Property:Place information text ban
From BASAbaliWiki
P
Pasisi Samuh inggih punika silih tunggil pasisi mabias putih sane magenah ring Desa Benoa, Kecamatan Kuta Selatan. Pasisi Samuh inggih punika silih tunggil genah snorkling miwah diving ring Bali. Lianan ring punika, para torise taler prasida muktiang pasisi sane luih. Ring Pasisi Samuh taler sampun wenten artshop miwah restoran. Saking tengahing Kabupaten Badung nuju Pasisi Samuh dohnyane sawatara 28.4 km tur nelasang galah sawatara 1 jam 6 menit. Yening saking Pasisi samuh nuju Bandara Internasional Ngurah Rai dohnyane 12.2 km tur nelasang galah sawatara 22 menit. +
Sanur inggih punika silih tunggil cihna pariwisata Bali sane sampun kasub pisan. Tukang lukis saking Belgia sane mapesengan Adrien-Jean Lemayur de Merpres sane sampun meneng ring Sanur pinaka kapurwan sane nglimbak ring wewidangan pasisi Sanur. Ring panglimbak pariwisata sane sayan mecikang, warsa 1957 kaadegang hotel kapertama ring Desa Sanur mawasta Hotel Sindhu Beach, kairing baan wangunan Hotel Bali Beach sane ngawit kawigunayang duk warsa 1966. Yadiastun wisata ring tengah pasih (bahari) durung kauningin daweg punika, sakewanten ring Sanur sampun wenten proyek pengembangan Sanur sane kawastanin Beach Market duk warsa 1971. Beach Market utawi Pasar Pasisi ngwentenang jasa pelayaran nganggen jukung utawi pedau tradisional, pameran patung-patung, lukisan, balih-balihan, cafe miwah restoran. +
Pasisi Seseh magenah ring Desa Munggu Kecamatan Mengwi inggih punika silih tunggil pasisi mabias selem ring Kabupaten Badung. Lianan ring namtamin kalanguan pasisi miwah matanai sane engseb kauh iriki para turise prasida maselancar. Pasisi Seseh inggih punika silih tunggil pasisi sane kaanggen ring acara utawi karya agama olih krama Hindu ring Kecamatan Mengwi. Punika ngawinang para turise taler sida ngatonang kabudayan miwah karya agama sane kamargian olih para krama. Saking utamaning Kabupaten Badung nuju Pasisi Seseh dohnyane sawatara 12,5km tur merluang galah 28 menit ring margi. Sakewanten saking Pasisi Seseh nuju Bandara Internasional Ngurah Rai dhnyane 23,4km tur nelasang galah 59 menit. +
Pasisi Suluban magenah ring Desa Pecatu Kecamatan Kuta Selatan. Pasisi Suluban puniki madue praciri inggih punika bias sane putih. Ring wewidangan pasisi puniki utamannyane ring Desa Pecatu wenten 12 hotel berbintang, 4 hotel melati miwah 138 pondok wisata. Yening fasilitas sakadi restoran sampun wenten 11 miwah 3 warung makan. +
Pasisi Tanjung Benoa magenah ring Kelurahan Tanjung Benoa, Kecamatan Kuta Selatan. Makudang-kudang atraksi wisata sane prasida kalaksanayang ring Pasisi Tanjung Benoa inggih punika olah raga air sakadi paraseling, snorkling, seawalker, bananaboat, flying bord, rolling donuts, flying fish, waker boarding, waterskiing, jetski, scuba diving, ngelangi miwah majemuh. Lianan ring atraksi wisata, Pasisi Tanjung Benoa taler madue sakamata sane luih pisan, pasisi mabias putih tur resik pisan, para torise taler sida nyingakin kaluihan ri kala suryane engseb utawi sunset. Ring panglimbaknane pinaka genah wisata, Pasisi Tanjung Benoa kaempon olih perusahaan hotel, restoran miwah water sport ring wewidangan Tanjung Benoa tur maprakanti sareng desa adat. Saking tengahing Kabupaten Badung nuju Pasisi Tanjung Benoa wenten sawatara 31.3 km dohnyane, tur merluang galah sawatara 1 jam 14 menit. Yening saking Pasisi Tanjung Benoa nuju Bandara Internasional Ngurah Rai dohnyane sawatara 14.6 km tur nelasang galah sawatara 28 menit. +
Pasisi Tegal Wangi magenah ring Jalan Tegal Wangi, Jimbaran Kuta Selatan, Badung, Bali. Para torise patut ngliwatin margi alit sane ngamenekang miwah nnganuunang mangda rauh ring sisin pasihe. +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin genah potensi Pantai Yeh Kali niki.
