Harapan ring calon pemimpin sane kapilih ring Pemilu 2024 punika saking sosok sane ngangenang perbedaan, nginurin kolaborasi, lan ngajegang integritas, ngalayani rakyat nganggen tanggung jawab agung, tur ngarerehang perubahan positif ring masyarakat kabeh Indoneisa. Krisna govinda stt desa jagapati, sosmed WA 085969008517
Kene pangaptin tiange teken pamimpin ane lakar kapilih di pemilu 2024, yen cara Nyama kenken? Laan milunin Wikithon Partisipasi Publik-Pemilihan Umum apang nyidaang masih mapanampen unduk pangaptin Nyamane.
Yen cara tiang, pamimpin ento tusing ja nekep kuping nekep mata yen ada pakeweh. Di samping ento, yen ngae solusi eda pesan ngewehang kramane, ngae solusi apang aluh tur tuutina ajak kramane. Adiran_STT Rama Wijaya_@adrian
Apa pengaptine teken pemimpin ring Pemilu 2024 semeton?
Pemilu kabaos pesta demokrasi sane kelaksanayang limang tiban. Pengaptine ring Pemilu pinanggal 14 Februari 2024 mangda pemimpin Indonesia dahat wicaksana, dueg, seken ngelaksanayang swadharma dados pemimpin, taat agama, satya teken semaya lan wacana. Mangdane sampunang buka sesenggak lagune cara bebek sane liunan munyi sakewala aksi nenten wenten aksi. Sapunika taler ring pemilu sane jagi kalaksanayang mangda kramane nenten golput krana siki suara nentuang nasib negara lan pemimpin ne aptiang.
Ni Wayan Sukarini
STT Yowana Dharma Kriya, Jasri, Karangasen
Pemimpin sane tiang harapkan untuk pemilu 2024 inggih punika pemimpin nike sepatune ngutamayang kepentingan umum daripada kepentingan golongan. Bijaksana yen nyemak keputusan, pemimpin harus ngerti ajak masalah ane nasional terus ngidaang ngemaang solusi ngadok data. Pemimpin ane ngelah inovasi, cerdas,melek teknologi, begeh ngelah pemikiran-pemikiran baru. Tegas jak bani, pang sing pemimpin negara to dadiange boneka teken golongan tertentu. Usan nike, para yowana jani sube sayan dueg lan bijak nganggo internet jak kreatif-kreatif. Jadi yen pemerintahe ngae kebijakan apang ngajak para yowana apang kebijakane to inovatif ajak aluh diterima teken ane lenan. Anggayana_STT Yowana Segara Kerthi_ig : xdeangga
Pemimpin ring 2024 mangde Nyidayang Merevolusi Mental saking Manah, Pemineh, Tutur Basa Basita tur Sane Paling Pas nike Realisasi Janji ring semeton Sami..
Majeng ring para calon pemimpin sane terpilih ring pemilu sane jagi rauh. Tityang mapangapti mangda pemimpin nguratiang infrastruktur utawi akses jalan ring pelosok desa desa. Khususnya jalan menuju galian c ddsa butus karangasem.
Semeton bali sareng sami sane wagiang titiang tiang berharap pemimpin bangsa ring kedepan ne nike becik lan bertanggung jawab nggih lan tiang harap menjadikan daerah sane dipimpin nike maju lan berjaya ita stt swastika wijaya ring klungkung lan ig : tatataitaa
Untuk pemimpin sane lakar terpilih di pemilu 2024 sane paling utama sebagai pemimpin sing dadi ngelah sifat care wewangsalan “Gamongan kladi jae”, suksmane nike “ Omongan dadi gae”.Sikap jujur sane paling utama krana, yen pemimpin sing ngelah sifat jujur ken ken masyarakat bise percaya teken pemimpine?. Selain nike tiyang berharap memiliki pemimpin mau mendengarkan keluh kesah lan aspirasi rakyat, pemimpin nike sujatine ten mempimpin tapi sebagai pelayan masyarakat. Tiyang berharap ngelah pemimpin sane memiliki sifat keadilan, sane mengutamakan kepentingan masyarakat, bangsa dan negara dibanding kepentingan pribadi. Milenial mangkin kreatif sehingga dalam pengambilan keputusan tiyang berharap melibatkan milenial dalam mengambil keputusan.
