How to reduce plastic waste at religious event
This is a Response to the [[|]] wikithon
dane luu plastik punika wantah baya ageng, yening iraga nenten urati ring palemahane, sinah pacang prasida ngawetuang bancana ka pungkur wekas. Raris sapasira sane patut urati? Boya ja tios wantah iraga sareng sami, ketog semprong, para sisiane, para yowanane, para panglingsire, sapa sira ja sane jenek ring Bali patut urati ring kawentenan luu plastike punika. Niki wantah sesanan iraga sareng sami, pamekas para yowanane maka pamucuk. Elingang, geginan para yowanane punika boya ja mahias kemanten, pupur lipstik sakanean merek raris selfi ring genahe sane asri. Sami kapinkanten asri ida dane, sakewanten luune ring ungkur ten wenten sane ngerunguang. Wantah sane lingsir-lingsir, petugas kebersihane, punika kemanten sane nguratiang. Dumugi ja iriki nenten wenten kadi asapunika. Ida dane, indik utsaha ngupapira kasrian jagat Baline patut kadasarin antuk Tri Semaya: Kapertama Atita: inggih punika piteket ring iraga sareng sami mangda nenten lali ring lelintihan jagat Bali sane riin. Kawentenan jagat Baline sane miik ngalub kantos nusdus rauh ka dura negara, napi mawinan? majanten sinalih tunggil wantah kaasrian jagat, duaning duk punika jagate durung keni iyus globalisasi, durung keni polusi, sami kapikanten asri. Indayang ja uratiang mangkin, boya a doh matiosan? Yening iraga tuna urati, napike jagat Baline pacang kari sakadi nguni? majanten nenten. Wartamana inggih punika mangda iraga setata tanggeh ring aab jagat kadi mangkin sane ketah kabaos era kasejagatan. Indayang ja uratiang ring kauripane mangkin sami elah, napi rereh wenten, napi sane tumbas dangan, sami mabungkus plastik rauhing ajeng-ajengan sami mabungkus plastik raris luune muyag makacakan, saking akidik ngancat ngebekin jagat. Yening indike puniki nenten kauratiang asapunapi kawentenan jagate sane agi rauh? sinah bancana pacang nibenin jagate. Nagata inggih punika napi sane patut kamargiang kaanggen nangkepin pekibeh jagat sane jagi rauh. Ngeninin indik luu plastik kadi mangkin sane sampun akeh ngawetuang bancana, napi sane patut margiang mangda pikobete nenten ngancan nglahlah ring kauripan iraga sami? inggih patu makinkin ngawi mangkin m angda jagat miwah sadagingipun ngamangguhang karahayuan ka pungkur wekas Luu plastike mangkin sampun dados pikobet ageng sane mabuat pisan patut uratiang olih iraga sareng sami. Riantukan punika ngiring mangkin, ngiring ngamargiang,irage sareng sami patut kelestariang gumi baline nike irage dadi nak bali ten dados ngutang luu nenten ring tongos ane ten dados,Ring galahe sane becik sakadi mangkin titiang pacang ngaturang pidarta sane mamurda "Urati ring Luu plastik Ngulati Bali Asri". Boya ja mamanah nasikin segara, nanginin ida dane sane sampun pada pawikan, sakewanten titiang memanah nyarengin pamargin guru wisesane manut sane kawedar olih Bapak Gubernur Bali mangdane iraga sareng sami ring ring jagat Bali puniki urati ring luu plastik sane sayan nincap kawentenan ipun sekadi mangkin. Yan maosang indik kaasrian jagat Baline sayuakti sampun kasub saking riin, sakewanten mangkin doh matiosan. Akeh pikobet sane nibenin jagate. Indayang ja uratiang yening sabehe bales rauh ka desa-desa toyane munggah, blabar ageng boya ja wantah ring kota kemanten nanging sampun nyluksuk rauh ka desa. Tios ring punika yan uratiang ring sasih kalima ngantos sasih kadasa makacakan luune anyud ngebek rauh ka pasisi, ngantos ulame ring segara padem neda luu plastik, yening indike punika nenten wenten sane nguratiang, asapunapi kawentenan jagate ka pungkur wekas? Sinah jagat Baline nenten kari asri samaliha pikobet sane agengan pacang rauh nibenin jagat miwah sadagingipun sakadi tanah embid, blabar, polusi, toyane putek wastu sida ngawetuang pinungkan. Ida dane sareng sami sane wangiang titiang, sampun sepatutne iraga ngaturang parama suksma majeng ring Ida Sang Hyang Widhi Wasa, punika taler ring para leluhure sami duaning sangkaning pasuecan Ida, iraga kaicen maurip ring jagat Bali sane asri, sane kaloktah ring sejebag jagat. Duaning asapunika patut iraga sareng sami miara jagate miwah sadagingipun, sinalih tunggil pamargine antuk mareresik, utaminipun ngirangin ngwigunayang luu plastik.
- Category
- high
- Affiliation
- Age
- 16-21
Enable comment auto-refresher