Property:Place information text ban
From BASAbaliWiki
N
Desa Sukawati magenah ring Kecamatan Sukawati, Kabupaten Gianyar. Driki wenten destinasi wisata mawasta Jogging Track Sudamala Sukawati. Genahnyane sane asri, becik pisan kanggen mawisata napi malih objek puniki nenten doh saking ibu kota Denpasar. Sakewanten kantun wenten pikobet-pikobet ring genah puniki sane patut kabecikang malih. +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin genah potensial desa puniki.
Om swastyastu, Desa Subagan magenah ring Kecamatan Karangasem. Pastika semeton sami sampun uning indik Desa Subagan sane asri tur aman puniki. Wenten makudang-kudang banjar miwah fasilitas pemandian umum sane sampun pastika bersih lan aman. Nenten ja nika manten, iriki taler wenten tetajukan sane asri miwah kegiatan anak cerik ri kala hari libur sekolah. Nenten lali, i riki ring Desa Subagan taler akeh wenten pura sane kasuciang miwah karya i rika ring pura ri kala wenten rerahinan. Nahh, ring genah puniki pastika anake sane nyingakin kalanguan jagate puniki pacang marasa wenten ring genah sane santhi, nenten wenten gagodan sane kaon. Niki magenah ring tengah carike. Genah puniki becik pisan nyingakin matan ai rikala surup nglantur ring ri kala wengine rauh. Niki mawinan Desa Subagan patut kauratiang olih pemerintah.
Om santih, santih, santih om
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin genah potensial ring Désa tiangé.
Ritatkala pandemi ngantos tahun puniki, akeh genah wisata sane biasannyane rame mangkin dados sepi.
Akeh usaha-usaha dadosne tutup punika kecingak ring margi ring wilayah Kuta.
Ring dija lunganne pun khusus pare karyawan akeh akhir ipun berusaha mukak umkm ring wilayah sane caket ring genah rumah ipun. Akeh program sane becik ketawahang olih pemerintah mina kadi modal usaha.
Nanging akeh sane mukak usaha sane pateh. Akeh usaha ipun nenten memargi becik. Akeh faktor sekadi pengetahuan peluang usaha sane akedik lan promosi anggih masyarakat lokal ring wilayah lianan nenten nuning usaha punika.
Harapan ipun, pemerintah mogi wenten perhatian lanjut minakadi masalah lan solusi terkait masalah punika. Minakadi kaicen edukasi peluang usaha ring banjar-banjar sekaligus promosi usaha ipun ring rahina punika.
basabaliwiki.org
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi
NB : +
Titiang pinaka generasi milenial sadia ngwangun desa malarapan antuk BASAbali Wikithon Partisipasi Publik #5 : Ngwangun Desa. Ngiring cingakin indik ring désan titiange puniki
Om Swastiastu 🙏🏻
Desa Budakeling désa sane magenah ring kecamatan bebandem kabupaten Karangasem, désa budakeling désa sane asri lan désa sane akeh tekaning seni lan budaya,
Dwaning jagate daweg puniki ngantos mangkin keni gering agung Covid-19, nike ngawinang kesenian ring budakeling nenten kemargiang becik,
Sane mangkin ngiring pemerintah, krama désa, yowana lan alit-alite sareng sareng ngwangun désa budakeling mangde mensupport ngajegang kesenian sane wenten ring désa budakeling puniki mangde tetep ajeg lan lestari
Om Santih, Santih, Santih Om🙏🏻
basabaliwiki.org
@wikibasabali
@pasikianyowana.bali
@mamedwedanta
@_bayupnde
@pandewita_
@__maprimaaa
#basabaliwiki #wikithon
#partisipasipublik
#wikithonpartisipasipublik
#ngwangundesa
#membangundesa
#milenialberaksi +
Titiang pinaka generasi milenial sadia ngwangun desa malarapan antuk BASAbali wikithon partisipasi publik #5 : Nincapang Kerajinan Tikeh Pandan Lan Genah Pariwisate Bukit Bulgari Ring Banjar Pekarangan
Om Swastiastu,
Desa Ngis magenah saking kecamatan manggis,kabupaten Karangasem,Bali.Desa ngis madue tigang banjar salah satunnyane banjar pekarangan.Mayoritas utsaha masyarakat ring banjar pekarangan,makarya ngaryanin tikeh pandan,terutaman ipun sane istri.Sane lanang makarya ring uma taler wenten sane dados buruh.Tikeh pandan niki dados Keanggen genah aturan ritatkala ngelaksanayang upacara keagamaan hindu lan dados kaanggen genah melinggih.
