The Journey of Garbage from Upstream to Downstream in Besakih Village
This is a Response to the Sampah Upacara wikithon
Desa Besakih, desa sane suci tur asri, magenah ring bongkol Gunung Agung. Nyabran rahina, masyarakat Hindu iriki ngelaksanayang makudang-kudang upacara keagamaan ring pura, pinaka rupa rasa suksma majeng ring Ida Sang Hyang Widhi Wasa, alam lan leluhurnyane. Upakara puniki setata kapayasin antuk makudang-kudang aturan, sekar, don kelapa miwah woh-wohan. Nanging, ring ungkur kasucian upacara punika, wenten pikobet sane sering kaengsapang inggih punika sampah.
Risampune puput upacara, bunga sane layu, don sane tuh lan sisa-sisa ajeng-ajengan dados limbah organik sane patut digelis kakelola. Ring genahe puniki perjuangan tim satuan pengelolaan sampah Desa Besakih kakawitin. Dane sareng sami makarya antuk dedikasi anggen nglestariang kasucian alam sinambi mastikayang luu saking kulawarga miwah pura-pura punika kakelola becik.”
"Nyabran rahina, truk sampah ngiterin desa, ngerauhin sabilang umah miwah genah mabakti, mupulang luu organik lan anorganik." Tusing ja uli umah anake dogen, nanging masih uli pura-pura ane nyumbang luu uli aturan sabilang wai. "Luwu puniki kagingsirang ka TPS3R—Situs Pengolahan Luwu, Ngirangin, Ngawigunayang Malih, Daur Ulang."
"Ring TPS3R, tim punika jemet pisan nyorohang lulu organik miwah anorganik." Luu organik minakadi sekar lan don-donan punika kaolah dados kompos, selanturnyane luu anorganik kapisahin manut sorohnyane anggen kadaur ulang. "Pamargi puniki nenten aluh, nanging tim puniki makarya tan surud-surud, mangda prasida nglestariang palemahan sinambi nyaga nilai-nilai spiritual sane dahat kasub olih krama Hindu iriki."
"Pikolih saking jemet makarya puniki inggih punika kompos sane salanturnyane pacang kaanggen malih ngalebur tanah, nandur taru lan nyaga palemahan mangda asri." Pamargi puniki pinaka pahan saking siklus kahuripan sané saling mapaiketan—saking ngaturang majeng ring alam, kantos ngwaliang pikenoh majeng ring alam.”
"Antuk semangat gotong royong miwah eling ring mabuatnyane nyaga alam, tim satuan pengelolaan sampah Desa Besakih terus berjuang." Ipun nenten ja mupulang lulu kemanten, nanging taler nyaga kerukunan pantaraning manusa, alam lan spiritualitas. Ipun wantah pahlawan sane nenten kasub, sane makarya nyabran rahina mangda Desa Besakih tetep suci lan bersih, nyaga keseimbangan hidup lan palemahan."
"Saking umah, saking pura, ngantos TPS3R-makasami pinaka pahan saking pamargi suci anggen nyaga palemahan iraga."
- Category
- village
- Affiliation
- Desa Besakih
- Age
- 22-30
Enable comment auto-refresher