Yen care tiang, harapan pemimpin 2024 wantah pemimpin sane luwih punike setata prasida mirengang pendapat masyarakat sami. Tur prasida ngicenin kebijakan sane berpihak antuk warga masyarakat sami. Agustin_STT Shanti Yowana desa Kuning _ @desak_d
Pemimpin sane harapan tiang untuk Pemilu 2024 inggih punika sane jujur, sane ngeutamaang kepentingan umum. Mekarya sane nyata membangun, sane durung becik ring tahun seduringne jagi karyanin apang becik ring tahun kepemimpinan selantur nyane. Lan pemimpin sane kepilih apang lebih melirik ring dunia pendidikan terutamanyane. Sintya - Yowana Abdikencana- Da Kanciana, Seltim Tabanan. 081237884121
Untuk pemimpin sane lakar terpilih di pemilu 2024 sane paling utama sebagai pemimpin sing dadi ngelah sifat care wewangsalan “Gamongan kladi jae”, suksmane nike “ Omongan dadi gae”.Sikap jujur sane paling utama krana, yen pemimpin sing ngelah sifat jujur ken ken masyarakat bise percaya teken pemimpine?. Selain nike tiyang berharap memiliki pemimpin mau mendengarkan keluh kesah lan aspirasi rakyat, pemimpin nike sujatine ten mempimpin tapi sebagai pelayan masyarakat. Tiyang berharap ngelah pemimpin sane memiliki sifat keadilan, sane mengutamakan kepentingan masyarakat, bangsa dan negara dibanding kepentingan pribadi. Milenial mangkin kreatif sehingga dalam pengambilan keputusan tiyang berharap melibatkan milenial dalam mengambil keputusan. ellena viola_ stt tirta puspa santhi ig : jejakana
Penampen tiyang sareng calon pemimpin sane kapilih warsa 2024 puniki inggih punika mangda maparilaksana buka rerama teken pianakne. Sane kapertama Buka I Bapa ne maparilaksana ngejaga pianak taler mekarya antuk ketulusannyane. Sane kaping kalih buka I Meme mangda maduwe parilaksana mengayomi taler tresna ngayah. Antuk punika tiyang dot pisan pemimpin 2024 nyanan maparilaksana buka rerama sane tresna ngayah antuk panegara taler masyarakat teken ngejaga budaya lan tradisi angge nincapang kawetenan panegara ka dura negara. Ketut_STT Yowana Dharma Satya
Harapan tiang ke pemimpin ane terpilih di pemilu tahun 2024,apang seken-seken seorang pemimpin, ane nyidang muktiang munyi ane taen ucapange , pang nyidang seken-seken mengayomi masyarakat, mensejahtrahkan rakyatne, pang seken-seken menjalankan visi misi ane sampun gaenina, pang ten ngae duen visi misi tapi sing misi ape, care kembungan tebekin, gedenan munyi tapi sing ade ape,
, disamping ento sing masih dadi bes sombong, harus tetep inget ngajak masyarakate, ape buin kanti ngengkabang munyi rikala ade masalah di masyarakat, pemimpin harus setata didepan disaat ada masalah dilapangan, menerima aspirasi uling masyarakat, bin besik sing dadi korupsi, nak pemimpin ane demenina ke masyarakate adalah pemimpin ane seken-seken nyidang ngemaang perubahan dan mampu meminpin boya je nyidang memenpen duen,
maksudne pipis hak gelah masyarakat pempena di kantong pemimpine, be kento ada masalah di masyarakat harus bani menerima dan menjalankan aspirasi dari masyarakat ane positif, pang ten aspirasi masyarakate pempen-pempen duenan, nanging ten tereakisasikan,
iwang san ento , keto masih masyarakate melah-melahang milih pemimpin, masyarakate harus bijak saat memilih pemimpin , nak jaman jani keweh san memilih pemimpin ane seken-seken, masyarakate Masih harus bisa memimpin dewek pedidi anggo ngemargiang hak salah satunyane hak memilih pemimpin olih punika lan sareng-sareng prepti ring tangal 14 februari 2024 nyobos ke tps soang-soang, salurang aspirasi lan hak irage dados pemilih apang ngelah pemimpin sane arepang, intine sing nyoblos sing mulih…
Tiang ngelah harapan teken pemimpine ane suba mapilih di tahun 2024. Tiang dot apang sabilang banjar ento aktif ngae kegiatan mulai uli kesenian, olahraga, e-sport, apang banjare ane paek ajak yowanane tur kramane ento nyidang aktif. Gaenang awig-awig buka kene. Apang seken ja konyangan banjar nuutang awig-awige ento. Yen suba nyak uling tingkat beten aktif, jeg pasti liu sajan nekaang generasi ane dueg-dueg di bidangne, krana suba uli cenik gaenina wadah, apa buin gerah tis alias gratis, mih jeg semangat ba. Yen suba ngelah kebisan kan bisa masih nyanan ngalih pangupa jiwa utawi penghasilan tambahan apa buin sambil masuk.
