Procedures for Reducing Waste in Religious Activities
This is a Response to the Sampah Upacara wikithon
Yening panggih titiang, wiakti patut ritatkala meyadnya makeh leluu sane mauyag, sekadi leluu canang utawi leluu plastik. Santukan pura punika genah suci, nenten patut yening wenten leluu sane mauyag. Sekadi manah titiang mangda sida ngirangin leluu ritatkala meyadnya inggih punika: 1. Nyiagayang genah leluu kalih soroh, inggih punika organik miwah anorganik, santukan leluu organik punika mresidang dados pupuk kompos, yening leluu anorganik prasida kadaur ulang dados sarana sane maguna. 2. Matur uning ring krama sami mangdane ngentungang leluu ring genahnyane, tur ngemargiang mareresik wusan mayadnya. 3. Sampunang nganggen sarana pamuspan anggen sepisan sekadi plastik, sepatutnyane nganggen sarana pamuspan sane sida kaangge selantur ipun, sekadi bokoran. 4. Sewengkon desa patut ngemolihang sosialisasi utawi edukasi indik pengolahan leluu lan tata cara leluu punika nenten meuyag ritatkala meyadnya. 5. Sane kaping untat, untengnyane inggih punika uning ring raga, mangda nenten ngawag ngentungang leluu, ngiring ngawit saking angga sarira.
- Category
- general
- Affiliation
- UHN IGBS
- Age
- 16-21
Enable comment auto-refresher