Pantai Yeh Kali puniki magenah ring Banjar Yeh Kali Desa Seraya
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi
@ayunilawati__
@edypramanata.id
@dek_yoo_ +
Pasar Badung (Peken Badung) wantah pasar tradisional ring Bali. Pasar puniki taler pasar pinih ageng ring Bali sane satata mabukak 24 jam sarahina-rahina. Pasar Badung magenah ring Jl. Sulawesi No. 1, Dangin Puri Kangin, Dauh Puri Kangin, Kota Denpasar, Bali - Indonesia.
Pasar Badung sane magenah ring Jalan Gajah Mada, inggih punika wewidangan utamaning kota Denpasar daweg jaman kerajaan Jambe Ksatrya. Yening manut kosmologi kawentenan kota, Pasar Badung penting pisan kawentenannyae ring struktur ruang kota Denpasar. Pasar Badung dados pahan ring konsep Catuspatha Kota Denpasar. Catuspatha inggih punika jalan simpang empat, pateh sekadi pempatan agung sane sakral ring tradisi Bali. Wenten papat pahan Catuspatha, inggih punika 1) Puri utawi keraton pinaka pusat pemerintahan, 2) Pasar tradisional pinaka pusat ekonomi, 3)Wantilan pinaka pusat budaya, 4)Alun-Alun pinaka genah malila cita. Pinaka genah utama Catuspatha Kota Denpasar wantah Patung Caturmuka ring Jalan Gajah Mada, sawatara 400 meter saking sisi kangin Pasar Badung. +
Pasar
English
public market
Indonesian
pasar
Seni Sukawati ene mabenahin sekat tahun taun 2018. Jani suba suud kewala konden liu ade turis ane meblanje kemu. Di peken ene sube liu masih ade dagang baju, kerajinan lan ane lenan. Kenken carane ngorahang ajak anak liu, peken ene sube bisa ka tuju. +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin indik desan titiangé puniki.
Pasraman Doraemon : Metode Pelestarian Budaya dan Peningkatan Kualitas Karakter Remaja Masa Kini
(Pasraman Pendorong Kecerdasan Emosional)
"𝘽𝙚𝙧𝙞 𝙖𝙠𝙪 𝙨𝙚𝙥𝙪𝙡𝙪𝙝 𝙥𝙚𝙢𝙪𝙙𝙖, 𝙢𝙖𝙠𝙖 𝙣𝙞𝙨𝙘𝙖𝙮𝙖 𝙖𝙠𝙖𝙣 𝙠𝙪 𝙜𝙪𝙣𝙘𝙖𝙣𝙜𝙠𝙖𝙣 𝙙𝙪𝙣𝙞𝙖", - 𝙄𝙧. 𝙎𝙤𝙚𝙠𝙖𝙧𝙣𝙤.
Yowana inggih punika silih tunggil titi anggen ngawangun bangsa. Sekadi penelitian olih Rochaida (2016) sane nlatarang kadi asapuniki : "Pada negara maju, jumlah penduduk tinggi akan dianggap sebagai aset, karena didukung dengan sistem pendidikan yang baik. Namun, di negara berkembang, ini akan menjadi beban, karena kurangnya sumber modal dan kualitas pendidikan."
Majalaran antuk punika, iraga makasami sepatutnyane sareng sareng nincapang tur ngabecikang kawentenan kualitas pendidikan, gumanti piranti ngawangun negri rumasuk daerah.
Malarapan antuk ngewentenang program pemberdayaan SDM, sane ngawit saking para alit alit lan yowanane, pastika iraga lakar nemu kawikanan tur kawagedan lan munggahang udeg jatma (human capital) sane becik.
Raris, awig awig napi sane prasida katedunang olih pemerintah kaanggen nyawis parindikan kadi asapuniki?
