Property:Place information text ban
From BASAbaliWiki
P
OM SWASTIASTU
ring rahine becik puniki titiang jagi nguningayang indik desa titiang e puniki desa yeh kori
Desa yeh kori punike megenah ring kecamatan Bebandem kabupaten karangasem,tepat ring bongkol gunung agung e pisan, nah nike sane ngranayang ambara ring desa yeh kori punike asri lan masyarakat yane akeh sane ngangonang Banteng lan metanduran ring abian .desa yeh kori punike kentel tekening budaya leluhur sane kelestariang ngantos mangkin nanging ring kuub jagat e sekadi mangkin akeh upecare agame sane nenten ke dadosang kelaksanyang ring masan pandemi puniki
nah pengidih titiang teken bapak ibu pemerintah ngiring mangkin cingakin potensi ring dese dese sane patut kelestariang miwah ekonomi ring dese seusan pademi puniki ,lan pengidih titiang ring krame bali sareng sami ngiring lestariang budaya baline sane nyansan mklo nyanyasan memudar ,
kiranglangkung Titiang nunas pengampura
om Shanti Shanti Shanti om +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin indik desan titiangé puniki.
napi sane ngeranayang para wisatawan e rauh keBali? inggih punika Pulau Baline terkenal antuk tradisi seni lan budayane sane keuning e para wisatawane antuk Seni Tarian . sakewale akeh pisan alit - alit e maka sami sane engsap teken tradisine ulian para preginane teen medue jinah anggen sewa pakaian . Titiang dados generasi muda jagi nyobyahang ring pemerintah dumogi Pemerintah ngewantu para preginan e antuk nyumbangin seragam tari anggen para pregina
basabaliwiki.org
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi
@siskaikhaa @intansptr__ @yumaslistya +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin genah potensial ring Désa tiangé.
Rahajeng semeton sami, napiké semeton uning indik prapat puniki magenah ring pasisi Désa Pemogan?, majeng ring semeton sané sering ngalintangin jalan Tol Bali Mandara pastika semeton nyingakin kawentenan prapat sane wenten ring pasisi Désa Pemogan puniki. Prapaté pinaka jalaran nepasin rug palemahane utamanyane nepasin rug palemahan genah para beburone.
Kawentenan punika nenten wantah ring beboron manten, sakewanten taler ring para janané. Prapaté sampun dados pangraksa palamahan sané mabuat ring pesisi Désa Pemogané. Lianan ring punika prapaté pinaka sinalih tunggil genah sane mresidayang ngaraksa wates pasisi lan sagara. Erosi pesisi pacang satata ngalahlah ring pasisi mawinan pinaka baya ring palamahané para janané. Taler pacang banget ngawinang baya sane agung. Prapat pinaka silih sinunggil sarana sané mabuat nepasin pasisi pasihe saking ombak sagarané.
Wewidangan prapaté mresidayang kaanggen objek wisata. Antuk pamargi puniki ngawinang prapaté pacang dados tetujon wisatawan saking dura negara taler lokal. Pariwisata pacang ngawehin panglahlah sané becik ring ekonomi majeng ring para kramané tur ring nagara. Pinaka imba ngaryanin wisata nyelehin prapat nganggen kano utawi jukung sané kasayagayang. Iriki irage pacang ngamolihang suasana prapaté tur pemandangan jalan Toll Bali Mandara saking segarane. Puniki mresidayang pinaka potensi genah pariwisata tur nincapang perekonomian ring wewidangan prapat ring Désa tiangé puniki.
basabaliwiki.org
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi
NB : @yogiindrawan5 @kadeksuryaa @tugusde23 +
Padang Savana puniki magenah ring desa Tianyar, Kecamatan Kubu, Kabupaten Karangasem. Pamargin saking Kota Denpasar ngrereh genahe puniki nelasang galah 2 kantos 3 jam. Ring destinasi puniki pacang kapanggih genah sane lapang apadang, taler prasida tatas nyingakin gunung Agung sane nampek pisan. Sakewanten yening ida dane raus ring sasih terak, angsenganne pacang kebus bara, padange manados coklat, sakadi sane kabaos savana. Wenten makudang-kudang aktifitas sane prasida kalaksanayang, minakadi piknik, swafoto, utawi ngwedang ring warung lokal.