Yéning maosang indik pemimpin sané kaaptiang, wantah akéh sané jagi katur. Kocap pemerintah punika wénten yéning wénten krama. Punika taler kramané sida ngamargiang kauripan sane becik dados warga negara yéning pemerintahé ngaryanang kebijakan sané becik taler. Mangkin sapunapi kebijakan sané becik? Manut panampén titiang, sira ja sané mapilih ring pemilu, nénten ja patut langsung nguwah kebijakan dumun sané sampun becik kamargiang. Yadiastun pemimpinné malianan, anak dados nglanturang kebijakan saking pemimpin sané dumun. Imbanyané kurikulum. Nyabran magentos mentriné, jeg magetos taler sistem kurikulumné. Nénten ja guruné manten sané sukil jagi ngicénin materi, muridé taler nénten ja ngresep sareng paplajahanipun.
Witari_Sekaa Truna Sari sabana_ instagram @witari__
Tiang ngarepin pemimpin ane seken-seken nyak ngayah, ningehin suaran krama, ngaliang solusi pakeweh ane paling sai tepuk tur sesai adekin i raga ajak makejang, "LUU". Luu di Bali konden ada solusi ane seken-seken pasti. Tiru daerah apa ane suba berhasil nerapin pikobet luu, yen sing niru, baang solusine, tapi pang seken majalan, gaenin awig-awig uli tingkat keluarga tur pantau. Luu ento ngenahne aluh nanging sukeh sajan ngurusang. Ija tekan luune? uli rumah tangga kan? Pemimpin patut ngenehang apa ane patut gaenin uli tingkat RT. Pang sing Bali dadi pulau luu. Lek atine, pariwisata internasional luune nu ngontal.
Bapak/Ibu pemimpin ané mapilih buin mani di taun 2024, suud ja ngaé bus angkutan umum yén abedik ané nganggon, nah. I pidan ada bus pemerintah ané mudah, makelo-kelo nyat penumpangé. Disubané suud beroperasional, pemimpinné maganti, kéwala buin ngaé bus cara kéto. Si patuh cara ngutang-ngutang bensin? Kramané suba pasti sengsaya ngadén program bus ento akal-akalan pemerintahé. Yén dot apang anggarané tetep majalan, dong tingalin krama di désa-désa ané minim transportasi umum. Ditu gaénang program apang sirkulasi ekonominé lancar ulian transportasi masih lancar. Yén anak belog, munyiné macelep kuping kanan, pesu kuping kiri. Men jani nyén nyak ningeh munyin raga ?
Suba buin lakar ngelaksanayang pemilu di Indonesia. Yen alih benehne iraga tusing dadi ampah. Iraga dadi rakyat ngelah kewajiban teken negara milu mamilih nyen ane lakar nutugang mimpin negara, keto masih mani puan lakar maan hak dadi warga negara.
Pemimpin iraga uli periode ka periode suba luung pesan mimpin rakyat. Nanging uli ento liunan condong urati ka pembangunan infrastruktur. Sebenarne cara tiang ada ane kuang masorot. Apa ento?, ane kuang masorot manut tiang sakadi kari akeh kawentenan anak-anak jalanan. Tiang ngaptiang teken pemimpin di kapemimpinan selanturnyane mangda nika kauratiang malih. Sakadi ngadaang survei, nganti bisa nemuang solusi antuk masalah punika.
Ni Kadek Sintia Dewi_ST. Canthi Werdi, Banjar Penyarikan Nusa Dua_@sintiadewii_
Pemimpin sané kaaptiang ring pemilihan 2024 inggih punika pemimpin sané ngamargiang program sané becik sané madaging bukti nénten wantah janji-janji manis. Pemimpin patut wicaksana rikala nepasin pikobet. Pemimpin dados tetuladan pabuat rakyate makasami. Santukan anake sane dados pemimpin punika patut nabdabang raga marep ring sakancan anake sane lianan. Pamimpin sane adil, tegas, tur andel pisan ring anak lianan, pastika pacang ngawetuang kerta raharja ring wewidangannyane.
Jaman jani kéweh ngalih pemimpin ané ngelah visi jelas. Biasané dugas kampanye kanti malantik, tileh nganggon visi ané universal dadiné sing tatas disubané nyalanang program. Yen cara tiang, sing engken pemimpinne ngae visi ane sadarana kewala tatas arah muah tetujonne. Umpaminnyane, visi ane ngucukang apang nyidang mengekspor barang ane gaenina teken krama bali. Visi totonan enu tatasan yen bandingang teken visi “meningkatkan kesejahteraan rakyat”. Visi cara keto jeg suba pasti sing mabukti krana sing jelas gae apa ane lakar jemaka teken pemerintahe apang kramane sejahtera. Yen visine gen sing jelas, jeg suba jelas lakar sing ada apa.
