaka, miwah Naga Ananta Bhoga. Yening mamargi nju Desa Bayad, pura puniki magenah ring sisi kangin Pura Bukit Sinunggal. Para pamedek sane tangkil patut nuju teben ngliwatin siuan undagan kantos dalemnyane 177 meter saking margi agung. Sadurung kalukat, para pamedek ngaturang banten pejati dumun utawi canang sare sane sampun kabakta. Sakewanten sadurung bakti kakawitin, para pamedek patut kalukat antuk klebutan toya ring tengahing goa. Punika ngawinang ri sampune bersih, wau dados ngaturang bakti ring ajeng Pura Goa Raja.
Ri sampune wusan malukat ring Pura Goa Raja, dados sapisanan mabakti ring Pura Dasar Bhuana (Pura Siwa Budha). Raris nunggah marga sawatara 20 menit nuju Pura Bukit Sinunggal. +
Pura puniki magenah ring pucak Bukit Gumang utawi Bukit Juru. Pura Bukit Gumang dados tetamian sane kaempon olih lelima desa pakraman inggih punika Desa Bugbug, Desa Bebandem, Desa Datah, Desa Jasri miwah Desa Ngis. +
Para krama Hindune, sampun uning ring kawentenan pasedayan Jayaprana, santukan genahe puniki dados genah wisata sejarah ring Bali sane ngangkat carita roman Nyoman Jayaprana sareng Ni Layonsari sane pamuputnyane kaon. Carita roman sane sampun dados legenda puniki sekadi carita Romeo-Juliet ring Eropa miwah Sampek-Engthai ring Cina. Ring pasedayan Jayaprana puniki kakaryanang pura, yukti ring luhur bukite. Genah sema utawi pasedayan Jayaprana wenten ring wewidangan alas Teluk Terima, Desa Sumber Klampok, Kec. Gerokgak, Kab. Buleleng, sawatara 67km ring sisi kauh Kota Singaraja. +
Titiang pinaka generasi milenial sadia ngwangun désa malarapan antuk BASAbali Wikithon Partisipasi
Publik #5: Ngawangun Désa. Ngiring cingakin indik desan titiangé puniki.
Sire sane nenten uning Desa Adat Sading puniki? 🤔
Mangkin jagi uningayang nggih …
Pura Keraban Langit puniki maurip saking kruna “kereb” sane meartos raap, inggian kadi punika keartos pura punika pinaka tedung langit. Ring iriki wenten keunikannyane, inggian kadi punika mewastu mabinayan ring genah sane tiosan, riantukan ring telengin gue, pura inucap ring kekerebnyane wenten bolong sane ageng nyujur surya
Ring wewidangan pura keraban langit alet wenten genah panglukatan ring sor lan kidul pura lan kidul pura taler wenten taman beji limang pancoran, toya ning mawiwit saking pancer bumi. Sedurung ngawentenan pengabakti, pemedek sami ngerihinin tangkil ring utama mandala pura antuk nunas panglukatan ring pancoran inucap
Ring desa adat sading puniki wenten genah olahraga sane becik pisan, telajakan utawi (jogging track) sane magenah ring tengahin sawah
Rikanjekan galahe semeng ritatkala suryane endag wenten pemandangannyane becik pisan, asapunika naler ring galah nyoreang.
Ring Wewidangan sawah lan kawentenan para penandur(petani) sane nirguna pinaka wewidangan sawah inucap becik lan tentram kewentenan nyane antuk genah olahraga utawi mesliahan
Sane mangkin titiang nunas majeng idedane sareng sami ngaksi vidio ring ajeng nggih! 🙋🏻♀️
basabaliwiki.org
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa
#membangundesa #milenialberaksi
NB : @acha.raditya @adhechristianhw @wahyuwiskhaprsty +
Pura puniki magenah ring pucak Gunung Lempuyang, ring sisi kangin pulo Bali. Pura Lempuyang tegehnyane 1.175 meter saking segara. +
Magenah ring banjar Pondok, desa Peguyanagan Kaja kecamatan Denpasar Utara. Pura puniki genahnyane nenten doh saking SMAN 8 Denpasar, ring margi Antasura nuju Perusahaan Daerah Air Minum, Instalasi Belusung. "Kanda" mateges tutur, pawarah-warah, carita, laksana, kasaktian,kasidian miwah kawisesan. "Pat" mateges papat miwah "Sari" mateges utama +
Pura Maospahit dados genah sane luih masrana antuk wewangunan sekadi wangunan Jawa. Wangunan pura akehan kasusun antuk batu bata barak sane nenten kadagingin antuk ukiran Bali. +
Manut ring atur Jero Mangku Pura Masceti, kruna "Masceti" mawit saking kalih wanda, inggih punika Mas (sunar) miwah Ceti (ngranjing miwah medal). Sakewanten indik kawentenan Pura Masceti puniki nenten wenten anak sane uning pidan pura puniki kawangun. Yadiastun nenten wenten prasasti, sakewanen wenten bukti sasuratan kawentenan pura puniki marupa purana. +
Pura puniki magenah ring Desa Pakraman Saraseda, Tampaksiring, Gianyar. Ring pura puniki wenten dasa tlebusan sane kakaryanang pancoran saka siki. +
Pura Merajan Slonding dados silih tunggil kompleks Pura Besakih sane utama pisan. Pura puniki magenah ring sisi kaler Pura Ulun Kulkul utawi pura punika kasengguh olih krama magenah ring sisi kauh Pura Ulun Kulkul. Pura puniki pinaka genah nyimpen gamelan tradisional sane kabaos Slonding. Slonding inggih punika soroh gamelan Bali sane kaanggen ri kala wenten upakara penting ring pura puniki. +