Sadurung kauningin dados destinasi wisata, genah puniki wantah genah penambangan bias. Kantos mangkin, wewidangan ring savana puniki sayan nguredang duaning nambang biase kantun nglantur. +
Om Swastyastu semeton
Dina mangkin titiang sareng kalih nguningayang indik genah sane becik lan asri ring Desa Sading Kabupaten Badung. Genah punika mawasta Pura Keraban Langit.
Irika wenten genah penglukatan anggen nyuciang angga ring sajeroning mala. Genah penglukatan puniki kadagingin antuk pancoran lima. Yening semeton jagi tangkil merika makta bungkak nyuh gading asiki miwah pejati asiki
Sane kapertama, semeton patut ngaturang bungkak nyuh gading sane jagi kaanggen malukat, selanturnyane semeton dados mesalin nganggen baju adat malih. Raris semeton nuju genah ngaturang bungkak tur melukat nganggen bungkak punika. wusan punika semeton dados ngranjing ring goa tur nglaksanayang pamuspan.
ngiring semeton, simpang nggih ✨ +
Pancoran Solas Alas Tapa kaprecaya olih krama Desa Peninjoan dados genah sane pingit miwah kasuciang. Pancoan Solas Alas Tapa kawangun antuk solas pancoran sane ngicenin kasukertan miwah nepasin sakancan mala. Pancoran Solas Alas Tapa puniki magenah ring sor abing Alas Tapa, juran Subak Tabunan. Saka siki pancoran punika madue wasta sane mabinayan, saking kauh wenten Tirta Alas Tapa, Tirta Bulan, Tirta Surya, Tirta Julit, Tirta Dedari, Tirta Banyumas, Tirta Barong, Tirta Sudamala, Tirta Tunggang, Tirta Blutbut, Tirta Mampeh. +
Titiang pinaka generasi milenial sadia ngwangun desa malarapan antuk BASAbali Wikithon Partisipasi Publik #5: Ngawangun Desa. Ngiring cingakin indik desan titiange puniki.
Om Swastiastu sameton, rahajeng rauh ring Desa Keramas.! 😊
Desa titiang puniki, madue 11 toya klebutan. Silih tunggil pacang kasobiahang ring video niki inggih punika Klebutan Pekerisan. Klebutan puniki, genah para kramane ngrereh toya inum, kaanggen genah masiram ring tukade, taler kaanggen toya pangelukatan banten miwah toya ening ring upacara pitra yadnya. Titiang mapikayun dumugi ja genah ring 11 pancoran punika prasida dikembangkan olih pemerintah, sakadi conto wisata tirta ring Pura Tirta Empul, mangda madue sumber pendapatan desa, santukan akeh madue potensi sane becik.
Taler ri kawentenan margi ka genahe punika wenten pikobet, tembok ring sisi kaja jebol, ring masan ujan taler longsor, keweh para pengendara ngliwatin margi punika. Punika taler banget titiang mapinunas mangda temboke prasida kabenahin, mangda ring margi iraga sareng sami satata kaicenin selamet rahayu... 🙏
Ngiring malancaran ka desan titiange, ngrereh toya murni sambilang mememan waduk ring tukade ening!!!
basabaliwiki.org
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi
NB : @sngyu_rahma @puspadewi____ @made_lastriasih +
Pnglukatan Sapta Gangga Pura Tirta Empul ring Desa Adat Timbrah, Kecamatan Karangasem magenah sawatara 8 km saking tengahing Kota Amlapura. Yening jagi nuju Pancoran Panglukatan Sapta Gangga Pura Tirta Empul puniki, marginnyane sampun becik, ngliwatin margi lingkar beton sane sisinnyane wenten carik linggah. Krama miwah turis sane rauh, malukat utawi masiram, nenten naur tiket ngranjing, wantah ngaturang dana punia samaliha makta banten pejati miwah canang sari sane jagi katur ring Palinggih Pura miwah ring Kolam Pancoran. Pinaka genah suci, wenten tata titi sane patut kalaksanayang sakadi nenten dados ngranjing ring wewidangan Pura miwha kolam pancoran yening kari cuntaka, punika taler nenten dados masiram tan pawastra miwah nenten dados ngawag-awag ngentungang luu. +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin indik desan titiangé puniki.