Wenten makudang kudang geginan, sekadi malajah ngigel, nembangang sekar rare, miwah sane lianan ring pesraman sane prasida nunjang "kecerdasan emosional anak". Kawagedan puniki kapolihang ritatkala ipun mababaosan lan masosialisasi (berinteraksi), punika ngawinan alit alite prasida ngenter pikayun ipun.
Kadi sampun kauningin, akeh alit alite sane mederbe rasa obah ring raga. Olih krana punika, kawentenan pasraman prasida ngabentuk karakter alit alite.
Iraga pinaka yowana, nyungsung sekancan parindikan sane matetujon nincapang tur ngukuhang SDM gumanti ngamolihang kahuripan sane tata tentrem kerta raharja lan nuju Bali Dwipa Jaya.
basabaliwiki.org
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi
@tianirmalaa_ @nickoiswaraa @bayubanyuning
Togog Anak Alit sane masila ring simpang tiga Jalan Raya Sakah, Desa Batuan Kaler, Kecamatan Sukawati Gianyar. Patung sane dados cihna Sang Hyang Siwa Budha punika sujatinnyane maparab Sang Hyang Brahma Lelare. Citta utama ngwangun patung punika kakawitin antuk kayun mantan Bupati Gianyar Cokorda Darana duk warsa 1989. Togog Brahma Lerare dados pinget indik Kabupaten Gianyar pinaka genah seni, kriya seni puniki kakawitin antuk kriya cipta murni, mawit saking sane alit kantos ageng tur nglimbak. +
Togog Catur Muka magenah ring pempatan jalan, tengahing Kota Denpasar. Patung puniki kakaryanang olih Gusti Nyoman Lempad, seniman sane sampun kaloktah di Bali. Nenten ja kaanggen genah pamuspan, sakewanten patung puniki dados cihna nilai filosofis miwah raja sasana. Dumun patung puniki mawasta Patung Empat Muka, sakewanten mangkin kasub antuk wasta Patung Catur Muka. Catur muka wantah patung sane madue papat prarai, ngadeg ring bunga tunjung utawi padma, marep petang arah. +
Magenah ring pempatan margi Tanjung Bungkak, Renon miwah Sanur, patung puniki wusan kaadegang duk tanggal 20 November 1987. Nyihnayang Letnan Ida Bagus Putu Djapa pinaka silih tunggil prawireng Bali sane mantuk. Patung ida sane ngemel pistul marep luhur taler ngemel pedang sane magantung ring bancang idane pinaka cihna sabuh wacana mangda para krama satata mautsaha nglawan penjajah. +
Magenah ring pempatan margi Ubung Denpasar pinaka silih tunggil genah sane rame pisan. Togog sane malakar antuk prunggu, wus ring tanggal 4 Agustus 1994 puniki nyihnayang kawentenan prawireng Bali maparab I Gusti Bagus Sugianyar ri kala ngukuhang mangda negarane tetep masikian. +
Magenah ring pempatan margi Jalan Nagka miwah Jalan Gatot subroto. Patung puniki kakaryanang olih Nyoman elim Mustapa tur wusan ring tanggal 31 Desember 1993. Nyihnayang kawentenan Tjok Agung Tresna pinaka silih tunggil prawireng Bali sane mautsaha ngukuhang kamahardikan jagat Indonesia. +
Togog sane magenah ring sisi kauh titi Tukad Bubuh, Banjarangkan Klungkung. Togog puniki kakaryanang olih I wayan Bawa duk warsa 1988. Pinaka cihna krama Klungkung sane patut migunayang kawibuhan jagatnyane yadiastun wantah madue wewidangan sane akidik, mangda prasida masaing sareng kabupaten lianan sane agengan. Sujatinnnyane togog puniki pinaka sendi titi Tukad Bubuh Klungkung. +
Monumen Puputan Badung magenah ring alun-alun Kota Denpasar. I riki taler dados wates kota, titik nol Kota Denpasar. Patung puniki kawangun duk tanggal 20 September 1979 ngangge pangrencana jayanti sayembara daweg punika. Patung sane nyihnayang kawentenan anak istri, anak lanang miwah okan-okannyane ngunusang keris miwah tombak ring yudan Puputan Badung warsa 1906. Monumen puniki pinaka cihna krama Bali sane sampun ngamargiang perang puputan nglawan penjajah. +