Ring banjar pekarangan puniki madue genah wisata sane mawasta Bukit Bulgari.Ring genah wisata puniki,wisatawan pacang mresidayang nyingakin segara,uma,gunung agung,sunset,miwah keasrian banjar pekarangan.Nanging iriki dereng wenten genah sampah,wau madue genah mefoto asiki kemanten lan dereng madue genah neduh ritatkala sabeh.
Pinunas titiang majeng ring pamerintah,sane kapertama : mangda pamerintah nincapang utsaha masyarakat ring banjar pekarangan antuk nyobyahang ring masyarakat antuk kewigunan tikeh pandan punika.Mangda masyarakat uning kawigunannyane lan ngewantu mangkitang perekonomian ring banjar pekarangan.Sane kaping kalih: mangda pemerintah ngewangun genah mefoto sane anyar lan ngewangun genah neduh.Mangda wisatawan ngancan seneng malancaran ring genah wisata niki,lan mangda desa iriki dados desa wisata sane asri.
Om,Santih,Santih,Santih,Om +
Desa Nongan iggih punika silih tunggil desa sane magenah ring Kecamatan Rendang, Kabupaten Karangasem, Provinsi Bali. Desa Nongan puniki genahnyane kabaos doh saking ibu kota kabupaten. Desa Nongan madue wates-wates desa, luire: sisi kaler (Desa Rendang); sisi kangin (Desa Rendang), sisi kelod (Desa Penaban). Desa Nongan madue makudang-kudang sumber daya alam sane sida kalimbakang. Linan rin punika, baga pertanian miwah perkebunan ring Desa Nongan akehan nandur salak bali, nyuh, padi, miwah pala bungkah. Ring baga industri, krama akehan ngwangun utsaha jaja tradisional miwah jasa. +
Pulo Lembongan utawi yening ring Bali kasengguh Nusa Lembongan inggih punika silih tunggil pulo alit sane magenah ring 8°40.906′S 115°27.067′E, nampek sareng Nusa Ceningan. Pulo puniki sawatara 2 kilometer saking sisi kauh Nusa Penida di Selat Badung, sisi kelod kangin Pulo Bali.
Foto puniki kaambil duk warsa 1984. +
O
Desa adat Biaung magenah ring kecamatan Penebel, kabupaten Tabanan. Pateh sekadi wewidangan sane wenten ring tabanan, Biaung naler madrue aset merupe tegal lan carik. Aset punika ngawinan Biaung prasida ngaryanin padi utawi abian lianan sane akeh.
Kemaon, aset paling ageng sane kadruenin olih desane driki inggih punika "YOWANA". Kreativitas yowanane ngaryanin kegiatan minakadi olahraga bola voli sane rutin kalaksanayan nyabran rahina.
Yowanane naler rutin ngawentenann pertandingan antar desa sane prasida ngewantu perekonomian kramane mejalaran antuk ngadol tiket lan warung ring sekitaran wantilan. Pengaptinnyane mangda pemerintah prasida ngicen wantuan pembinaan lan pembangunan insfrastruktur olahraga mangda potensi niki dados kelimbakan.
Sire uning benjang pungkur atlet voli nasional prasida lahir saking Biaung. +
P
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin indik desan titiangé puniki.
