o
This is a Response to the Sampah Upacara wikithon
Maosang indik sampah wiakti dahating dados pakibeh ring sajeroning pakraman. niki sami wit sangkaning kawentenan sampah sane nyabran rahina sayan ngakehang, sane makawinang karesikan pagenahan iraga sayan cemer. bilih-bilih kawentenan krama Bali nyabran ngamargiang upacara pujawali katah krama saking dur desa sane tangkil ngaturang sembah ring pagenahan pujawali kamargiang. nika mawinan kawentenan luu ring pagenahan punika ngansan ngakehang. ngamanahin kawentenan punika, manut titiang wenten makudang kudang tata cara sane prasida kaambil kaangge ngirangin kawentenan luu rikala ngamargiang upacara agama, minakadi : 1. Sawatek krama sane pedek tangkil , sausan nyakupang sembah, luu canang sane tan kaangge malih, mangda kabakta mawali kapomahan suang, nenten ngenahang ring genah pura punika 2. Ring suang - suang pura patut kasiagayang genah sampah (Sampah Organik lan Sampah Anorganik), dirika mangda sida aangge genah mupulang luu canang sane sampun tan kaangge 3. Ring Suang suang Pura/Genah upacara kamargiang kadagingin atur piuning ngeninin indik Luu/Sampah, magda aatungang ring genah sane kacumawisang 4. Patut kadulurun antuk manah sane suci lan lascarya yening manggihin sampah mangda kaabil tur kagenahang ring Tong sampah sane kacumawisang 5. nenten makta pamungkus plastik angge makta canang, nanging beciknyane ngangge bokor rikala makta canang kapura, mangda nenten ngakehang sampah sane kabakta.
- Category
- general
- Affiliation
- SMK N 2 Kintamani
- Age
- 22-30
Enable comment auto-refresher