Semua sadar agar bersih
This is a Response to the Sampah Upacara wikithon
Krama Hindu ring Bali nenten sida kapalasan sareng kawentenan upacara agama. Sakewala upacara agamane sering kasarengin antuk pikobet indik leluuan sane sayan ngakehan. Rikala piodalan ageng ring Pura Besakih, Pura Batur lan pura ageng lianan, akeh pamedek sane tangkil saking saluiring wewidangan jagat Baline. Pastika drika mapupul leluuan saking sarana upakara lan sarana maturan, kawewehin taler leluuan saking ajeng-ajengan. Napike ening kenehe mabakti rikala luu mabrarakan tur maambu pengit?
Wenten utsaha sane sida nepasin pikobet punika, sekadi ngamargiang “zero waste” dados lifestyle ring pura, tata caranyane sekadi: 1. Refuse. Pura sapatutne nenten nerima luu saking pamedek sane tangkil. Para pamedek mangda makta mawali aturan, canang, kwangen lan sarana tiosan budal ka jero soang-soang sawusan mabakti. 2. Reduce. Pamedek nenten makta barang plastik sekali pakai ka pura. 3. Reuse. Pamedek mangda nganggen tas kain, keranjang utawi barang lianan pengganti plastik sane dados kaanggen malih. 4. Recycle. Pangempon pura patut makarya tim pengelolaan sampah, sane miara karesikan pura lan ngelola leluu purane mangda sida kadaur ulang. 5. Rot. Tim pengelola sampah ring pura taler uning punapi tata cara mengelola luu organik dados kompos sane mawiguna.
Ngamargiang zero waste patut kadulurin antuk sosialisasi majeng krama Hindu ring Bali nganggen media sosial, himbauan resmi ring surat kabar, tv lan radio, taler pengumuman sadurung pamedek ngranjing ka pura. Pamedek sane tangkil ka pura mangda uning lan setata eling nglaksanayang pawarah sane kasobiahang. Apang palemahan purane setata bersih sekadi toyane ening.
- Category
- high
- Affiliation
- SMA N 1 KUBUTAMBAHAN
- Age
- 16-21
Aktifkan pemuatan ulang komentar otomatis