Om Swastiastu, tiang Ni Putu Yuni Darmayanti, sareng Putu Swandewi, lan Kadek Dinda Aryanta Sarin jagi nguningayang antuk napi manten potensi ring Desa Tihingan.
Desa Tihingan inggih punika silih sinunggil desa wisata sane magenah ring Kabupaten Klungkung, akeh wargane sane dados pangrajin gamelan.
Pilih-pilih masan pandemi sakadi mangken kacutetan ten wenten sane matumbasan gamelan ring desa Tihingan. Punika sane mawinang mabot pisan para pemerintah urati sakadi nguluran tangan ngewantu pasemetonan irika sakadi nyobiahang utawi nincapang promosi ring karyan-karyan ipunne. Riantukan sakadi makarya gamelan wantah sasat pangupa jiwa krama Desa Tihingan.
Om Santih, Santih, Santih Om +
Pasisi Balian magenah ring wewidangan sisi kauh Kabupaten Tabanan, utamannyane ring Desa Langlanglinggah, Kecamatan Selemadeg Barat. Kaloktah pinaka silih tunggil genah selancar ring Bali sane kasenengin olih para toris dura negara santukan pasisi puniki kantun sepi. +
Pasisi Batu Pageh magenah ring Desa Ungasan Kecamatan Kuta Selatan. Pasisi Batu Pageh inggih punika pasisi sane mabias putih, becik pisan kaanggen genah mararian santukan kawentenan pasisi sane ngulangunin. Ring panglimbaknyane, Pasisi Batu Pageh kaempon olih Yayasan Batu Pageh miwah Desa Adat. Saking tengahing Kabupaten Badung nuju Pasisi Batu Pageh dohnyane 32,1 km tur nelasang galah 1 jam 24 menit. Yening saking Pasisi Bau Pageh nuju Bandara Internasional Ngurah Rai, dohnyane 12 km tur nelasang galah 30 menit. +
Pasisi puniki magenah ring sisi kelod Pulo Bali , utamannyane ring Desa Pecatu, Kuta Selatan, Kabupaten Badung. Lianan ring punika, pasisi puniki nampek sareng pasisi Dreamland, pasisi Padang-Padang, miwah pasisi Balangan. Yening mamargi saking Denpasar nuju pasisi puniki nelasang galah sawatara ajam. +
Pasisi Geger Sawangan inggih punika silih tunggil pasisi mabias putih sane wenten ring Kabupaten Badung. Pasisi puniki magenah ring Desa Benoa, Kecamatan Kuta Selatan. Lianan ring mapoto miwah namtamin kelanguan ring Pasisi Geger Sawangan, para turise mrasidayang mamargi ring tepining pasisi sapisanan negakin unta. Pasisi Geger Sawangan puniki kaempon olih koperasi sane satata makarya sareng desa adat miwah sampun madue petugas keamanan mangda ngawinang para turise marasa aman. Saking tengahing Kabupaten Badung nuju Pasisi Geger Sawangan dohnyane 30,1 km tur nelasang galah 1 jam 9 menit. Sakewanten saking Pasisi Geger Sawangan nuju Bandara Internasional Ngurah Rai wenten sawatara 13,2 km tur nelasang galah sawatara 23 menit. +
Passi Kedonganan magenah ring desa Tuban, Kecamatan Kuta Selatan. Pasisi puniki madue bias putih miwah kaloktah antuk desa bendega. Lianan ring namtamin kalanguan pasisi sane becik, para turise prasida nyingakin matanai sane engseb, majemuh miwah malayar nganggen jukung sane kasewaang olih para bendega irika. Pasisi Kedongana taler wantah pasisi sane kaloktah antuk ajeng-ajengan segara raris ngawinang para turise seneng pisan sareng genahe puniki. Ring panglimbaknyane, Pasisi Kedonganan kaempon olih BPKP2K sane makarya sareng desa adat irika. Saking tengahing Kabupaten Badung nuju Pasisi Kedonganan dohnyane 21,3 km tur nelasang galah sawatara 58 menit. Sakewanten yening saking Pasisi Kedonganan nuju Bandara Internasional Ngurah Rai dohnyane wantah 5km tur nelasang galah sawatara 13 menit. +