Asri _ ST Tunas Mekar, Desa tista _ @asriranaswari (ig)
Ring tahun 2024, masyarakat Indonesia serentak ngelaksanayang pemilu. Pemilu ento kalaksanayang anggen milih calon pemimpin negara Indonesiane sane kaadanin Presiden. Iraga dados masyarakat pastike dot pesan ngelah pemimpin sane luung apang negarane maju miwah berkembang. Apang tusing pelih milih pemimpin 2024, titiang madue pangaptin teken calon pemimpin sane mapilih ring 2024.
Pangaptin titiang teken calon pemimpin 2024 inggih punika :
1. Pemimpin sane jujur miwah adil tusing demen mogbog apang tusing ada pemimpin sane korupsi
2. Pemimpin sane satya teken janjine apang tusing bisa mamunyi gen nanging tusing ada apa
3. Pemimpin sane madue wawasan utawi pengetahuan sane liu apang tusing ulah aluh masuang awig-awig sane memberatkan masyarakat
4. Pemimpin sane tegas tur bijaksana
5. Pemimpin sane madue sifaf Asta Brata.
Yening ring ajahan Umat Hindu, pemimpin sane madue sifat Asta Brata inggih punika pemimpin sane terjun langsung yening wenten masalah miwah peduli teken masalah ipunne. Asta Brata inggih punika kutus sifat utawi prilaku sane patut kagelahang olih pemimpin.
Harapan tiang teken pemimpin ane mapilih di 2024 ento apang nyidang ngenehang lan nglimbakang peran perempuan utawi anak luh di berbagai sektor. Akses tur kesempatan di bidang pendidikan, kesehatan, muah gegaen apang patuh ajak krama muani. Apus diskriminasi ke anak luh, kekerasan, pembagian kekuasaan apang adil di bidang politik/pemerintahan, bisnis, muah ane lenan. Perlindungan perempuan ento patut dadi swadharma pemerintahe lan krama ajak makejang. Pemimpin ane mapilih patut maprakanti ngaenang gumine apang aman, inklusif, muah setara baang anak luh, apang kesetaraan gender ene bisa terus ada, teteg, lan berkelanjutan.
Apa ane nyidang ngae maju negarane? Pasti pamimpin ane seken berkualitas. Ento mawanan tiang ngelah pangapti apang pamimpin ane lakar teka ditaun 2024 nyidang ngae gumi, jagat lan negarane rahayu. Rahayu palemahane, tur rahayu parajanane. Yen nyidang pamimpin ane lakar mapilih ento pemimpin ane seken-seken nyidang ngediang koruptore. Krana kemajuan bangsa lan negara melambat ulian ento. Cara Mahfud MD taen mabaos. Yen di Indonesia tusing ada koruptor, rakyate per orang nyidang maan pis 20 juta abulan uli negara.
Jani di Bali suba liu sajan ada gedung, jalan, transportasi, fasilitas publik ane luung-luung. Nanging yen keneh-kenehang, adi bedik akses baang disabilitase nah? Anak di gumene cara don sente don plendo, ada kene ada keto. Ane nganggon fasilitas umum ento anak ajak makejang uli cenik kanti lansia muah disabilitas. Tusing ja ane normal dogen. Pemimpine patut inget teken pentingne akses baang disabilitas, cara ngae alarm khusus di lampu merah apang kramane marasa nyaman ri kala lakar nyebrang. Yen nyak seken ngae infrastruktur ane ramah disabilitas, krama ane ngelah kekurangan ento suba pasti nyak demen pesan, marasa ada ane ngenehang ia.
Enable comment auto-refresher
Anonymous user #1
Permalink |
Anonymous user #1
Permalink |
Sukarini
Permalink |
Gede Anggayana
Permalink |
Anonymous user #1
Permalink |
Anonymous user #1
Permalink |
Anonymous user #1
Permalink |
Anonymous user #1
Permalink |
Anonymous user #1
Permalink |
Anonymous user #1
Permalink |
Anonymous user #1
Permalink |
Anonymous user #1
Permalink |
I Ketut Yoga Pramuditya
Permalink |
Anonymous user #1
Permalink |
Anonymous user #1
Permalink |
Astama wiguna
Permalink |
Anonymous user #1
Permalink |
Anonymous user #1
Permalink |
Anonymous user #1
Permalink |
Anonymous user #1
Permalink |
I Wyn. Giri Gantara
Permalink |
Anonymous user #1
Permalink |
Selyy
Permalink |
Anonymous user #1
Permalink |
Anonymous user #1
Permalink |
Anonymous user #1
Anonymous user #1
Permalink |