Ong Swastyastu, Halo Nyama, tiang Déwa Ayu Manis sareng timpal tiang Désak Maharani lan Yuli Setiawati jagi ngwedar indik silih tunggil poténsi Désa sané wénten ring Banjar Pemenang, Désa Adat Pemenang, Nyalian, Kec. Banjarangkan, Klungkung, Bali. Nyama nawang sing ? Sujatiné di Désa Nyalian ada pengrajin capil loo... malakar aji slépan nguda ané madan demela. Cara ngaéné ruet, kéwala ajin capilé mudah sajan. Utsaha ené pinaka tetamian leluhur ditu, tusing ada désa len ane ngae. Apang nyama nawang ade pikobet ané karasayang olih pengrajiné care bahan baku né kéweh ngalih, promosi utawi pemasaran né kuang liu. Pangaptin pengrajiné mangda ajin capil puniki prasida kapenékang akidik, prasida nyarengin UMKM Tingkat Provinsi, lan kaangkat dados Ikon Désa.
Dumugi saking video niki pemerintah prasida ngwangun Désa utamanyané ring pembinaan kelompok kerja sané madué poténsi akéh puniki mangdané prasida katincapang malih, ngicénin wantuan finansial utawi dana lan nyokong Désa sekadi promosi mangda prasida pemasarannyané ngantos ka dura negara.
Ong Santih, Santih, Santih Ong +
Pasar Seni Sukawati ene mabenahin sekat tahun taun 2019. Jani suba suud kewala konden liu ade turis ane meblanje kemu. Di peken ene sube liu masih ade dagang baju, kerajinan lan ane lenan. Kenken carane ngorahang ajak anak liu, peken ene sube bisa ka tuju. +
OM SWASTIASTU
ring rahine becik puniki titiang jagi nguningayang indik desa titiang e puniki desa yeh kori
Desa yeh kori punike megenah ring kecamatan Bebandem kabupaten karangasem,tepat ring bongkol gunung agung e pisan, nah nike sane ngranayang ambara ring desa yeh kori punike asri lan masyarakat yane akeh sane ngangonang Banteng lan metanduran ring abian .desa yeh kori punike kentel tekening budaya leluhur sane kelestariang ngantos mangkin nanging ring kuub jagat e sekadi mangkin akeh upecare agame sane nenten ke dadosang kelaksanyang ring masan pandemi puniki
nah pengidih titiang teken bapak ibu pemerintah ngiring mangkin cingakin potensi ring dese dese sane patut kelestariang miwah ekonomi ring dese seusan pademi puniki ,lan pengidih titiang ring krame bali sareng sami ngiring lestariang budaya baline sane nyansan mklo nyanyasan memudar ,
kiranglangkung Titiang nunas pengampura
om Shanti Shanti Shanti om +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin indik desan titiangé puniki.
napi sane ngeranayang para wisatawan e rauh keBali? inggih punika Pulau Baline terkenal antuk tradisi seni lan budayane sane keuning e para wisatawane antuk Seni Tarian . sakewale akeh pisan alit - alit e maka sami sane engsap teken tradisine ulian para preginane teen medue jinah anggen sewa pakaian . Titiang dados generasi muda jagi nyobyahang ring pemerintah dumogi Pemerintah ngewantu para preginan e antuk nyumbangin seragam tari anggen para pregina
basabaliwiki.org
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi
@siskaikhaa @intansptr__ @yumaslistya +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin genah potensial ring Désa tiangé.
Rahajeng semeton sami, napiké semeton uning indik prapat puniki magenah ring pasisi Désa Pemogan?, majeng ring semeton sané sering ngalintangin jalan Tol Bali Mandara pastika semeton nyingakin kawentenan prapat sane wenten ring pasisi Désa Pemogan puniki. Prapaté pinaka jalaran nepasin rug palemahane utamanyane nepasin rug palemahan genah para beburone.
Kawentenan punika nenten wantah ring beboron manten, sakewanten taler ring para janané. Prapaté sampun dados pangraksa palamahan sané mabuat ring pesisi Désa Pemogané. Lianan ring punika prapaté pinaka sinalih tunggil genah sane mresidayang ngaraksa wates pasisi lan sagara. Erosi pesisi pacang satata ngalahlah ring pasisi mawinan pinaka baya ring palamahané para janané. Taler pacang banget ngawinang baya sane agung. Prapat pinaka silih sinunggil sarana sané mabuat nepasin pasisi pasihe saking ombak sagarané.