Pasisi Labuan Sait sane magenah ring Desa Pecatu Kecamatan Kuta Selatan inggih punika silih tunggil pasisi mabias putih sane madue ombak gede tur ngawinang pasisi puniki dados genah becik anggen maselancar. Lianan ring surfing, para turise dados majukungan, mancing, miwah namtamin kalanguan matanai sane engseb irika, taler pasiis puniki kadadosang genah mapoto praweding. Ring panglimbaknyane, pasisi puniki kaempon olih desa adat. Saking tengahing Kabupaten Badung nuju Pasisi Labuan Sait dohnyane 35,3 km tur nelasang galah sawatara 1 jam 31 menit. Sakewanten yening saking Pasisi Labuan Sait nuju Bandara Internasional Ngurah Rai dohnyane 19,1 km tur nelasang galah sawatara 44 menit. +
Pasisi Mertasari Sanur inggih punika silih tunggil pasisi sane luih katuju ri kala malancaran ka Sanur. Pasisi Mertasari Sanur puniki taler madue akeh genah mapotrek (mapoto). Ring sisi kauh Pasisi Mertasari, para turise sida manggihang genah mapoto sane becik pisan. Ring genah puniki, wenten makudang-kudang prapat kering sane majajar, becik pisan anggen genah mapoto. Napi malih yening mapoto ri kala sanja. +
Pasisi Nusa Dua inggih punika pasisi mabias putih miwah silih tunggil genah ngatonang matan ai ri kala wawu endag. Pasisi punki magenah ring esa Benoa, Kecamatan Kuta Selatan, Kabupaten Badung. Genah wisata puniki karunguang olih BTDC punika ngawinang fasilitas pariwisata i riki sampun jangkep tur sampun nagingin sajeroning kaperluan para torise.
Saking tengahing Kabupaten Badung nuju Pasisi Nusa Dua dohnyane 29.3 km tur nelasang galah sawatara 1 jam 9 menit. Yening saking Pasisi Nusa Dua nuju Bandara Internasional Ngurah Rai dohnyane 12 km tur nelasang galah sawatara 30 menit. Fasilitas sane wenten ring wewidangan Pasisi Nusa Dua utamannyane ring Desa Benoa inggih punika 41 hotel berbintang, 5 hotel melati, miwah 134 pondok wisata.Taler wenten 5 restoran miwah 25 genah numbas ajengan. +
Pasisi Nyang-Nyang magenah di Desa Pecatu Kecamatan Kuta Selatan. Makudang-kudang atraksi wisata sane sida kalaksanayang olih para torise makadi selancar, majemuh, miwah negak-negak di pasisi. Ring panglimbak kawentenan Pasisi Nyang-Nyang kaempon olih krama i rika sakewanten tetep maprakanti sareng desa adat. Saking utamaning Kabupaten Badung nuju Pasisi Nyang-Nyang dohnyane sawatara 34.7 km tur nelasang galah sawatara 1 jam 30 menit. Yening nuju Pasisi Nyang-Nyang saking Bandara Internasional Ngurah Rai dohnyane sawatara 19 km tur nelasang galah sawatara 40 menit. +
Pasisi Padang-Padang magenah ring Desa Pecaru Kecamatan Kuta Selatan. Pasisi puniki mabias putih tur madue ombak sane becik kaanggen selancar. Genah puniki taler becik pisan kaanggen ngatonang kawentenan matanai sane engseb utawi sunset. Ring panglimbak kawentenan pasisi Padang-Padang puniki kaempon olih krama sane maprakanti sareng desa adat. Saking tengahing Kabupaten Badung nuju Pasisi Padang-Padang wenten sawatara 35.3 km miwah nelasang galah sawatara 1 jam 31 menit. Yening saking Pasisi Padang-Padang nuju ka Bandara Internasional Ngurah Rai dohnyane 19.1 km tur nelasang galah sawatara 43 menit. +
Genah wisata Pasisi Penimbangan ring Singaraja Buleleng Bali inggih punika genah krama utamannyane para yowanae malancaran, ngrasayang kalanguan pasih, ombak, sinambi nyicipin ajeng-ajengan ring warung-warung pasisi. I rika wenten akeh ajeng-ajengan lokal sakadi tipat, blayag, jagung bakar, roti bakar miwah akeh minuman. +