Patung Satria Gatot Kaca magenah ring pantaraning Jalan Raya Tuban miwah Jalan Raya Airport Ngurah Rai. Gatot Kaca inggih punika silih tunggil wayang ksatria, gagah miwah sudira. Ida wantah okan Bimasena, silih tunggil Panca Pandawa. Gatot Kaca kauningin dados ksatria sakti tur waged nambung ring ambara mangda sida ngicenin karahayuan ring para krama Puri Pendawa. Gatot Kaca wantah cihna prawira sane nenten sida kasorang, nyerahang angga mangda ngicalang sakancan papa miwah sane nenten adil. Patung Satria Gatot Kaca kaadegang duk warsa 1993 pinaka utsaha mecikang genah ring wewidangan sisin Bandar Udara Ngurah Rai. +
Kapurwan Desa Ped dados kabaos unik. Ring sesuratan kapurwan Desa Ped puniki, wantah madasar antuk sumber lisan, artefak miwah makudang-kudang sumber media. Indike puniki santukan nenten kapolihang sumber sasuratan sane dados kaanggen suluh. Artefak sane kabaos wantah tetiga tapel sane mangkin kalinggihang ring Pura Dalem Ped. Sakadi sane sampun katur iwawu, tetiga tapel punika sane ngembasang pesengan "Ped". Sane nguni, kasaktian tetiga tapel punika kocap kaloktah sajebag jagat Bali kantos kapireng olih silih tunggil Pedanda maparab Ida Pedanda Abiansemal. Punika ngawinang Ida Pedanda Abiansemal kaiirng olih pepatih miwah panjak ida mapeed rauh ka Nusa Penida makatetujon jagi nyingakin kasujatian tetiga tapel sakti ring Pura Dalem Nusa. Sane riin kawastanin Pura Dalem Nusa, sakemaon sampun magentos duk Ida Pedanda Abiansemal mapeed ka Pura Dalem Nusa. Raris wastan pura punika kagentosin dados Pura Dalem Ped olih pratisentanan Puri Klungkung ring jaman I Dewa Agung.
Gatra indik kawentenan Pura Dalem Ped utawi Pura Penataran Ped nguni kantun magaluran. Punika santukan akidik pisan sumber-sumber sane sida kapolihang indik Pura Penataran Ped. Punika ngawinang sue pisan para sang maraga suci matembung rasa indik wastan pura. Kelompok Puri Klungkung, Puri Gelgel miwah Mangku Rumodja Mangku Lingsir, maosang pura punika mawasta Pura Penataran Ped. Sane lianan, utamannyane para balian ring Bali, maosang Pura Dalem Ped.
Manut ring atur Dewa Ketut Soma, sang sane meled malajahin agama miwah sang kawi saking Desa Satra, Klungkung, ring sesuratan ida sane mamurda "Selayang Pandang Pra Ped" mapanampen, makakalih sengguhan sane mabinayan punika yakti wenten. Manut dane, sane katuju wantah Pura Dalem Penataran Ped. Dadosnyane, wenten sane nganggen kruna "penataran", sakewanten sane lianan nganggen kruna "dalem".
Mawali malih ring tetiga tapel sakti. Santukan kasaktiannyane, tapel punika sida ngubadin sajeroning sungkan, panyungkan ring angga manusa utawi tetanduran. Sadurungnyane, tetiga tapeI duen Ida Pedanda Abiansemal kocap ical. Ri kala nyingakin tetiga tapel ring Pura Dalem Nusa punika, sujatinnyan etapel punika duen Ida sane sampun ical ring griya. Sakewanten, Ida Pedanda nenten ngambil tapel-tapel punika tur nunas mangda para krama ngamong miwah ngupakarain tapel suci punika
Kasaktian makatiga tapel punika nenten ja kpireng olih Ida Pedanda kemanten, sakemaon taler kapireng olih krama sajebag jagat Bali, punika taler krama Subak Sampalan sane daweg nika katiben mrasa sakadi kausak-asik jero ketut (bikul), balang sangit miwah sane lianan. Ri kala mireng kasaktian tetiga tapel punika, silih tunggil okan klian subak kautus mangda nyingakin tapel punika ring Pura Dalem Nusa. Sapangrauh dane irika, klian subak nunas panugrahan mangda Subak Sampalan nenten katiben sakancan mrana sane ngawinang sarwa tetanduran padem. Pinunas punika kapolihang. Nenten sue raris mrana punika ical saking Subak Sampalan. Carike mupu akeh.