Wewidangan prapaté mresidayang kaanggen objek wisata. Antuk pamargi puniki ngawinang prapaté pacang dados tetujon wisatawan saking dura negara taler lokal. Pariwisata pacang ngawehin panglahlah sané becik ring ekonomi majeng ring para kramané tur ring nagara. Pinaka imba ngaryanin wisata nyelehin prapat nganggen kano utawi jukung sané kasayagayang. Iriki irage pacang ngamolihang suasana prapaté tur pemandangan jalan Toll Bali Mandara saking segarane. Puniki mresidayang pinaka potensi genah pariwisata tur nincapang perekonomian ring wewidangan prapat ring Désa tiangé puniki.
basabaliwiki.org
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi
NB : @yogiindrawan5 @kadeksuryaa @tugusde23 +
PURA BALE AGUNG PAYANGAN
Pura Bale Agung ring Payangan inggih punika silih tunggil pura kahyangan desa sane wenten ring Desa Payangan, Gianyar, Bali. Pura puniki dados pura kahyangan desa sane Ngelinggihin Ida Bhatara sane ngicenin penugrahan ring desa lan krama Desa Payangan. Pura Bale Agung puniki wantah pura utama utawi pura induk ring desa punika. E
Pura Bale Agung puniki nglaksanayang upacara-upacara ageng utawi upacara desa sekadi odalan subak,odalan budha umanis julungwangi miwah upacara adat sane mapaiketan ring kahyangan utawi jagat desa. Ring Pura Bale Agung Payangan madue tradisi inggih punika tradisi "Ngebek" sane kamargiang ring rahina budha kliwon wuku dunggulan utawi Rahina Galungan.
Tradisi Ngebek ring Pura Bale Agung Payangan sampun dados tetamian para leluur ring Desa Payangan, Gianyar. Tradisi Ngebek punika tradisi sane ngrauhin 24 tapakan barong miwah rangda ring wewidangan desa Melinggih,Ubud miwah Bongkasa, jagi nyaksiang puja wali miwah nunas taksu ring Pura Bale Agung Payangan.
Ri wusan Tradisi Ngebek ring rahina Galungan punika, kalanturang ring rahina manis Galungan, krame desa pengemong Pura Bale Agung Payangan jagi nglaksanayang tradsi “Melelawangan” utawi melancaran ring wewidangan Desa Melinggih,Payangan,Sepetedunan tapakan Ida Bhatara tapakan barong miwah rangda melancaran,krama lanang desa Payangan sami makta seselet utawi keris, ring soang soang pagubugan krama Istri desa Payanagan sami sampun siaga ngaturang bakti nunas karahayuan tur kerahajengan jagat sami. +
PURA TIRTA EMPUL
Pura Tirta Empul silih tungil Pura Hindu Bali sane kasub ring jagat Bali. Magenah ring Desa Manukaya, Tampaksiring, Gianyar, Bali, Pura niki kasub antuk genah nglebur ane kasenguh prasida nyuciang angga sarira miwah jiwatma tur ngelebur sahananing mala. Pura Tirta Empul silih tungil genah wisata spiritual sane ngulagunin manah wisatawan lokal utawi mancanegara antuk ngrasayang upacara panglukatan miwah nyaksiang budaya Bali sane ajeg.
Sejarah Pura Tirta Empul
Pura Tirta Empul kawagun warsa 926 Masehi ring masa kerajaan Warmadewa. Pasengan “Tirat Empul” ngawit saking pamedalan Tirta suci ring Pura niki sane ngalir ka tlaga-tlaga panyucian. Pura niki kaabadiang antuk Dewa Wisnu Satwa rakyat Bali ngwedar pamedal titra punika kakardi olih Dewa Indra sane kaanggen meragin kawisesan Raja Maya Denawa sane pacang makardi sengkala ring jana Bali. Ring satwa punika Dewa Indara nyiratin toya suci ring genah punika antuk ngwaliang urip para prajurit sane kanin ring payudan.
