Silih sinunggil pikobet sané mabuat pisan sané patut urati pisan inggih punika indik palemahan miwah pariwisata sané lestari. Pinaka genah wisata utama, kawéntenan industri pariwisata sané nyansan nglimbak ngawinang dampak sané abot pisan ring palemahan minakadi akéhnyané limbah, rusaknyané terumbu karang, miwah ancaman majeng ring kelestarian alam.
Sajabaning punika, isu-isu pendidikan miwah kesejahteraan krama lokal taler dados parindikan sané mabuat. Prioritas patut kaicénin ring nincapang akses pendidikan sané pateh, pemberdayaan masyarakat lokal ring sektor pariwisata, taler upaya antuk nyiptayang peluang kerja sané adil miwah lestari.
Pikobet ring sektor kesehatan taler nenten dados kaicalang, utaminnyane ri sampune pandemi global puniki. Patut kemargiang sareng-sareng mangda prasida ngukuhang sistem kesehatan, nincapang akses masyarakat majeng ring pelayanan kesehatan, taler nyiagayang Bali mangda prasida ngarepin pikobet kesehatan ring benjang pungkur.
Punika mawinan, titiang nunas majeng ring krama Bali samian mangda milih pamimpin sané madué visi sané jelas rikala ngungkulin pikobet puniki. Pamimpin sané banget mautsaha ngalestariang palemahan, inklusi sosial, miwah kesejahteraan kramané. Ngiring sareng-sareng ngwangun Bali sané sayan becik, nénten wantah pinaka genah wisata sané becik, nanging taler pinaka genah sané madaging dasar sané kukuh sajeroning ngalestariang kasugihan budaya, palemahan sané lestari, miwah kesejahteraan kramané.
Suksma, dumogi Bali tetep nglimbak tur dados genah sane becik antuk generasi sane jagi rauh. Ngiring iraga sareng sami mautsaha mangda Bali dados Bali sane adil, lestari, lan gemuh landuh!
Enable comment auto-refresher