Sakadi sane sampun ketah kauningin, ring sajeroning giri utawi gunung pastika madue pura. Pura sane magenah ring Gunung Batur wantah Pura Pasar Agung Batur. +
Sakadi sane sampun ketah kauningin, ri sajeroning giri pastika wenten pura. Ring Gunung Agung wenten Pura Pasar Agung sane kaprecaya dados pura pasar anggen makasami Dewa Kahyanga. Pura Pasar Agung magenah ring pantaraning bongkol miwah pucak Gunung Agung (ring bangkiang gunung), tegehnyane 1.600 mdpl. Kawentenan pura punika ring Banjar Sogra, Desa Sebudi, Kec. Selat, Kabupaten Karangasem. +
Pura puniki magenah ring Banjar z atu Belig, Desa Adat Keroboksn, Kecamatan Kuta Utara, Badung. Pura Petitenget madampingan sareng Pura Masceti-Ulun Tanjung ring wewidangan sane pateh. Pura Petitenget magenah ring sisi kaler, yening Pura MAsceti magenah ring sisi kelod. Bendesa Adat Keroboksn, A.A. Kompyang Suteja ngandikayang indik pura puniki kawangun antuk pawarah saking Dang Hyang Dwijendra sawatara warsa 1549. +
Kawentenan pura puniki nenten sida lempas saking kapurwan Pandita Siwa Sidanta sane rauh inggih punika Danghyang Nirartha (Ida Pedanda Sakti Wawu Rawuh) ring abad ke-15, ri kala pemerintahan Dalem Waturenggong ring Bali. +
Pura Pucak Watu Geni mawit saking kruna 'pucak' sane mateges muncuk, 'watu' mateges batu miwah 'geni' mateges api. Artos sajangkepnyane inggih punika muncuk batu sane ngamedalang api. Kocap pura puniki dumun kakawitin antuk batu ageng sane kacingak ngamedalang api. Batu sane lantangnyane sawatara limang meter punika magenah ring utama mandala pura nyantos mangkin.
Pura puniki magenah ring Margi Nuansa Indah, wewengkon Desa Pamecutan Kaja, Denpasar. Pura puniki biasane rame pisan nuju rahina Banyu Pinaruh. +
Pura Pulaki kawangin ring luhur abing batu sane marep ka segara, ring sisin jalan raya Singaraja-Gilimanuk utawi pasisi Desa Banyupoh, Kecamatan Gerokgak. Carita kawentenan Pura Pulaki puniki nenten sida lemoas saking kapurwan pamargin Dang Hyang Nirartha saking Blambangan (Jawa Timur) nuju Dalem Gelgel (Bali). Pura Pulaki sujatinnyane wantah pura pinih utama ring pura-pura sane wenten ring wewidangan i rika, luire Pura Kerta Kawat sane 51km saking Singaraja (sawatara 750m ring sisi kelod margi agung), Pura Melanting, Pura Pabean, miwah Pura Pemuteran. +
Pura Pucak Kedaton magenah ring Desa Wongaya Gede, Penebel, Tabanan. Pura Pucak Kedaton kocap kasengguh silih tunggil pura sane madue genah sane tan ambat-ambat ring Bali. Pura puniki magenah ring pucak Gunung Batukaru sane tegehnyane 2.276 mdpl. I riki, para anake sane menek ka gunung nenten dados maosang kruna kasar utawi bebaosan sane nguningayang rasa leleh ring margi. Lianan ring punika, ida dane taler nenten dados ngambil sakancan barang ring wewidangan pura, punika taler ngentungang luu ngawag-awag. +
Pura puniki magenah ring Dusun Rata, Desa Klumpu, Nusa Penida. Genah pucak Bukit Mundi dados genah pinih luhur ring Nusa Penida. Pura puniki 521 meter saking luhuring segara, utawi sawatara 45 menit saking Pelabuhan Nusa Penida. Krama Hindu sane jagi matirta yatra ka Nusa Penida sering ngawitin maturan ring pura puniki. Salanturnyane, para krama jagi nuju ka Pura Dalem Ped. Pura puniki kadagingin antuk tetiga pura, inggih punika Pura Krangkeng, Pura Beji miwah Pura Puncak Mundi. +
Manut ring Lontar Dwijendra Tattwa, inggih punika carita purwa indik Dang Hyang Nirartha. Sane kocap kacritayang olih para krama Bali, wenten pura-pura Dang Kahyangan sane kawangun antuk pawarah saking Dang Hyang Nirartha utawi kawangun olih potraka-potrakan ida, utawi krama lianan pinaka rasa bhakti tur ngelingang dharmayatran ida Dang Hyang Nirartha, kocap wenten 34 pura. Silih tunggilnyane Pura Puncak Tedung sane magenah ring Banjar Kertha, Desa Petang sawatara 51 km saking Bandara Internasional I Gusti Ngurah Rai tur tegehnyane 730,77 meter saking permukaan laut. Manut kapurwannyane, Dang Hyang Nirartha mamargi ka Pura Pulaki nuju ka sisi kangin Bali, ida masanekan ring pucak di Desa Petang. Ri kala ida nglanturang pamarginne, ida ngalahin tedung ida. Raris kramane sane katitahang olih Raja Mengwi ngwangun genah suci marupa Meru pinaka genah ngajiang kaluihan Dang Hyang Nirartha. +
Pura Purancak magenah ring Desa Perancak, Kecamatan Negara. Ri kala Danghyang Nirartha ngentasin Segara Rupek masrana antuk waluh kele, ida rauh ring pasisi sane mangkin kabaos Perancak. Rikala nyantosang rabin ida sareng pepitu okan ida sane jagi rauh, Danghyang Nirartha ngetis ring taru ancak. Ring genah punika kantos mangkin wenten pura sane kabaos Pura Purancak. +