Arsitektur Pura Tirta Empul
Minakadi pura-pura Hindu sane lianan ring Bali. Pura niki kapah dados tiga inggih punika jaba pura (halaman luwar), jaba tengah (halaman tengah), sareng jeroan (halaman dalam atau inti Pura). Ring jeroan wenten tlaga panyucian sane dados daya tarik utama. Pura Tirta Empul toya ring tlaga niki membah saking pamedalan toya sane mawit saking pertiwi membah saking pancoran-pancoran sane soang-soang madue kawigunan ring upacara panglukatan.
Upecara Miwah Makna Talaga Panyucian
Tlaga Penyucian ring Pura Tirta Empul pinaka genah utama ring umat Hindu miwah para tamiu antuk nglaksanayang upacara panglukatan ring upacara puniki, para tamiu ngaturang sembah miwah nyuciang angga sarira ring sor pancoranyane sane akehyane telung belas pancoran sane soang-soang madue spiritual sane matiosan. Sang sane nglaksanayang panglukatan luire maraup ring prarai, duur, miwah anganyane ring sor pancoran niki antuk nunas karahayuan, karahajengan, miwah riged ring angga sarira
Upacara panyuciaan niki luire kakawit ngastawa raris kalanturang atuk nyelebang duur ring sor pancoran saking soang-soang toya pancoran. Soang-soang pancoran punika kapracaya madue kawisesan antuk nyuciang raga miwah pikayunan miwah ngawetuang manah suci majeng ring sapasira ugi sane nglaksanayang. Upacara malukat nenten wantah kamargiang olih umat Hindu Bali. Nanging, kamargiang taler olih para tamiu sane meled ngrasayang galah spiritual becik sakadi puniki.
Pura Tirta Empul Pinaka Destinasi wata Spirituwal
Satiosan pinaka genah suci majeng ring umat Hindu Bali, Pura Tirta Empul taler dados silih tungil tatujon wisatawan sane kaloktah ring Bali. Akeh wisatawan sane rauh jagi ngerasayang upacara malukat utawi wantah jagi miarsayang arsitektur Pura sane megah miwah lingkugan alam sane asri. Majeng ring para wisatawan, Tirta Empul pinaka genah sane ngaturang pengalaman sane matiosan miwah teleb, ngawinang ipun sayan ngresepang miwah ngajinin tradisi miwah nilai-nilai spiritual Bali.
Tips Ngarahuin Pura Tirta Empul
1. Ngajinin Genah Suci: Para pengujung kaaptiang mangda ngajinin genah puniki pinaka genah sane suci. Ngangen busana sane sopan miwah kain sarung ( sane sampun kasediang ring are ngaranjing Pura )
2. Nginutin Prosedur: Yening pacang nginutin upacara malukat anut ring pituduh patugas Pura utawi pamandu wisatawan, pamekasyane ngenenin indik dudonan pancoran sane patut.
3. Nyaga Kebersihan: State nyaga kebersihan ring wewidanagn Pura, duwaning genah sane kaajinin miwah kasuciang olih masyarakat Bali
4. Dauh Sane Becik Antuk Ngarauhin: Dauh sane becik antuk ngarauhin ingih punika rikala semeng utawi sanje, ritatkala suasana nenten kalintang sibuk miwah sameton prasida ngrasayang katenagan ring Pura puniki.
Padang Savana puniki magenah ring desa Tianyar, Kecamatan Kubu, Kabupaten Karangasem. Pamargin saking Kota Denpasar ngrereh genahe puniki nelasang galah 2 kantos 3 jam. Ring destinasi puniki pacang kapanggih genah sane lapang apadang, taler prasida tatas nyingakin gunung Agung sane nampek pisan. Sakewanten yening ida dane raus ring sasih terak, angsenganne pacang kebus bara, padange manados coklat, sakadi sane kabaos savana. Wenten makudang-kudang aktifitas sane prasida kalaksanayang, minakadi piknik, swafoto, utawi ngwedang ring warung lokal.