Raris kramane nglaksanayang upakara mapeed. Kahanan punika kasarengin antuk subak-subak ring wewidangan Sampalan. Gatra indik upakara mapeed punika kapireng kantos ring sajebag Nusa. Duk punika, I Dewa Agung Klungkung ngentosin wastan Pura Dalem Nusa dados Pura Dalem Peed (Ped).
Yadiastun wenten kruna "dalem", sakewanten pura punik anenten ja silih tugggil paiketan saking Tri Kahyangan. "Dalem" mateges ratuning jagat Nusa Penida daweg punika. Dalem utawi ratu sane katuju ingggih punika Ratu Gede Nusa utawi Ratu Gede Macaling.
Wenten lelima wewidangan pura sane dados asiki ring Pura Penataran Agung Ped. Sembah bakti sane kapertama kalaksanayang ring Pura Segara, pinaka genah malingggih Bhatara Baruna, magenah ring sisi kaler, nampek ring pasisi Selat Nusa. Sembah bakti kaping kalih kalaksanayang ring Pura Taman sane magenah ring sisi kelod Pura Segara tur madaging kolam sane ngiterin palinggih pinaka genah panyucian. Salanturnyane sembah bakti kaping tiga nuju ka sisi kauh, wenten pura utama inggih punika Penataran Ratu Gede Macaling pinaka cihna kasaktian ratuning jagat Nusa daweg punika. Sembah bakti kaping untat kalaksanayang ring sisi kangin inggih punika palinggih Ratu Mas. Sane pinih untat, ring jaba tengah wenten Bale Agung pinaka genah malinggih betara-betara ri kala ngusaba.
Soang-soang pura kajangkepin antuk palingih, bale parantenan miwah wangunan-wangunan lianan nganutin tetujon suang-suang pura. Lianan ring indike punika, ring jaba wenten asiki wantilan sane marupa bale banjar sakadi ring Badung.
Makasami wangunan sane wenten ring Pura Penataran Agung Ped sampun kabecikang, sajabaning barang-barang sane pingit. Imbanyane, makakalih wewidangan luire genah Ratu Gede Macaling sane wenten ring Pura Ratu Gede miwah genah Ratu Mas sane wenten ring Pelebaan Ratu Mas. Nenten wenten sane purun ngantug makakalih wewidangan punika. Sapunika taler wewangunan pingit sane lianan. Yening wenten utsaha jagi ngamecikin genah punika, pastika jagi kawangun wewangunan pateh ring samping wangunan pingit punika.
Pelestarian Penyu Deluang Sari magenah ring Kelurahan Tanjung benoa Kecamatan Kuta Selatan inggih punika silih tunggil genah penangkaran miwah konservasi penyu ring Pulo Bali. Makudang-kudang kegiatan sane sida kalaksanayang olih para torise sakadi nyingakin penangkaran penyu, mapoto sareng penyu, miwah nyingakin ilen-ilen tari saking krama i rika. Yening toyan segarane sedeng bebet, torise wantah nelasang galah 15 menit ngangge pedau nuju genah penangkaran penyu puniki. Sakewanten yening toyan segarane aad, torise dados mamargi nuju genah puniki nenten ngangge pedau utawi jalan kaki. Ring panglimbaknyane, genah puniki kaurus olih kelompok bendega Deluang Sari. Saking utamaning Kabupaten Badung nuju genah puniki wantah 32 km dohnyane, taler nelasang galah sawatara 1 jam 30 menit. Yening saking genah Pelestarian Penyu Deluang Sari nuju Bandara Internasional Ngurah Rai wantah 13 km tur nelasang galah sawatara 25 menit.
Alamat: Tj. Benoa, Kec. Kuta Sel., Kabupaten Badung, Bali +