Sadurung kauningin dados destinasi wisata, genah puniki wantah genah penambangan bias. Kantos mangkin, wewidangan ring savana puniki sayan nguredang duaning nambang biase kantun nglantur. +
Om Swastyastu semeton
Dina mangkin titiang sareng kalih nguningayang indik genah sane becik lan asri ring Desa Sading Kabupaten Badung. Genah punika mawasta Pura Keraban Langit.
Irika wenten genah penglukatan anggen nyuciang angga ring sajeroning mala. Genah penglukatan puniki kadagingin antuk pancoran lima. Yening semeton jagi tangkil merika makta bungkak nyuh gading asiki miwah pejati asiki
Sane kapertama, semeton patut ngaturang bungkak nyuh gading sane jagi kaanggen malukat, selanturnyane semeton dados mesalin nganggen baju adat malih. Raris semeton nuju genah ngaturang bungkak tur melukat nganggen bungkak punika. wusan punika semeton dados ngranjing ring goa tur nglaksanayang pamuspan.
ngiring semeton, simpang nggih ✨ +
Pancoran Solas Alas Tapa kaprecaya olih krama Desa Peninjoan dados genah sane pingit miwah kasuciang. Pancoan Solas Alas Tapa kawangun antuk solas pancoran sane ngicenin kasukertan miwah nepasin sakancan mala. Pancoran Solas Alas Tapa puniki magenah ring sor abing Alas Tapa, juran Subak Tabunan. Saka siki pancoran punika madue wasta sane mabinayan, saking kauh wenten Tirta Alas Tapa, Tirta Bulan, Tirta Surya, Tirta Julit, Tirta Dedari, Tirta Banyumas, Tirta Barong, Tirta Sudamala, Tirta Tunggang, Tirta Blutbut, Tirta Mampeh. +
Titiang pinaka generasi milenial sadia ngwangun desa malarapan antuk BASAbali Wikithon Partisipasi Publik #5: Ngawangun Desa. Ngiring cingakin indik desan titiange puniki.
Om Swastiastu sameton, rahajeng rauh ring Desa Keramas.! 😊
Desa titiang puniki, madue 11 toya klebutan. Silih tunggil pacang kasobiahang ring video niki inggih punika Klebutan Pekerisan. Klebutan puniki, genah para kramane ngrereh toya inum, kaanggen genah masiram ring tukade, taler kaanggen toya pangelukatan banten miwah toya ening ring upacara pitra yadnya. Titiang mapikayun dumugi ja genah ring 11 pancoran punika prasida dikembangkan olih pemerintah, sakadi conto wisata tirta ring Pura Tirta Empul, mangda madue sumber pendapatan desa, santukan akeh madue potensi sane becik.
Taler ri kawentenan margi ka genahe punika wenten pikobet, tembok ring sisi kaja jebol, ring masan ujan taler longsor, keweh para pengendara ngliwatin margi punika. Punika taler banget titiang mapinunas mangda temboke prasida kabenahin, mangda ring margi iraga sareng sami satata kaicenin selamet rahayu... 🙏
Ngiring malancaran ka desan titiange, ngrereh toya murni sambilang mememan waduk ring tukade ening!!!
basabaliwiki.org
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi
NB : @sngyu_rahma @puspadewi____ @made_lastriasih +
Pnglukatan Sapta Gangga Pura Tirta Empul ring Desa Adat Timbrah, Kecamatan Karangasem magenah sawatara 8 km saking tengahing Kota Amlapura. Yening jagi nuju Pancoran Panglukatan Sapta Gangga Pura Tirta Empul puniki, marginnyane sampun becik, ngliwatin margi lingkar beton sane sisinnyane wenten carik linggah. Krama miwah turis sane rauh, malukat utawi masiram, nenten naur tiket ngranjing, wantah ngaturang dana punia samaliha makta banten pejati miwah canang sari sane jagi katur ring Palinggih Pura miwah ring Kolam Pancoran. Pinaka genah suci, wenten tata titi sane patut kalaksanayang sakadi nenten dados ngranjing ring wewidangan Pura miwha kolam pancoran yening kari cuntaka, punika taler nenten dados masiram tan pawastra miwah nenten dados ngawag-awag ngentungang luu. +
